உரங்கள் மற்றும் இரசாயனங்கள் நிறுவனம், திருவிதாங்கூர்

திருவிதாங்கூர், உரங்கள் மற்றும் இரசாயனங்கள் நிறுவனம் (Fertilisers and Chemicals Travancore) என்பது இந்தியாவின் கேரளாவின் கொச்சியை தலைமையிடமாகக் கொண்ட ஒரு உர மற்றும் இரசாயன உற்பத்தி நிறுவனமாகும். இந்நிறுவனம் 1943 ஆம் ஆண்டில் திருவிதாங்கூர் இராச்சியத்தைச் சேர்ந்த மகாராஜா சிறீ சித்திரைத் திருநாள் பலராம வர்மன் என்பவரால் நிறுவப்பட்டது. [1] இது சுதந்திர இந்தியாவில் முதல் உர உற்பத்தி நிறுவனமும், கேரள மாநிலத்தில் மிகப்பெரிய மத்திய பொதுத்துறை நிறுவனமும் ஆகும்.

உரங்கள் மற்றும் இரசாயனங்கள் நிறுவனம்
வகைபொதுத்துறை நிறுவனன்
நிறுவுகை1943
நிறுவனர்(கள்)சித்திரைத் திருநாள் பலராம வர்மன்
தலைமையகம்கொச்சி, இந்தியா
சேவை வழங்கும் பகுதிஇந்தியா
முக்கிய நபர்கள்கிஷோர் ரங்தா
தொழில்துறைஉரம் மற்றும் இரசாயன உற்பத்தி
உற்பத்திகள்அம்மோனியா, சல்பூரிக் அமிலம், அம்மோனியம் பாஸ்பேட்-சல்பேட், அம்மோனியம் சல்பேட், துத்தநாக அம்மோனிய சல்பேட்
உரிமையாளர்கள்இந்திய அரசு
பிரிவுகள்உத்யோகமண்டலம் (யுசி)
கொச்சி பிரிவு (சிடி) அம்பலமேடு
இணையத்தளம்www.fact.co.in

இந்நிறுவனத்திற்கு ஏலூரிலுள்ள உத்யோகமண்டல் பிரிவு (யுசி), மற்றும் அம்பலமேட்டிலுள்ள கொச்சி பிரிவு (சிடி) என 2 உற்பத்தி அலகுகள் உள்ளன. 1947 ஆம் ஆண்டில், கொச்சினுக்கு அருகிலுள்ள உத்தியோகமண்டலில் ஆண்டுக்கு 50,000 மெட்ரிக் டன் நிறுவப்பட்ட திறன் கொண்ட அம்மோனியம் சல்பேட் உற்பத்தியை நிறுவனம் தொடங்கியது. உத்யோகமண்டலில் உள்ள கப்ரோலாக்டம் ஆலை 1990 இல் தொடங்கப்பட்டது. அமோனியா, கந்தக அமிலம், அம்மோனியம் பாஸ்பேட்-சல்பேட் , அம்மோனியம் சல்பேட், துத்தநாக அம்மோனியம் பாஸ்பேட், கப்ரோலாக்டம் மேலும் சிக்கலான உரங்கள் போன்ற முதன்மைப் பொருட்களை தயாரிக்கிறது. ஜிப்சம், நைட்ரிக் அமிலம், சோடியம் கார்பனேட்டு மற்றும் வண்ண அம்மோனியம் சல்பேட் ஆகியவை துணை தயாரிப்புகளாகும்.

நிறுவனத்தின் கொச்சி பிரிவு
நிறுவனத்தின் கொச்சி பிரிவின் பரந்த பார்வை

வரலாறு தொகு

அம்மோனியம் உற்பத்திக்கான மூலப்பொருளாக மரத்தைப் பயன்படுத்தி இந்த தொழிற்சாலை அம்மோனியம் சல்பேட் உற்பத்தியை 1947 ஆம் ஆண்டில் இந்திய சுதந்திரத்தின் விடியலில் தொடங்கியது. காலத்தின் விளைவுடன், மர வாயுவாக்கம் பொருளாதாரமற்றதாக மாறியது. மேலும், நாப்தா சீர்திருத்த செயல்முறை மூலம் மாற்றப்பட்டது. தொடர்ச்சியான விரிவாக்க திட்டங்கள் மூலம், நிறுவனம் விரைவில் இந்தியாவில் உள்ள அனைத்து பயிர்களுக்கும் மற்றும் அனைத்து மண் வகைகளுக்கும் பரவலான உரங்களை தயாரிக்கும் நிறுவனமாக மாறியது. இது 1960இல் கேரள மாநில பொதுத்துறை நிறுவனமாக மாறியது. 1962 இல் இது இந்திய அரசின் கீழ் வந்தது. உரத் துறையில் மற்றும் அதனுடன் தொடர்புடைய பகுதிகளில் முழு அளவிலான பொறியியல் சேவைகளுக்கு பல்வகைப்படுத்தல் பணியை மேற்கொண்டது. பல்வகைப்படுத்தலுக்கான அடுத்த பெரிய படி பெட்ரோலிய இரசாயனங்களில் இருந்தது.

பாஸ்போகிப்சம் பயன்படுத்தி சுமை தாங்கும் பேனல்கள் மற்றும் பிற கட்டிட தயாரிப்புகளை தயாரிப்பதற்காக இராட்டிரிய இரசாயனங்கள் & உர நிறுவனத்துடன் கூட்டு நிறுவனத்தை உருவாக்கியுள்ளது. [1]

குறிப்புகள் தொகு

  1. 1.0 1.1 "The Fertilizers and Chemicals Travancore Limited (FACT) | Government of India, Department of Fertilizers, Ministry of Chemicals and Fertilizers". Fert.nic.in. பார்க்கப்பட்ட நாள் 2012-11-01.

வெளி இணைப்புகள் தொகு