அர்ஜூன் ராம்பால்

அர்ஜூன் ராம்பால் (இந்தி: अर्जुन रामपाल), பிறப்பு 26 நவம்பர் 1972), பாலிவுட் படங்களில் நடிக்கும் ஓர் இந்திய நடிகர் மற்றும் வடிவழகர் ஆவார்.

அர்ஜூன் ராம்பால் ‎
இப்படிமம் நீக்கப்பட முன்மொழியப்பட்டுள்ளது. முன்மொழியப்பட்ட நாளிலிருந்து 7 நாட்களில் இப்படிமம் நீக்கப்பட்டலாம்.
பிறப்பு	நவம்பர் 26, 1972 (1972-11-26) ஜபல்பூர், இந்தியா
தொழில்	விளம்பரப் படத் தோற்ற நடிகர், நடிகர், தயாரிப்பாளர்
நடிப்புக் காலம்	2001 – இன்று வரை
துணைவர்	மெஹர் ஜெசியா
விருதுகள் பில்ம்ஃபெயார் விருதுகள் மிகச்சிறந்த துணை நடிகர் 2009 ராக் ஆன்!!

திரைப்படத்துறை வாழ்க்கை

அவர் முதன் முதலாக நடித்த அசோக் மெஹ்தா இயக்கிய படம் - மோக்ஷா, 2001 ஆம் ஆண்டில் வெளியானது. அவர் சுனில் ஷெட்டி மற்றும் அப்தாப் ஷிவ்தாசனியுடன் இணைந்து இரண்டாவதாக நடித்த, ப்யார் இஷ்க் அவுர் முஹப்பத், என்ற படம் முதலில் வெளியானது. பாக்ஸ் ஆபீஸ்யில் இவ்விரு படங்களும் தோல்வியுற்றன, இருப்பினும் இவ்விரு படங்களிலும் அவருடைய நடிப்பைத் திறனாய்வாளர்கள் வெகுவாக பாராட்டினார்கள். 2002 ஆம் ஆண்டில், இன்டர்நேஷனல் இந்தியன் பிலிம் அகாடமி என்ற அமைப்பு அவருக்கு அந்த ஆண்டின் மிகச்சிறந்த அறிமுக நடிகனுக்கான விருதை வழங்கியது.

அவர் அறிமுகமானதில் இருந்து, தொடர்ந்து நிதானமாக ஆன்கேன் (2002), தில் ஹை தும்ஹாரா (2002), யகீன் (2005), ஏக் அஜ்னபீ (2005) போன்ற பல படங்களில் நடித்தார். ஆனால் அவருடைய தில் ஹை தும்ஹாரா (2002), யகீன் (2005) மற்றும் ஏக் அஜ்னபீ (2005) படங்கள் வணிக ரீதியாக வெற்றி பெறவில்லை.

அவர் ஷாருக் கான், ராணி முகர்ஜி, சைப் அலி கான், பிரீத்தி சிந்தா மற்றும் பிரியங்கா சோப்ரா போன்ற திரைப்பட நட்சத்திரங்களுடன் இணைந்து டெம்ப்டேசன்ஸ் 2004 என்ற கலை நிகழ்ச்சியிலும் தோன்றினார்.

2006 ஆம் ஆண்டில் அவர் பல-நட்சத்திரங்கள் நடித்த கபி அல்விதா நா கெஹனா என்ற படத்தில் கௌரவ வேடத்தில் நடித்தார் மற்றும் டான் - தி சேஸ் பிகின்ஸ் அகைன், என்ற படத்தில் துணை கதாபாத்திரத்தில் பங்கேற்றார், இது 1978 ஆம் ஆண்டில் அமிதாப் பச்சன் நடித்த டான் என்ற படத்தின் மறுதயாரிப்பாகும். மூலப்படத்தில் பிரான் நடித்த ஜஸ்ஜீத் என்ற வேடத்தில் ராம்பால் தோன்றினார். அதன் மூலப்படத்தைப் போலவே இப்படமும் ஒரு மாபெரும் வெற்றிப்படமாக அமைந்தது.

