சேனாவதி

சேனாவதி கருநாடக இசையின் 7வது மேளகர்த்தா இராகம் ஆகும். அசம்பூர்ண பத்ததியில் 7வது இராகம் சேனாகிரிணி.

இலக்கணம்

சேனாவதி சுரங்கள் C யிலிருந்து தொடக்கம்

ஆரோகணம்:	ஸ ரி1 க2 ம1 ப த1 நி1 ஸ்
அவரோகணம்:	ஸ் நி1 த1 ப ம1 க2 ரி1 ஸ

• 72 மேளகர்த்தா திட்டத்தில் 7வது மேளம்.
• இது நேத்ர என்றழைக்கப்படும் 2வது வட்டத்தில் (சக்கரத்தில்) முதல் மேளம்.
• இந்த இராகத்தில் ஷட்ஜம், சுத்த ரிஷபம் (ரி₁), சாதாரண காந்தாரம்(க₂), சுத்த மத்திமம்(ம₁), பஞ்சமம், சுத்த தைவதம்(த₁), சுத்த நிஷாதம் (நி₁) ஆகிய சுரங்கள் வருகின்றன.

சிறப்பு அம்சங்கள்

• இது ஒரு விவாதி மேளம்.
• நீண்ட ஆலாபனைக்கு இடம் கொடாத ராகம்.
• இதன் மத்திமத்தை பிரதி மத்திமாக மாற்றினால் இராகம் கவாம்போதி (43) ஆகும்.
• கிரக பேதத்தின் வழியாக இந்த மேளத்தின் ரிஷப, தைவத சுரம் முறையே லதாங்கி (63), சூர்யகாந்தம் (17) மேளம் தோற்றுவிக்கிறது (மூர்ச்சனாகாரக மேளம்).

உருப்படிகள்

• கிருதி: ஞானாம்பிகே பாளயமாம், முத்துசாமி தீட்சிதர், திஸ்ர ஏக தாளம்