அழகு குட்டி செல்லம்
அழகு குட்டி செல்லம் (Azhagu Kutti Chellam) 2016 ஆம் ஆண்டு வெளிவந்த இந்தியத் தமிழ் படம்.ஆகும் . இந்த திரைப்படத்தை இயக்கியவர் இயக்குனர் சார்லஸ் ஆவார். இந்த படத்தில் அகில் , கருணாஸ், சுரேஷ் மற்றும் ஜான் விஜய்,என பல நடிகர்கள் நடித்து உள்ளார்கள். இத்திரைப்படத்திற்கு இசையமைப்பாளர் வேத் சங்கர் இசை அமைத்திருக்கிறார். 2013 ஆம் ஆண்டு முதல் தயாரிப்பில் இருந்ததால், இந்த படம் 1 ஜனவரி 2016 அன்று வெளியிடப்பட்டது. இத்திரைப்படத்தின் தலைப்பு வசந்த் இன் சத்தம் போடாதே என்ற பாடலில் இருந்து வந்தது.
| அழகு குட்டி செல்லம் | |
|---|---|
| இயக்கம் | சார்லஸ் |
| தயாரிப்பு | நீயா நானா அந்தோணி |
| கதை | சார்லஸ் |
| இசை | வேத் சங்கர் |
| நடிப்பு | அகில் கருணாஸ் சுரேஷ் ஜான் விஜய் |
| ஒளிப்பதிவு | விஜய் ஆம்ஸ்ட்ராங் |
| படத்தொகுப்பு | பி. பிரவீன் பாஸ்கர் |
| கலையகம் | மெர்குரி நெட்வொர்க் |
| வெளியீடு | 1 ஜனவரி 2016 |
| நாடு | இந்தியா |
| மொழி | தமிழ் |
நடிப்பு தொகு
- சரவணனாக அகில்
- சரவணனின் மனைவியாக ரித்விகா
- கருணாஸ்
- சுரேஷ்
- ஜான் விஜய்
- தம்பி ராமையா
- ஆடுகளம் நரேன்
- வினோதினி வைத்தியநாதன்
- மீரா கிருஷ்ணன்
- காஜல் பசுபதி
தயாரிப்பு தொகு
தமிழ்தொலைக்காட்சி அரட்டை நிகழ்ச்சியான 'நீயா நானா' இயக்குவதில் மிகவும் பிரபலமான அந்தோணி இத்திரைப்படத்தை தயாரித்தார் . இந்த குழு, 2013 ஆம் ஆண்டின் பாதியில் படத்திற்கான வேலைகளைத் தொடங்கியது.[1] இப்படத்தின் முன்னோட்டம் 1 ஜனவரி 2014 அன்று வெளியிடப்பட்டது மற்றும் படத்தின் முதல் அதிகாரப்பூர்வ சுவரொட்டி 2014 ஏப்ரல் 14ஆம் தேதி தமிழ் புத்தாண்டு அன்று வெளியிடப்பட்டது.[2] மேலும் தாமதத்திற்குப் பிறகு, குழு ஜனவரி மாதம் 2016ஆண்டு வெளியீட்டிற்காக படத்தை விளம்பரப்படுத்தத் தொடங்கியது, அந்தோனியின் நண்பரான நடிகர் சிவகார்த்திகேயன், டிசம்பர் 2015 இன் பிற்பகுதியில் ஒரு புதிய டிரெய்லரை வெளியிட்டார் [3][4]
இப்படத்திற்கு இசையமைத்தவர் வேத்சங்கர் ஆவார். இப்படத்தின் இசையானது திங்க் மியூசிக் இந்தியா என்ற நிறுவனத்தால் வெளியிடப்பட்டது.[5]
வெளியீடு தொகு
இந்தத் திரைப்படம் 2016 ஆண்டு ஜனவரி ஒன்றாம் தேதி வெளிவந்து, வசூல்ரீதியாக வெற்றி பெற்றதோடு, நேர்மறையான விமர்சனங்களையும் பெற்றது. இத்திரைப்படத்தின் செயற்கைக்கோள் உரிமைகள் ஸ்டார் விஜய் தொலைக்காட்சிக்கு விற்கப்பட்டது.[6]
வரவேற்பு தொகு
"மிகவும் குறைவான பொருட்செலவில் நேர்மையாக செய்யப்பட்ட ஒரு உண்மையான முயற்சி, சரியான உணர்ச்சிகளைக் கொண்டது" என்று பிகைண்ட் உட்ஸ் குறிப்பிட்டது,[7]
கரு தொகு
வெளிநாட்டு தொண்டு நிறுவனங்களின் உதவியுடன் நடத்தப்படும் ஒரு பாரம்பரியம் மிக்க பள்ளிகூடத்தில் கிறிஸ்துமஸ் பண்டிகையை முன்னிட்டு மாணவர்கள் நடத்தவிருக்கும் இயேசு நாடகத்திற்கு ஒரு பச்சிளம் குழந்தை தேவைப்படுகிறது. அதற்காக மாணவர்கள் படும் பாட்டுடன் பெரியவர்கள் , பெற்றோர்கள் அந்தப் பிள்ளைகளால் படும் பாட்டையும் , பிள்ளை இல்லாதோர் படும் பாட்டையும் சுவாரஸ்யமாக கலந்து கட்டி கருவாக கொண்டு வெளிவந்திருக்கும் படம் தான் 'அழகு குட்டி செல்லம்.'
