ஆண்டாள் வெங்கடசுப்பா ராவ்

ஆண்டாளம்மா என்று பிரபலமாக அறியப்பட்ட ஆண்டாள் வெங்கடசுப்பா ராவ் (Andal Venkatasubba Rao) (1894-1969) இந்தியாவைச்சேர்ந்த சமூகச் சேவகரும், கல்வியாளரும், பெண்கள் மற்றும் குழந்தைகளின் நலனுக்காக பணியாற்றும் சென்னையைத் தளமாகக் கொண்ட தொண்டு நிறுவனமான "மதராஸ் சேவாசதன்" என்பதன் இணை நிறுவனருமாவார்.[1]

ஆண்டாள் வெங்கடசுப்பா ராவ்
பிறப்பு1894
சென்னை, தமிழ்நாடு, இந்தியா
இறப்பு1969
 இந்தியா
பணிசமூகச் சேவகர்
கல்வியாளர்
அறியப்படுவதுமதராஸ் சேவாசதன்
வாழ்க்கைத்
துணை
எம். வெங்கடசுப்பா ராவ்
விருதுகள்பத்ம பூசண்

சுயசரிதைதொகு

தென்னிந்திய மாநிலமான தமிழ்நாட்டின் தலைநகரான சென்னையில் 1894இல் பிறந்த இவர், சென்னை, புனித தேவதை ஆங்கிலோ இந்தியன் உயர்நிலைப்பள்ளி, மாநில மகளிர் உயர்நிலைப்பள்ளி, தற்போதைய மாநில பெண்கள் உயர்நிலைப் பள்ளி ஆகியவற்றில் தனது பள்ளிப் படிப்பினை முடித்தார்.[2]

திருமணம்தொகு

1928ஆம் ஆண்டில், மதராசு உயர் நீதிமன்றத்தில் நீதியரசராக இருந்த எம். வெங்கடசுப்பா ராவ் என்பவரை மணந்தார். இவர் இங்கிலாந்தின் இராணியிடம் வீரத்திருத்தகை என்ற பட்டம் பெற்றவர்.[3]

கல்விப் பணிகள்தொகு

இவர்கள், "மதராஸ் சேவாசதன்" என்ற தொண்டு நிறுவனத்தை 1928ஆம் ஆண்டில் நிறுவினர்.[4] இந்த அமைப்பு ₹10,000 மூலதனத்துடன் தொடங்கப்பட்டது. எட்டு அனாதை சிறுமிகளின் உதவியுடன், இந்த அமைப்பு பல பெண்கள் மற்றும் குழந்தைகளின் தேவைகளைப் பூர்த்தி செய்யும் ஒரு பெரிய நலன்புரி அமைப்பாக பல ஆண்டுகளாக வளர்ந்துள்ளது. சேவாசதன் ஒரு மேல்நிலைப் பள்ளியையும், ஆண்டாள் வெங்கடசுப்பாராவ் மெட்ரிக் மேல்நிலைப்பள்ளி என்ற ஒரு பள்ளியையும், சர் முத்தா வெங்கடசுப்ப ராவ் கச்சேரி அரங்கம் என்ற பெயரில் ஒரு கச்சேரி அரங்கையும் நடத்தி வருகிறது.[5]

விருதுகள்தொகு

சமுதாயத்திற்கு இவர் செய்த பங்களிப்புகளுக்காக 1957ஆம் ஆண்டில் இந்தியாவின் மூன்றாவது மிக உயர்ந்த குடிமை விருதான பத்ம பூசண் விருதினை இந்திய அரசு வழங்கியது.[6]

இறப்புதொகு

இவர் 1969 இல், தனது 75 வயதில் இறந்தார். [4]

மேற்கோள்கள்தொகு

  1. "About Sir M V Rao". SIRMVR School. 2016. 3 September 2016 அன்று மூலம் பரணிடப்பட்டது. 5 July 2016 அன்று பார்க்கப்பட்டது.
  2. "The Life of Our Founder". Sir Muthu Memorial. 2016. 27 April 2017 அன்று மூலம் பரணிடப்பட்டது. 5 July 2016 அன்று பார்க்கப்பட்டது.
  3. ராண்டார் கை (16 November 2008). "The boldest Judge in Madras". Madras Musings. 5 July 2016 அன்று பார்க்கப்பட்டது.
  4. 4.0 4.1 "About Lady Andal M V Rao". Lady MVR School. 2016. 12 August 2017 அன்று மூலம் பரணிடப்பட்டது. 5 July 2016 அன்று பார்க்கப்பட்டது.
  5. "The Lady Andal story". Indian Express. 23 June 2012. 5 July 2016 அன்று பார்க்கப்பட்டது.
  6. "Padma Awards" (PDF). Ministry of Home Affairs, Government of India. 2016. 15 November 2014 அன்று மூலம் (PDF) பரணிடப்பட்டது. 3 January 2016 அன்று பார்க்கப்பட்டது. Unknown parameter |= ignored (உதவி)

வெளி இணைப்புகள்தொகு