கவாம்போதி

கவாம்போதி கருநாடக இசையின் 43வது மேளகர்த்தா இராகம் ஆகும். அசம்பூர்ண பத்ததியில் 43வது இராகம் கீர்வாணி (ஆங்கிலத்தில் Geervaani).

இலக்கணம்

கவாம்போதி சுரங்கள் C யிலிருந்து தொடக்கம்

ஆரோகணம்:	ஸ ரி₁ க₂ ம₂ ப த₁ நி₁ ஸ்
அவரோகணம்:	ஸ் நி₁ த₁ ப ம₂ க₂ ரி₁ ஸ

இது வசு என்றழைக்கப்படும் 8வது வட்டத்தில் (சக்கரத்தில்) முதல் இராகம்.
இந்த இராகத்தில் ஷட்ஜம், சுத்த ரிஷபம் (ரி₁), சாதாரண காந்தாரம்(க₂), பிரதி மத்திமம்(ம₂), பஞ்சமம், சுத்த தைவதம்(த₁), சுத்த நிஷாதம் (நி₁) ஆகிய சுரங்கள் வருகின்றன.

இது ஒரு விவாதி மேளம்.
இதன் மத்திமத்தை சுத்த மத்திமாக மாற்றினால் இராகம் சேனாவதி (07) ஆகும்.
கிரக பேதத்தின் வழியாக இந்த மேளத்தின் தைவத சுரம் முறையே ஹாடகாம்பரி (18) மேளம் தோற்றுவிக்கிறது (மூர்ச்சனாகாரக மேளம்).

வகை	உருப்படி	இயற்றியவர்	தாளம்
கிருதி	நமோமஸ்தி கீர்வாணி	முத்துசுவாமி தீட்சிதர்	த்ரிபுட
கிருதி	வீரராகவ	கோடீஸ்வர ஐயர்	ஆதி