அதற்குப்பிறகு அவர் சொந்தமாக ஐ சீ யு (2006) என்ற படத்தைத் தயாரித்து நடிக்க முடிவெடுத்தார். அப்படம் 29 டிசம்பர் 2006 அன்று வெளியானது. அவரது சொந்த தயாரிப்பு நிறுவனமான சேசிங் கணேஷா பில்ம்ஸ் அப்படத்தை தயாரித்தது. அவரது மனைவி, மெஹர் ஜெசியா, அதன் துணை தயாரிப்பாளராவார். இப்படத்தில் ராம்பால், விபாஷா அகர்வால், சோனாலி குல்கர்னி மற்றும் போமன் இரானி ஆகியோர் நடித்தனர். இப்படத்தில் பாலிவுட் நடிகர்களான ஷாருக் கான் மற்றும் ரித்திக் ரோஷன் ஆகியோர் கௌரவ வேடத்தில் தோன்றினார்கள். ஐ சீ யு படம் முழுமையாக லண்டனில் படமாக்கப்பெற்றது. இப்படத்திற்கு நல்ல விமர்சனம் கிடைக்கவில்லை மற்றும் பாக்ஸ் ஆபீசில் தோல்வி அடைந்தது. இருப்பினும், அவர், பாராஹ் கானுடைய படமான ஓம் சாந்தி ஓம் (2007) படத்தில் வில்லனாக நடித்து நல்ல விமரிசனங்களைப் பெற்றார். இப்படம் பாலிவுட்டின் வரலாற்றில் ஒரு மிகப்பெரிய வெற்றிப்படமாக அமைந்தது. மேலும் இன்று வரை அவருடைய மிகப்பெரிய வெற்றிப்படமாக இருந்து வருகிறது. இப்படத்திற்காக அவர் பல விருதுகளைப் பெற்றார்.

கட்டுடல் கொண்ட இந்த நடிகர், தற்போது உணவு விடுதிகளுக்கு சொந்தக்காரரான ஏ டி சிங்க் என்பவருடன் இணைந்து கூட்டு முயற்சியாக தில்லியில் லாப் லவுஞ் அண்ட் பார்டி என்ற பெயரில் ஒரு புதிய உணவு விடுதி மற்றும் மதுபானக நிறுவனத்தை அண்மையில் திறந்து வைத்தார்.

அர்ஜூன் ராம்பால், சர் ரிட்லி ஸ்காட்ட் (கிலேடியேடர் புகழ் இயக்குனர்) தயாரித்த மற்றும் புகழ்பெற்ற சர்வதேச இயக்குனர் சேகர் கபூர் (மிஸ்டர். இந்தியா, பாண்டிட் க்வீன், எலிசபெத்) இயக்கிய அனைத்துலக ஸ்ச்வேப்பெ நிறுவனத்தின் பானங்களுக்கான வணிக விளம்பரத்தில் நிகோல் கிட்மேனுடன் தோன்றினார்.

அண்மையில் அவர் உலகப்புகழ்பெற்ற ஆடைத்தயாரிப்பு நிறுவனமான தாமஸ் ஸ்காட் நிறுவனத்தின் வணிகச்சின்னத்தின் தூதராகவும் விளங்குகிறார்.

2010 ஆம் ஆண்டில் அவர் ஷாருக் கான் மற்றும் குணால் அவ்தானாவுடன் இணைந்து மிகவும் வெற்றிபெற்ற டான் படத்தின் அடுத்த கட்ட படப்பிடிப்பை பெரிய பச்சனுடன் சேர்ந்து ஏபிசிஎல் புரொடக்சன் நிறுவனத்துக்காக துவங்க உள்ளார் மற்றும் அபிஷேக் கபூரின் அடுத்த படத்திலும் நடிக்கிறார்.

2008 ஆம் ஆண்டில், அர்ஜுன் ரிதுபர்னோ கோஷ் ஆங்கிலத்தில் தயாரித்த கலைவண்ண த்துடன் கூடிய படமான தி லாஸ்ட் லியர் என்ற படத்தில், அமிதாப் பச்சன் மற்றும் பிரீத்தி ஜிந்தாவுடன் இணைந்து நடித்தார். இப்படத்தின் முதல் காட்சி டொரோண்டோ இன்டர்நேஷனல் பிலிம் பெஸ்டிவல் விழாவில் காட்டப்பெற்றது. இப்படம் பல இதர திரைப்பட விழாக்களிலும் நல்ல வரவேற்பைப் பெற்றது. இப்படம் இந்தியாவில் உள்ள திரை அரங்குகளில் காட்சிக்கு வந்தபின்னால், ராம்பாலின் நடிப்பை போற்றி பலர் விமர்சனம் செய்துள்ளனர். 2008 ஆம் ஆண்டில், ராம்பால் ராக் ஆன்!! என்ற படத்தில் ஒரு முன்னோடி கிதார் இசைக்கலைஞராக நடித்தார், அந்த வேடத்தை விமர்சகர்கள் பெரிதும் பாராட்டினர். மேலும் அதற்காக அவர் பல விருதுகளைப் பெற்றார், அவற்றில் பிலிம்பேரின் மிகச்சிறந்த துணை நடிகருக்கான விருதும் அடங்கும்.

