எசுடான்லி கோ

எசுடான்லி கோ அங்-சன் (சீன மொழி: 何鴻燊) (பிறப்பு 25 நவம்பர் 1921 – 26 மே 2020) இவர் ஒரு ஆங்காங்-மக்காவ் வணிக தொழிலதிபர், முதலீட்டாளர் மற்றும் கொடையாளர். கிராண்ட் லிஸ்போவா உட்பட மக்காவில் பத்தொன்பது சூதாட்ட விடுதிகளை வைத்திருக்கும் எஸ்.ஜே.எம் ஹோல்டிங்ஸின் நிறுவனரும், தலைவரும் ஆவார். 75 ஆண்டுகளாக மக்காவ் சூதாட்டத் துறையில் இவர் வைத்திருந்த அரசாங்கத்தால் வழங்கப்பட்ட ஏகபோகத்தை பிரதிபலிக்கும் வகையில் கோ காட்பாதர் மற்றும் சூதாட்ட மன்னர் என்று செல்லப்பெயர் பெற்றார். இவரது நான்காவது மனைவி ஏஞ்சலா இலியோங் எஸ்.ஜே.எம் கோல்டிங்சின் நிர்வாக இயக்குநராக உள்ள இவரது மகள் பான்சி கோ மற்றும் மகன் இலாரன்ஸ் கோ இவர்கள் சிட்டி ஆஃப் ட்ரீம்ஸ் உரிமையாளர்கள் ஆவர்.

கோ சூன் தக் கோல்டிங்சின் நிறுவனரும், தலைவருமாவார். இதன் மூலம் பொழுதுபோக்கு, சுற்றுலா, கப்பல் போக்குவரத்து, அசையாச் சொத்து வணிகம், வங்கி மற்றும் விமான போக்குவரத்து உள்ளிட்ட பல வகையான வணிகங்களை மேகொண்டுள்ளார். இவரது வணிகங்கள் மக்காவுவின் தொழிலாளர்களில் நான்கில் ஒரு பங்கைப் பயன்படுத்துகின்றனர் என்று மதிப்பிடப்பட்டுள்ளது.

ஆங்காங், மக்காவு தவிர, சீனா, போர்ச்சுகல், வட கொரியா ஆகிய நாடுகளிலும் இவர் முதலீடு செய்துள்ளார். வியட்நாம், பிலிப்பைன்ஸ், மொசாம்பிக், இந்தோனேசியா மற்றும் கிழக்கு திமோர் ஆகிய இடங்களில் சூதாட்ட விடுதிகளை நடத்தி வந்தார்.

கோ ஆசியாவில் ஒரு தொழில் முனைவோராகவும் உள்ளார். மேலும் ஆங்காங் மற்றும் மக்காவுவில் உள்ள பல நிறுவனங்களில் பல முக்கிய பதவிகளை வகித்துள்ளார். ஆங்காங்கின் அசையாச் சொத்து வணிகம் மற்றும் வணிக மேம்பாடு குறித்த அவரது கருத்துகள் மற்றும் அறிக்கைகள் சந்தையில் கணிசமான அளவைக் கொண்டுள்ளன. கடந்த சில ஆண்டுகளில், மக்காவ் கேசினோவின் உரிமைக்காக அவர் தனது சொந்த சகோதரி வின்னி கோ மேல் வழக்குத் தொடர்ந்தார். ஜூலை 2009 இல் ஒரு பக்கவாதத்தால் பாதிக்கப்பட்டு, நீண்ட காலமாக மீண்டு வந்த கோ எசுடான்லி, 2010 ஆம் ஆண்டின் பிற்பகுதியில் தனது நிதி சாம்ராஜ்யத்தின் மீதான தனது பிடியை தனது பல்வேறு மனைவிகளுக்கும் குழந்தைகளுக்கும் பகிர்ந்தளிக்க நடவடிக்கைகளைத் தொடங்கினார்.

