சுத்தசாவேரி

சுத்தசாவேரி இராகம் கருநாடக இசையில் பயன்படும் இராகங்களில் ஒன்றாகும். இது 29வது மேளகர்த்தா இராகமாகிய "பாண" என்றழைக்கப்படும் 5வது சக்கரத்தின் 5 வது இராகமாகிய தீரசங்கராபரணத்தின் ஜன்னிய இராகம் ஆகும்.

இலக்கணம்

சுத்தசாவேரி சுரங்கள் C யிலிருந்து தொடக்கம்

ஆரோகணம்:	ஸ ரி₂ ம₁ ப த₂ ஸ்
அவரோகணம்:	ஸ் த₂ ப ம₁ ரி₂ ஸ

இந்த இராகத்தில் ஷட்ஜம், சதுஸ்ருதி ரிஷபம்(ரி₂), சுத்த மத்திமம்(ம₁), பஞ்சமம், சதுஸ்ருதி தைவதம்(த₂), ஆகிய சுரங்கள் வருகின்றன.

காந்தாரம், நிஷாதம் என்னும் சுரங்கள் வர்ஜம், ஆதலால் இது ஒரு வர்ஜ இராகம் ஆகும்.
இது ஒரு ஔடவ இராகம். உபாங்க இராகம்.
இது ஒரு சுத்த கர்னாடக இராகம் ஆகும்.
சர்வ ஸ்வர மூர்ச்சனாகார ஜன்ய ராகம். இவ்விராகம் மோகனத்தின் தைவத மூர்ச்சனையே ஆகும்.
இதன் ரி, ம, ப, த சுரங்கள் கிரக பேதம் மூலம் முறையே உதயரவிச்சந்திரிக்கா, மோகனம், மத்தியமாவதி, இந்தோளம் ஆகியவற்றைக் கொடுக்கும்.

கிருதி	தாளம்	கலைஞர்
ஆனலேகர (கீதம்)	திரிபுடை	புரந்தரதாசர்
வண்டார்பூங்குழல்நாயகி (வர்ணம்)	அட	திருப்பாம்புரம் சுவாமிநாத பிள்ளை
காலஹரண	ரூபகம்	தியாகராஜர்
தாரிணி தெலுசுகொண்டி	ஆதி	தியாகராஜர்
ஸ்ரீ குருகுஹ	ரூபகம்	முத்துசுவாமி தீட்சிதர்
கண்டாயோ	ஆதி	முத்துத்தாண்டவர்
தருணம் தருணம்	ரூபகம்	வேதநாயகம் பிள்ளை
தாயே திரிபுரசுந்தரி	கண்டசாபு	பெரியசாமித் தூரன்
ரஞ்சிதகவி	ரூபகம்	கோடீஸ்வர ஐயர்
கற்பகாம்பிகை	கண்ட ஜம்பை	பாபநாசம் சிவன்

↑ பக்கம் எண்: 199 & 200, டாக்டர். கே. ஏ. பக்கிரிசாமிபாரதி எழுதிய 'இந்திய இசைக்கருவூலம்' எனும் நூல் (மூன்றாம் பதிப்பு, செப்டம்பர் 2006; வெளியீடு: குசேலர் பதிப்பகம், சென்னை - 78.)

Dr. S. Bhagyalekshmy, Ragas in Carnatic Music, CBH Publications, Trivandrum, Published 1990
B. Subba Rao, Raganidhi, The Music Academy, Madras, Published 1965, 4th reprint 1996