ஏ. எல். பசாம்
ஏ. எல். பசாம் என்ற ஆர்தர் லெவெலின் பசாம் (Arthur Llewellyn Basham) (24 மே 1914 – 27 சனவரி 1986) புகழ் பெற்ற வரலாற்று ஆய்வாளரும், இந்தியவியல் அறிஞரும் ஆவார். பல வரலாற்று நூல்களை படைத்தவர். லண்டனில் உள்ள கீழை மற்றும் ஆப்பிரிக்கப் படிப்பு பள்ளியில், 1950களிலும், 1960களிலும் பேரராசிரியாக பணியாற்றியவர். இவரது இந்திய மாணவர்களில் ரூமிலா தாப்பர், ராம் சரண் சர்மா மற்றும் வி. எஸ். பதக் ஆகியோர் குறிப்பிடத்தக்கவர்கள்.
ஏ. எல். பசாம் | |
|---|---|
.jpg) 1956 இல் ஏ. எல். பசாம் மைசூர் பல்கலைக்கழக ஒன்றுகூடலில் | |
| பிறப்பு | 24 மே 1914 லாப்டன், இங்கிலாந்து |
| இறப்பு | 27 சனவரி 1986 (அகவை 71) கொல்கத்தா, இந்தியா |
| தேசியம் | பிரித்தானியர் |
| கல்வி | ஓரியண்டல் மற்றும் ஆப்பிரிக்கப் படிப்புப் பள்ளி, லண்டன் (SOAS) |
| பணி | வரலாற்றாளர் மற்றும் கல்வியாளர் |
| அறியப்படுவது | இந்தியவியலர் மற்றும் வரலாற்றாளர் |
| பிள்ளைகள் | 1 (மகள்) |
.jpg)
இளமை
தொகுலண்டனில் உள்ள கீழைநாடு மற்று ஆப்பிரிக்க படிப்புப் பள்ளியில் (SOAS) சமசுகிருத மொழியில் இளங்கலை பட்டப்படிப்பு முடித்தவர். பின்னர் இரண்டாம் உலகப் போரின் போது ஐக்கிய இராச்சியத்தின் சிவில் பாதுகாப்புத் துறையில் பணிபுரிந்தார்.[1]
கல்விப் பணியில்
தொகுஆசீவகர்களின் வரலாறு மற்றும் தத்துவங்கள் குறித்து ஆய்வு செய்து 1950ல் முனைவர் பட்டம் பெற்றார். 1954ல் லண்டன் ஓரியண்டல் மற்றும் ஆப்பிரிக்கப் படிப்புப் பள்ளியில் (SOAS) ரீடர் பதவியிலும், 1958ல் பேராசிரியர் பதவியிலும், 1965ல் வரலாற்றுத் துறைத் தலைவர் பதவியிலும் தரம் உயர்த்தப்பட்டார்.[1]
1979ல் பதவி ஓய்வு பெற்ற ஏ. எல். பசாம், உலகத்தின் பல பல்கலைகழகங்களில் வருகைப் பேராசிரியராகச் செயல்பட்டார். சுவாமி விவேகாநந்தரின் கொள்கைகளில் அதிக ஈர்ப்பு கொண்ட ஏ. எல். பசாம், 1986ல் கொல்கத்தாவில் மரணம் அடைந்தார்.
இயற்றிய நூல்களும், கட்டுரைகளும்
தொகு- நூல்கள்
- ஆசீவகர்களின் வரலாறு மற்றும் கொள்கைகள் (The History and Doctrines of the Ajivikas: a Vanished Indian Religion), லண்டன், 1951, பன்னாட்டுத் தரப்புத்தக எண் 9788120812048
- தி வொண்டர் தட் வாஸ் இந்தியா, லண்டன், 1954, பன்னாட்டுத் தரப்புத்தக எண் 9780330439091. இந்நூல் "வியத்தகு இந்தியா" என்ற பெயரில் இலங்கையைச் சேர்ந்த செ. வேலாயுதபிள்ளை, மகேசுவரி பாலகிருட்டிணன் ஆகியோரால் வடமொழிக் கலப்பில்லாமல் தமிழில் மொழிபெயர்க்கப்பட்டு இலங்கை அரசகருமமொழித் திணைக்களத்தால் 1963 இல் வெளியிடப்பட்டது.[2]
- கனிஷ்கரின் காலம் குறித்தான கட்டுரைகள் (Papers on the Date of Kaniṣka), Leiden, 1968, பன்னாட்டுத் தரப்புத்தக எண் 9789004001510
- இந்தியாவின் பண்பாட்டு வரலாறு (A Cultural History of India) ஆக்ஸ்போர்டு, 1975, பன்னாட்டுத் தரப்புத்தக எண் 978-0195639216
வின்சென்ட் ஆர்தர் சிமித் எழுதிய ஆக்சுபோர்டு இந்தியா வரலாறு நூலை, மோர்டிமெர் வீலருடன் இணைந்து ஏ. எல். பசாம் திருத்திய பதிப்பை வெளியிட்டார்.[3]
- ஆய்வுக் கட்டுரைகள்
- Basham, A. L. (October 1948). "Harṣa of Kashmir and the Iconoclast Ascetics". Bulletin of the School of Oriental and African Studies 12 (3-4): 140–145. doi:10.1017/S0041977X00083269.
- Basham, A. L. (February 1949). "Recent Work on the Indus Civilization". Bulletin of the School of Oriental and African Studies 13 (01): 140. doi:10.1017/S0041977X00081891.
- Basham, A.L. (1953). "A New Study of the Śaka-Kuṣāṇa Period". Bulletin of the School of Oriental and African Studies 15: 80–97. doi:10.1017/s0041977x00087279.
- Basham, A.L. (February 1957). "The Succession of the Line of Kaniṣka". Bulletin of the School of Oriental and African Studies 20: 77. doi:10.1017/S0041977X00061693.
மேற்கோள்கள்
தொகு- ↑ 1.0 1.1 Sachindra Kumar Maity, Professor A.L. Basham, My Guruji and Problems and Perspectives of Ancient Indian History and Culture, page 4, 1997, (Abhinav Publications: India)
- ↑ "வியத்தகு இந்தியா - ஏ. எல். பசாம்". www.noolaham.org. பார்க்கப்பட்ட நாள் 2-08-2017.
{{cite web}}: Check date values in:|accessdate=(help) - ↑ Ballhatchet, Kenneth (October 1986). "A. L. Basham". Bulletin of the School of Oriental and African Studies 49 (03): 561. doi:10.1017/S0041977X00045122.