அலட்சுமி

அலட்சுமி
அதிபதி	துரதிர்ஷ்டம் மற்றும் துக்கம் தெய்வம்
வேறு பெயர்கள்	தவ்வை, நிர்ருதி
தேவநாகரி	अलक्ष्मी
வகை	இலட்சுமியின் நிழல்
மந்திரம்	அலட்சுமி நாச மந்திரம்
சகோதரன்/சகோதரி	இலட்சுமி
நூல்கள்	லிங்க புராணம் சிறீ சூக்தம் பத்ம புராணம்

அலட்சுமி (Alakshmi) இவரை இந்துக்கள் துரதிர்ஷ்டத்தின் தெய்வமாக நம்புகின்றனர். இவர் "பசுவை விரட்டுகிறவராகவும், மானைப் போல கால்களைக் கொண்டராகவும், காளைப் போன்ற பற்களை உடையவராகவும்" என்று விவரிக்கப்படுகிறார். ^[2] அல்லது இவள் "வறண்ட சுருங்கிய உடல், குழிந்த கன்னங்கள், தடித்த உதடுகள் மற்றும் துடித்த கண்கள் கொண்டவளாகவும், கழுதை மீது சவாரி செய்கிறவளாகவும் "விவரிக்கப்படுகிறாள். ^[2] இவர் விஷ்ணுவின் மனைவியும் லட்சுமிதேவியின் மூத்த சகோதரியும் ஆவார்.^[3] இந்துத் தொன்மவியல்படி, பாற்கடலைக் கடைந்த போது ஜேஷ்டா தேவி தோன்றியதாகக் கூறப்படுகிறது. இவரது தங்கை இலட்சுமி அமிர்தம் தோன்றும் முன்பு தோன்றியதாகக் கூறப்படுகிறது.

விளக்கம் தொகு

வேத, உபநிடத அல்லது ஆரம்பகால புராண இலக்கியங்களில் இவள் குறிப்பிடப்படவில்லை. ஆனால் அலட்சுமியின் அனைத்து அம்சங்களும் இருக்கு வேத தெய்வமான நிர்ருதியின் அம்சங்களுடன் பொருந்துகின்றன. இவள் இலட்சுமியின் நிழல் என்றும் கூறப்படுகிறது. பத்ம புராணத்தில், அண்டவியல் இவளை உள்ளடக்கியது, அங்கு சமுத்திர மந்தனம் வெளிப்படும் எல்லாவற்றிலும் நல்லது மற்றும் கெட்டது இரண்டையும் உருவாக்குகிறது. ^[4] எது அசுபமானது மற்றும் கெட்டது என்பது முதலில் வெளிப்படுகிறது. அதிக முயற்சியானது நல்ல மற்றும் நல்லதை உருவாக்குகிறது என்று பத்ம புராணம் கூறுகிறது. ^[4] முதலில் அலட்சுமி வெளிப்படுகிறாள். பிறகு சமுத்திர மந்தனத்தின் போது இலட்சுமி தோன்றுகிறாள். ^[5] கடவுள்கள் அலட்சுமியை தீங்கு விளைவிப்பவர்களிடையே வாழ அனுப்புகிறார்கள். அவர்களுக்கு வறுமையையும் துக்கத்தையும் கொடுக்கிறார்கள். ^[4] அசுப மற்றும் துக்கத்தின் அசுரராக இவள் மங்களம் மற்றும் மகிழ்ச்சியின் தெய்வமான இலட்சுமிக்கு எதிரானவள். அலட்சுமி சில சமயங்களில் ஜேஷ்டா தேவியின் மற்றொரு பெயராக குறிப்பிடப்படுகிறாள். கலகப்ரியா, மூதேவி , தரித்திரம் என்றும் அழைக்கப்படுகிறாள். ^[6]

நம்பிக்கை தொகு

“இவள் ஒரு வீட்டிற்குள் நுழையும்போது பொறாமையையும் தீமையையும் கொண்டு வருவதாகக் கூறப்படுகிறது. சகோதரர்கள் ஒருவருக்கொருவர் பிரிந்து வாழ்வர். குடும்பங்கள் மற்றும் அவர்களின் ஆண் வம்சாவளியினர் அழிவையும் எதிர்கொள்வார்கள்" எனவும் நம்ப்பப்படுகிறது.^[7]