2010 இல் பிரகாஷ் ஜாவின் மிகப்பெரும் வெற்றிப்படமான ராஜ்நீதி எனும் படத்தில் ப்ரித்வி எனும் கதாப்பாத்திரத்தில் நடித்தார். இப்படத்தில் இவரது கதாப்பாத்திரத்தின் சித்தரிப்புக்காக விமர்சகர்களின் பாராட்டைப் பெற்றார்.

சொந்த வாழ்க்கை

அர்ஜுன் தீயோளில் உள்ள புனித பேட்ரிக் பள்ளியில் படித்தார். மேலும் இவர் டெல்லியில் பொருளாதரத்தில் இளங்கலை பட்டம் பெற்றார். இவரது தந்தை அமர்ஜீத் சிங்க் ராம்பால் மற்றும் தாயார் க்வீன் ராம்பால் ஆவர்.

இவரது தந்தை வழி மற்றும் தாய் வழி தாதகளும் இந்திய ராணுவத்தில் பணியாற்றியவர்கள்.

அர்ஜுன் மற்றும் அவரது இளைய தங்கையான கோமல் ராம்பாலும், தமது தாய் ஆசிரியையாகப் பணியாற்றிய புகழ்பெற்ற கொடைக்கானல் இன்டர்நேஷனல் பள்ளியில் படித்தனர்.

அர்ஜுன் ராம்பால் முந்தைய மிஸ் இந்தியா மற்றும் உயர்ந்த விளம்பரத்தில் தோன்றும் நடிகையான மெஹர் ஜெசியா வை மணந்தார் மேலும் அவர்களுக்கு இரு பெண் குழந்தைகள் உள்ளனர், அவர்களுடைய பெயர்கள் மாஹிகா, 17 ஜனவரி 2002 அன்று பிறந்தவர் மற்றும் மைரா, ஜூன் 2005 இல் பிறந்தவர்.

நடிப்பு வாழ்க்கை

திரைப்படம்	ஆண்டு	பாத்திரம்	இதர குறிப்புகள்
ப்யார் இஷ்க் அவுர் முஹப்பத்	2001	கௌரவ்
மோக்ஷா	2001	விக்ரம் செஹ்கல்
தீவானாபன்	2001	சூரஜ் சக்சேனா
ஆன்கேன்	2002	அர்ஜுன் வர்மா
தில் ஹை தும்ஹாரா	2002	தேவ் கன்னா
தில் கா ரிஷ்தா	2003	ஜெய் மெஹ்தா
தெஹ்ஜீப்	2003	சலீம் மிர்சா
அசம்பவ்	2004	கேப்டன் ஆதித் ஆர்யா
வாதா	2005	ராகுல்
எலான்	2005	அர்ஜூன்
யகீன்	2005	நிகில் ஒபராய்
ஏக் அஜ்னபீ	2005	சேகர்
ஹம்கோ தும்ஸே ப்யார் ஹை	2006	ரோஹித்
டர்னா ஜரூரி ஹை	2006	குணால்
கபி அல்விதா நா கெஹனா	2006		ஜே என்ற வேடத்தில் சிறப்புத்தோற்றம்
டான் - தி சேஸ் பிகின்ஸ் அகெய்ன்	2006	ஜஸ்ஜீத்
அலாக்	2006		சப்ஸே அலக் என்ற பாடலில் சிறப்புத் தோற்றம்
ஐ சீ யு	2006	ராஜ் ஜெய்ஸ்வால்
ஹனிமூன் ட்ராவல்ஸ் பிரைவேட். லிமிடெட்.	2007	சிறப்புத்தோற்றம்
ஓம் சாந்தி ஓம்	2007	முகேஷ் "மிகி" மெஹ்ரா	முதல் வில்லன் பாத்திரம்
தி லாஸ்ட் லியர்	2008	சித்தார்த்
எமி	2008	ரியான்
ராக் ஓன் !!	2008	ஜோ மாஸ்கரேன்ஹஸ்	சிறந்த துணை நடிகருக்கான பிலிம்பேர் விருது, சிறந்த துணை நடிகருக்கான தேசிய திரைப்பட விருது
போக்ஸ் (படம்)	2009	அர்ஜுன் கபூர்
ஸ்டெப் மாம் மறுதயாரிப்பு	2010	அமன்
ராஜ்நீதி	2010	ப்ரித்விராஜ் பிரதாப்
ஹவுஸ்புல்	2010	மேஜர் கிருஷ்ணா ராவ்
இர.ஓனே	2011	வில்லின்

வெளி இணைப்புகள்

• ஐ.எம்.டி.பி இணையத்தளத்தில் அர்ஜூன் ராம்பால்