கல்வி

கோ ஆங்காங்கின் குயின்ஸ் கல்லூரியில் படித்தார், அங்கு அவர் டி வகுப்பில் பயின்றார். அப்போதைய ஆங்காங் வகுப்பு அமைப்பில் மிகக் குறைந்த வகுப்பு நிலை மற்றும் திருப்தியற்ற கல்வி முடிவுகளின் காரணமாக. அவர் தனது சமூக அந்தஸ்தை மேம்படுத்துவதற்கான ஒரே வழி உறுதியான படிப்பு என்பதை உணர்ந்த பிறகு, அவரது கடின உழைப்புக்கு பலன் கிடைத்தது. மேலும் அவருக்கு கொங்காங் பல்கலைக்கழகத்தில் உதவித்தொகை கிடைத்தது. டி வகுப்பிலிருந்து பல்கலைக்கழக உதவித்தொகை பெறப்பட்ட முதல் மாணவர் என்ற பெருமையைப் பெற்றார். இரண்டாம் உலகப் போர் வெடித்ததால் அவரது பல்கலைக்கழக ஆய்வுகள் குறைக்கப்பட்டன. 1942 இல், அவர் ஜப்பானியர்களிடமிருந்து தப்பி மக்காவுவில் குடியேறினார்.

அரசியல்

1987 ஆம் ஆண்டில், 1999 இல் மக்காவுவை சீனாவுக்குத் திரும்ப ஒப்படைக்க போர்த்துக்கல் ஒப்புக்கொண்டது. கோ இதற்கான கூட்டு ஆலோசனைக் குழுவில் பங்கேற்றார். அவர் சீன மக்கள் அரசியல் ஆலோசனை மாநாட்டின் 9 வது தேசியக் குழுவின் நிலைக்குழு உறுப்பினராக உள்ளார்.

தனிப்பட்ட வாழ்க்கை

பல ஆண்டுகளாக, நடனம் கோவின் விருப்பமான பொழுதுபோக்குகளில் ஒன்றாகும், தாங்கோ, சா-சா-சா மற்றும் வால்ட்ஸ் ஆகியவற்றில் சிறந்து விளங்குகிறார். அவர் அடிக்கடி தொலைக்காட்சி தொண்டு நிதி சேகரிப்பாளர்களுக்காக நடனமாடினார் மற்றும் ஆங்காங் மற்றும் மக்காவுவில் பல நடன நிகழ்ச்சிகளுக்கு நிதியுதவி செய்துள்ளார், இதில் ஆங்காங் கலை விழா மற்றும் மக்காவ் கலை விழா உட்பட நடனக் கலையை ஊக்குவித்தார். சர்வதேச புகழ்பெற்ற நடனக் குழுக்களான சீனாவின் தேசிய பாலே போன்றவற்றை ஹாங்காங் மற்றும் மக்காவில் நிகழ்ச்சிகளுக்கு அழைத்திருக்கிறார். ஹோ ஹாங்காங் பாலே, சர்வதேச நடன ஆசிரியர்கள் சங்கத்தின் புரவலர் ஆவார் .

ஜூலை 2009 இன் பிற்பகுதியில், மூளை அறுவை சிகிச்சை செய்து கொண்டார். ஏழு மாதங்களுக்கு கோ ஆங்காங் அட்வென்டிஸ்ட் மருத்துவமனை, பின்னர், ஆங்காங் சானடோரியம் மருத்துவமனையின் கவனிப்பிலிருந்தார்.

சீன இறையாண்மைக்கு மக்காவ் திரும்பிய 10 வது ஆண்டு நிறைவை முன்னிட்டு சீன அதிபர் கூ சிந்தாவோவைச் சந்திக்க மக்காவுக்குச் சென்றபோது. ஹோ 6 மார்ச் 2010 அன்று ஆங்காங் சானடோரியம் மற்றும் மருத்துவமனையிலிருந்து வெளியேற்றப்பட்டார், பின்னர் சக்கர நாற்காலியைப் பயன்படுத்தினார்.