ஆருணேய உபநிடதம்
அருணேய உபநிடதம் (Aruneya Upanishad)( சமசுகிருதம் : आरुणेय उपनिशद्) என்பது இந்து மதத்தின் 108 உபநிடதங்களின் தொகுப்பிலுள்ள ஒரு சிறிய உபநிடதம் ஆகும். இது சமசுகிருதத்தில் எழுதப்பட்டுள்ளது. இது சாமவேதத்துடன் இணைக்கப்பட்ட 16 உபநிடதங்களில் ஒன்றாகும்.[1][2] இது சந்நியாச உபநிடதமாக வகைப்படுத்தப்பட்டுள்ளது.[3] அருணேயி உபநிடதம், அருணிகா உபநிடதம்,அருணி உபநிடதம் என்றும் அழைக்கப்படுகிறது.
| அருணேய/அருணி | |
|---|---|
 | |
| தேவநாகரி | अारुणेय/अरुणी |
| சமக்கிருத ஒலிப்பெயர்ப்பு | Āruṇeya/Āruṇeyī |
| உபநிடத வகை | சந்நியாசம் |
| தொடர்பான வேதம் | சாம வேதம் |
| அத்தியாயங்கள் | 1 |
| பாடல்களின் எண்ணிக்கை | 5 |
இது ஒரு சந்நியாசியின் (இந்து துறவி), சன்னியாசம் அல்லது துறவு மேற்கொண்டரின் கலாச்சார நிகழ்வைக் கையாள்கிறது.[2] ஆன்மீகத்தின் மிக உயர்ந்த நிலையை அடைந்த துறவியான பரமகம்சரின் தன்மை மற்றும் வாழ்க்கை முறையையும் உபநிடதம் கோடிட்டுக் காட்டுகிறது.[4] இந்த உரையானது பிரஜாபதி கடவுளிடமிருந்து (சில வர்ணனைகளில் பிரம்மாவுடன் அடையாளம் காணப்பட்டது) உத்தாலக ஆருணி முனிவருக்கு உபதேசமாக கூறப்பட்டது. அவர் இந்த உபநிடதத்திற்கு தனது பெயரைக் கொடுத்தார்.[5]
இந்த உரை கிமு 1-ஆம் மில்லினியத்தில் இருந்து தேதியிடப்பட்டது. மேலும் பண்டைய இந்தியாவில் துறவு பாரம்பரியம் பற்றிய விவரங்களுக்கு குறிப்பிடத்தக்கது.[6] ஆன்மாவை (தன்னை) அறிந்து கொள்வதற்கான ஒரு வழிமுறையாக சமாதி பயிற்சியை உபநிடதம் பரிந்துரைக்கிறதென துறவு மற்றும் தர்மம் ஆகியவற்றில் கவனம் செலுத்திய இந்தியவியலாளரான பேட்ரிக் ஆலிவெல் கூறுகிறார்.[7] சந்நியாசத்தை மேற்கொள்வதற்கு அறிவு ஒருவரைத் தகுதிப்படுத்துகிறது என்று கூறும் ஆரம்பகால உரைகளில் ஒன்றாகவும் இது குறிப்பிடத்தக்கது. இது ஜபால உபநிடதம் போன்ற பிற பண்டைய உபநிடதங்களிலிருந்து வேறுபட்டது. இது உலகத்திலிருந்து பற்றின்மை ஒருவரைத் துறவுப் பயணத்தைத் தொடங்கத் தகுதிபெறுகிறது எனக் கூறுகிறது.[8] இந்த உரை, பண்டைய இந்தியாவின் குறிப்பிடத்தக்க கலாச்சார நிகழ்வின் தெளிவான பதிவாகும். இது நவீன யுகத்தில் இருந்து வருகிறது. மேலும் "அதை பெற்றெடுத்தது மனிதனிடம் உள்ளது. நம் அனைவரிடமும் உள்ளது" என்று ஜெர்மானிய இந்தியவியல் இந்தியவியலாளர் பால் டியூசென் கூறுகிறார்.[2]
கால வரிசை
தொகுஅருணி உபநிடதம் பழமையான துறவு தொடர்பான உபநிடதங்களில் ஒன்றாகும்.[6]உபநிடதங்களின் ஜெர்மானிய அறிஞரான இசுப்ரோக்காப் மற்றும் பேட்ரிக் ஆலிவெல்லின் கூற்றுப்படி, பொது சகாப்தத்தின் தொடக்கத்தில் கிமு 4 ஆம் நூற்றாண்டு வரை இந்த உரை முடிக்கப்பட்டிருக்கலாம்.[6]
சான்றுகள்
தொகு- ↑ Prasoon 2008, ப. 82.
- ↑ 2.0 2.1 2.2 Deussen 1997, ப. 741.
- ↑ Farquhar, John Nicol (1920), An outline of the religious literature of India, H. Milford, Oxford university press, p. 364, பன்னாட்டுத் தரப்புத்தக எண் 81-208-2086-X
- ↑ Olivelle 1992, ப. 115-119.
- ↑ Swami Madhavananda. "Aruni Upanishad". Advaita Ashram. Archived from the original on 23 செப்டம்பர் 2015. பார்க்கப்பட்ட நாள் 15 January 2015.
{{cite web}}: Check date values in:|archive-date=(help) - ↑ 6.0 6.1 6.2 Olivelle 1992, ப. 5, 8-9, 60.
- ↑ Olivelle 1992, ப. 116 with footnotes.
- ↑ Olivelle 1993, ப. 119.
உசாத்துணை
தொகு- Deussen, Paul (1997). Sixty Upanishads of the Veda. Motilal Banarsidass. பன்னாட்டுத் தரப்புத்தக எண் 978-81-208-1467-7.
- Prasoon, Prof.S.K. (1 January 2008). Indian Scriptures. Pustak Mahal. பன்னாட்டுத் தரப்புத்தக எண் 978-81-223-1007-8.
- Olivelle, Patrick (1992). The Samnyasa Upanisads. Oxford University Press. பன்னாட்டுத் தரப்புத்தக எண் 978-0195070453.
- Olivelle, Patrick (1993). The Asrama System. Oxford University Press. பன்னாட்டுத் தரப்புத்தக எண் 978-0195083279.
வெளி இணைப்புகள்
தொகு- Aruneya Upanishad பரணிடப்பட்டது 2012-11-19 at the வந்தவழி இயந்திரம் in Sanskrit