ஆடுதுறை - 8 (நெல்)

ஏ டி டீ - 8 (ADT 8) பிரபலமாக வெள்ளை சிறுமணி (White Siruman) என்றழைக்கப்படும் இந்த நெல் வகை, மொலகோலுக்குலு, மற்றும் ஆடுதுறை - 2 (Molagalagulu / ADT 2) என இரு நெல் வகைகளை இணைத்து உருவாக்கப்பட்ட தமிழ்நாட்டின் நெல் வகையாகும்.

ஆடுதுறை - 8 ADT 8
வேளாண் பெயர்
வெள்ளை சிறுமணி
பேரினம்
ஒரய்சா
இனம்
ஒரய்சா சாட்டிவா
கலப்பினம்
மொலகோலுக்குலு x ஏடிடீ-2
வகை
புதிய நெல் வகை
காலம்
150 - 155 நாட்கள்
மகசூல்
3300 கிலோ எக்டேர்
வெளியீடு
1930
வெளியீட்டு நிறுவனம்
TRRI (TNAU), ஆடுதுறை
மாநிலம்
தமிழ் நாடு
நாடு
இந்தியா

வெளியீடு

தமிழக தஞ்சை மாவட்டத்தின், ஆடுதுறையில் அமைந்துள்ள தமிழ்நாடு நெல் ஆராய்ச்சி நிறுவனம் (TRRI), 1930 ஆம் ஆண்டு, இவ்வகை நெல் இரகத்தை வெளியிடப்பட்டதாக அறியப்படுகிறது.

காலம்

நீண்டகால நெற்பயிர்களில் ஒன்றான இது, 150 நாட்களில் அறுவடைக்கு வரக்கூடியதாக கருதப்படுகிறது. இதுபோன்ற நெடுங்கால நெற்பயிர்கள், முன் சம்பா, சம்பா, பின்சம்பா, தாளடி / பிசாணம், மற்றும் பின் பிசாணம் போன்ற பட்டங்கள் (பருவங்கள்) ஏற்றதாக கூறப்படுகிறது.

சாகுபடி

நீர்ப்பாசன வசதியுள்ள, தமிழகத்தின் அனைத்து மாவட்டத்திலும், மற்றும் புதுச்சேரி ஒன்றியப் பகுதியிலும் சாகுபடி செய்ய பரிந்துரைக்கப்படுகிறது. மேலும், தாளடிப் பருவத்தில் பிரதானமாக பயிரிடப்படும் இந்நெல் வகை, திருச்சிராப்பள்ளி மாவட்டப் பகுதிகளில் மானாவாரி சாகுபடிக்கு உகந்ததாக உள்ளது.

சிறப்புப் பண்புகள்

• இந்த நெல் இரகம், ஒரு ஏக்கருக்கு 3300 கிலோவரை ( 3.3 t/ha) மகசூல் தரக்கூடியது.
• இதன் தானியமணிகள், தடித்து குட்டையாக உள்ளது.
• இந்நேல்லின் அரிசி, வெள்ளை நிறத்தில் காணப்படுகிறது.
• இந்த நெற்பயிர், முன்சம்பா, மற்றும் தாளடி பருவத்திற்கு மிகவும் ஏற்றது.

இவற்றையும் காண்க

• பாரம்பரிய நெல்
• இயற்கை வேளாண்மை
• வேளாண்மை