உதயரவிச்சந்திரிக்கா

உதயரவிச்சந்திரிக்கா இராகம் கர்நாடக இசையில் ஒரு ஜன்னிய இராகம் ஆகும். இது 22வது மேளகர்த்தா இராகமாகிய "வேத" என்றழைக்கப்படும் 4வது சக்கரத்தின் 4 வது இராகமாகிய கரகரப்பிரியாவின் ஜன்னிய இராகம் ஆகும். இவ்விராகம் விரிவான ஆலாபனைக்கு இடம் கொடுக்கும். இந்த இராகத்தை சுத்த தன்யாசி என்றும் அழைப்பர்.

இலக்கணம்

உதயரவிச்சந்திரிக்கா சுரங்கள் C யிலிருந்து தொடக்கம்

ஆரோகணம்:	ஸ க2 ம1 ப நி2 ஸ்
அவரோகணம்:	ஸ் நி2 ப ம1 க2 ஸ

• இந்த இராகத்தில் ஷட்ஜம், சாதாரன காந்தாரம்(க₂), சுத்த மத்திமம்(ம₁), பஞ்சமம், கைசிகி நிஷாதம்(நி₂) ஆகிய சுரங்கள் வருகின்றன.

சிறப்பு அம்சங்கள்

• ரிசபம், தைவதம் வர்ஜம் என்பதனால் இது ஒரு வர்ஜ இராகம் ஆகும்.
• இது உபாங்க இராகம் ஆகும்.
• இவ்விராகத்தின் காந்தார, மத்திம, பஞ்சம, நிசாத மூர்ச்சனைகளே முறையே மோகனம், மத்தியமாவதி, இந்தோளம், சுத்தசாவேரி ஆகிய இராகங்களாக ஒலிக்கின்றன.

உருப்படிகள்

வகை	உருப்படி	தாளம்	கலைஞர்
வர்ணம்	சிறீ ராஜமாதங்கி	ஆதி	முத்தையா பாகவதர்
கீர்த்தனை	எந்த நேர்ச்சினா	ஆதி	தியாகராஜர்
கிருதி	சுப்பிரமன்யேன ரக்ஷிதோஹம்	ஆதி	முத்துசுவாமி தீட்சிதர்
கிருதி	ஹிமகிரி தனயே	ஆதி	முத்தையா பாகவதர்

இவற்றையும் பார்க்கவும்

• ஜன்னிய இராகங்களின் பட்டியல் - அகரவரிசைப் பகுப்பு

உசாத்துணைகள்

• Dr. S. Bhagyalekshmy, Ragas in Carnatic Music, CBH Publications, Trivandrum, Published 1990
• B. Subba Rao, Raganidhi, The Music Academy, Madras, Published 1965, 4th reprint 1996
• டி. எஸ். பார்த்தஸாரதி, "ஸ்ரீ தியாகராஜஸ்வாமி கீர்த்தனைகள்", The Karnatic music book centre, Madras, ஏழாம் பதிப்பு - 1996