இலட்சுமி கணேசு திவாரி
பண்டிட் இலட்சுமி கணேசு திவாரி (Laxmi Ganesh Tewari) (பிறப்பு: செப்டம்பர் 8, 1938) இந்தியாவைச் சேர்ந்த இந்துஸ்தானி பாடகராவார். [1] இவர் குரல் இசையின் குவாலியர் கரானாவின் (பாரம்பரியம்) ஒரு நிபுணராவார். முனைவர் இலால்மணி மிசுராவுடன் வாரணாசியில் உள்ள பனாரசு இந்து பல்கலைக்கழகத்தில் படித்த பிறகு, அமெரிக்காவில் கல்வி மற்றும் கற்பித்தல் வாய்ப்புகளைத் தொடர்ந்தார். 1974 முதல் சோனோமா மாநில பல்கலைக்கழகத்தில், இவரது வாழ்க்கை செயல்திறன், உதவித்தொகை மற்றும் கற்பித்தல் ஆகியவற்றை ஒருங்கிணைத்துள்ளது.
| இலட்சுமி கணேசு திவாரி | |
|---|---|
 பிப்ரவரி 2007 நடந்த ஒரு இசை நிகழ்ச்சியில் இலட்சுமி கணேசு திவாரி (புகைப்படம் லின்னியா முலின்ஸ்) | |
| பின்னணித் தகவல்கள் | |
| பிறப்பு | 8 செப்டம்பர் 1938 கான்பூர், உத்தரப் பிரதேசம், இந்தியா |
| இசை வடிவங்கள் | இந்துஸ்தானி இசை |
| தொழில்(கள்) | இனவியல் இசைக்கலைஞர், பாடகர் |
| இசைக்கருவி(கள்) | பாடுதல் |
ஆரம்பகால வாழ்க்கையும், கல்வியும்
தொகுஇவர், இந்தியவின் உத்தரப் பிரதேசத்தின் கான்பூரில் 1938இல் பிறந்தார். முனைவர் இலால்மணி மிசுரா, பண்டிட் மாதவ் வாமன் தக்கார், பேராசிரியர் பி.ஆர் தியோதர் போன்றோரிடம் பனாரசு இந்துப் பல்கலைக்கழகத்தில் படித்து, 1967 இசையில் முனைவர் பட்டம் பெற்றார். வெஸ்லியன் பல்கலைக்கழகத்தில் படிப்பதற்காக அமெரிக்கா சென்றார். அங்கு 1974 இல் இனவியல் அறிவியலில் முனைவர் பட்டம் பெற்றார்.
கல்வி வாழ்க்கை
தொகுதிவாரி 1974 முதல் கலிபோர்னியாவில் உள்ள சோனோமா மாநில பல்கலைக்கழக பீடத்தில் பணியாற்றி வருகிறார். இன்று இவர் இந்திய, பௌத்த, அரேபிய மற்றும் கேமலன் இசையில் முன்மாதிரியான பணியைக் கொண்ட முன்னணி இனவியல் வல்லுநர்களில் ஒருவராக இருகிறரார். தனது இசையின் ஏராளமான பதிவுகளையும் செய்துள்ளார். சாம வேத காலத்தின் சாமகானத்தின் குறிப்புகளைப் பாதுகாப்பதற்காக இலால்மணி மிசுராவால் உருவாக்கப்பட்ட சாமேசுவரி என்ற இராகக் குறிப்புகளை இவர் வழங்கியுள்ளார். இந்தியா, துருக்கி, டிரினிடாட் மற்றும் டொபாகோ, தாய்லாந்து, பிஜி, கானா சிம்பாப்வே ஆகிய நாடுகளில் கள ஆய்வுகளை மேற்கொண்டார். இவரது புத்தகங்கள் மற்றும் பதிவுகளுக்கு மேலதிகமாக, இவரது கட்டுரைகள் சௌத் ஏசியா ரிசர்ச், சௌத் ஏசியா ஜர்னல், ஏசியன் போல்க்லேர் ஸ்டடிஸ் ஆகியவற்றில் வெளிவந்துள்ளன.
புத்தகங்கள்
தொகு- A Splendor of Worship: Women's Fasts, Rituals, Stories, and Art. New Delhi: Manohar, 1991.
- Alhakhand ki Parampara. Lucknow: Uttar Pradesh Sangeet Natak Akademy, 1993.
- Folk Songs of Trinidad Indians. Port of Spain, Trinidad: SWAHA publications, 1994.
- Singitendu Pandit Lalmaniji Misra: Ek Pratibhavan Sangitagya. Santa Rosa, California: Svar Sadhana, 1996.
- Svar Sadhana. Santa Rosa, California: Svar Sadhana, 1998.
- Folk Songs from Uttar Pradesh, India. New Delhi: D.K. Printworld, 2006.
குறிப்புகள்
தொகு- ↑ Crossette, Barbara (29 February 1980). "Guide to Centers Of World's Arts In New York; ....". த நியூயார்க் டைம்ஸ்: p. C1. https://select.nytimes.com/gst/abstract.html?res=FB091FFB385D11728DDDA00A94DA405B8084F1D3. பார்த்த நாள்: 5 May 2011. "On Sunday at 2:30 PM there will be a concert of North Indian classical vocal music performed by Laxmi Ganesh Tewari, a specialist in the khyal form of music ..."