கதை தொகு
ஆதரவற்றோர் இல்லத்தைச் சேர்ந்த மாணவன் ஒருவன் தன்னுடன் படிக்கும் மாணவர்களுடன் சேர்ந்து பள்ளி விழாவில் ஏசு பிறப்பு நாடகத்தை சிறப்பாக நடத்த திட்டமிடுகிறான். அதில் குழந்தை ஏசுவாக காட்ட ஒரு கைக்குழந்தை தேவைப்படுகிறது . அந்த ஏசு பிறப்பு நாடகத்தின் வெற்றியில் தான் பள்ளிக்கு கிடைத்து வரும் வெளிநாட்டு உதவிகள் தொடர்ந்து கிடைக்கும் எனும் சூழ்நிலையையும் பள்ளி எதிர்கொள்கிறது,
இந்நிலையில் , ஒருபுறம் கைக்குழந்தைக்காக அந்த மாணவனுடன் சேர்ந்து அவனது தோழர்களும் தேடி வருகின்றனர். மற்றொரு புறம் தனிக்குடித்தன தகராறில் பிரிந்திருக்கும் ஒரு பிராமண தம்பதியின் வரட்டு கவுரவத்தையும் , சதுரங்கம் விளையாட போய் . கருவுற்று கைவிடப்பட்ட ஒரு மேல் தட்டு இளம் பெண்ணின் அவல நிலையையும் , இலங்கைப்போரில் தங்களது குழந்தையை இழந்து கனடாவில் குடிபெயர்ந்து, சென்னை வந்த இளம் தம்பதியின் சோகத்தையும் இப்படத்தில் தெளிவாக காட்டியுள்ளனர்.
இத்துடன், குழந்தைக்காக ஏங்கும் ஆசிரியை வினோதினி - சேத்தன் தம்பதியினரின் கண்ணீரையும் , மகனைப் பற்றிய கவலையின்றி பிரியத் துடிக்கும் மருத்துவர் மனைவிக்கு விடை கொடுக்கும் 'ஆடுகளம்' நரேன் தம்பதியினரின் விரோதத்தையும்., நான்காவதாக பிறக்கும் குழந்தையாவது ஆண் குழந்தையாக பிறக்காதா? எனும் ஆவலில் வாழும் ஆட்டோ ஓட்டுநரின் ஆண் பிள்ளை ஆவலையும் இத்திரைப்படம் காட்சிப்படுத்தியுள்ளது . குழந்தை ஏசுபிறப்பு நாடகத்தையும் புதிதாகக திரையில் காட்டி மற்றும் பல அழகியல் காட்சிகளையும் இப்படம் கொண்டிருந்தது,
மேற்கோள்கள் தொகு
- ↑ "Trailer 'Neeya Naana' ANTHONY Presents MERCURY NETWORKS "AZHAGU KUTTI CHELLAM" a Tamil feature film Written & Directed by CHARLES Starring : KARUNAS, AKHIL, THAMBI R…". 25 பெப்பிரவரி 2014. Archived from the original on 15 April 2014. பார்க்கப்பட்ட நாள் 14 April 2014.
- ↑ "Azhagu Kutti Chellam".
- ↑ "Sivakarthikeyan's role in Azhagu Kutti Chellam". IndiaGlitz. 26 December 2015. http://www.indiaglitz.com/azhagu-kutti-chellam-video-song-will-be-released-by-sivakarthikeyan-tamil-news-149379.html. பார்த்த நாள்: 2 January 2016.
- ↑ Manigandan K R (23 December 2015). "'Can't Find the Child I Want to Support'". http://www.newindianexpress.com/entertainment/tamil/Cant-Find-the-Child-I-Want-to-Support/2015/12/23/article3190994.ece. பார்த்த நாள்: 2 January 2016.
- ↑ "Azhagu Kutti Chellam - All Songs - Download or Listen Free - Saavn". 18 December 2015. பார்க்கப்பட்ட நாள் 14 November 2018.
- ↑ "May Day Special - Azhagu Kutti Chellam - Promo 3". YouTube. 28 April 2016. பார்க்கப்பட்ட நாள் 13 April 2019.
- ↑ "Azhagu Kutty Chellam Movie Review". Behindwoods. 1 January 2016. பார்க்கப்பட்ட நாள் 2 January 2016.