கதிர்பாரதி
கதிர்பாரதி என்கிற பெயரில் கவிதை, விமர்சனம், கட்டுரை எழுதிவரும் ஆ.செங்கதிர்ச்செல்வன் தமிழ்க் கவிஞர் ஆவார். இவர் தஞ்சாவூர் மாவட்டத்தைச் சேர்ந்தவர். `ஆனந்த விகடன்` நிறுவனத்தின், `விகடன் பிரசுர`த்தில் உதவி ஆசிரியராகவும், `கல்கி`, `ஆனந்த விகடன்` வார இதழ்களில் தலைமை உதவி ஆசிரியராகப் பணிபுரிந்தவர். `விகடன் தடம்` இலக்கியப் மாதப் பத்திரிகையில் ஆசிரியர் குழுவில் பணிபுரிந்தவர். தற்போது கலர்ஸ் தொலைக்காட்சியில் புனைவுப் பிரிவில் மேற்பார்வை தயாரிப்பாளராகப் பணிபுரிகிறார்.[1]
இவரது முதல் கவிதை கணையாழி இதழில் பிரசுரமானது. அதன்பிறகு கல்கி, ஆனந்த விகடன், கணையாழி, காலச்சுவடு, உயிர்மை, உயிர் எழுத்து, யுகமாயினி, சௌந்தரசுகன், அகநாழிகை போன்ற அச்சிதழ்களிலும், உயிரோசை, சிக்கிமுக்கி, பனிமுலை, அகழ், ஓலைச்சுவடி, வாசகசாலை போன்ற மின்னிதழ்களிலும் வெளியாகியுள்ளன. இன்சொல் பதிப்பகத்தின் நிர்வாக அதிகாரியாக இருக்கிறார். இலக்கிய நிகழ்ச்சிகளில் கலந்துகொண்டு, சொற்பொழிவு, விமர்சன உரைகள் ஆற்றிவருகிறார்.
இவரது கவிதைகள் கேரளா கோழிக்கோடு பல்கலைக்கழகத்தில் எம். ஏ தமிழ் பயிலும் மாணவர்களுக்குப் பாடமாக இருந்தது. தஞ்சாவூர் குந்தவை நாச்சியார் பெண்கள் கல்லூரியிலும் சில கவிதைகள் முதல் - இரண்டாமாண்டு மாணவர்களுக்குப் பாடத்திட்டத்தில் இருந்தது. இவரது கவிதைப் புத்தகங்களின் விற்பனை உரிமை டிஸ்கவரி புக் பேலஸ் நிறுவனத்துக்கு வழங்கப்பட்டுள்ளது.
புத்தகங்கள்
தொகு- மெசியாவுக்கு மூன்று மச்சங்கள் (2012)
- ஆனந்தியின் பொருட்டு தாழப் பறக்கும் தட்டான்கள் (2016)
- உயர்திணைப் பறவை (2020)
விருதுகள்
தொகுமெசியாவுக்கு மூன்று மச்சங்கள்
தொகு(முதல் இரண்டு பதிப்புகள் `புதுஎழுத்து பதிப்பகம்` வெளியீடா வந்த இந்தப் புத்தகம் 3ஆம் பதிப்பு `சால்ட் பதிப்பகம்` வெளியீடாகவும், 4ஆம் பதிப்பு `இன்சொல் பதிப்பகம்` வெளீடாகவும் வந்துள்ளது)
- சாகித்திய அகாதமி யுவபுரஸ்கார் விருது - 2013.[1]
- தமிழ்நாடு கலை இலக்கிய பெருமன்றம்படைப்பிலக்கிய விருது - 2013.
- எழுத்தாளர் ஜெயந்தன் படைப்பிலக்கிய விருது - 2013.
- கனடா தமிழ் இலக்கியத் தோட்டம் விருது - 2014.
- களம்புதிது கவிதை விருது - 2014.
ஆனந்தியின் பொருட்டு தாழப் பறக்கும் தட்டான்கள்
தொகு(உயிர்மை பதிப்பகம் வெளியாக முதல் பதிப்பு கண்ட இந்தப் புத்தகம் , இரண்டாம் பதிப்பு இன்சொல் பதிப்பக வெளியீடாக வந்துள்ளது)
- உயிர்மை சுஜாத கவிதை விருது - 2016
- வாசகசாலை கவிதை விருது - 2016
உயர்திணைப் பறவை
தொகு(இன்சொல் பதிப்பகம் வெளியீடு)
- தமிழ்நாடு அரசின் தமிழ்வளர்ச்சி & செய்தித் துறை விருது - 2020
- எழுச்சித் தமிழர் கலை இலக்கிய விருது - 2020
- டாகடர் ஜி. ஆர். தாமோதரன் இலக்கியப் பரிசு - 2020
- படைப்பு குழுமக் கவிதை விருது - 2020
- சௌமா இலக்கிய விருது - 2021
இணையம்
தொகுwww.yavvanam.blogspot.com
இதில் இவரது கவிதைகள், கவிதைகள் குறித்த விமர்சனங்கள், புத்தக அறிமுகங்கள், கவிதைகள், இன்னும் பிற இலக்கிய கட்டுரைகள் உள்ளன.