காசம் உதீம்
காசம் உதீம் (Cassam Uteem) (22 மார்ச் 1941 அன்று போர்ட் லூயிசில் பிறந்தார்) [1] மொரிசியசு குடியரசுத் தலைவராக 1992 ஜூன் 30 முதல் 2002 பிப்ரவரி 15 வரை பணியாற்றிய மொரிசிய அரசியல்வாதி ஆவார். இவர் மொரிசியசில் மிக நீண்ட காலம் குடியரசுத் தலைவராக ஒன்பது ஆண்டுகள் பணியாற்றினார் . [2]
மாண்புமிகு காசம் உதீம் | |
|---|---|
| மொரிசியசின் குடியரசு தலைவர் | |
| பதவியில் 30 சூன 1992 – 15 பிப்ரவரி 2002 | |
| பிரதமர் | அனெரூட் ஜக்நாத் |
| துணை அதிபர் | இரவீந்திரநாத் குருபரன் அங்கிடி செட்டியார் |
| முன்னையவர் | வீராசாமி ரிங்காடு |
| பின்னவர் | அங்கிடி செட்டியார் (பொறுப்பு) |
| தனிப்பட்ட விவரங்கள் | |
| பிறப்பு | 22 மார்ச்சு 1941 பிரித்தானிய மொரிசியசு |
கல்வி
தொகுஇவர், தனது மேல்நிலைக் கல்வியை போர்ட் லூயிசிலுள்ள பேரரசின் கல்லூரியில் பயின்றார். பின்னர் இவர் பிரன்ஸுக்குச் சென்று பாரிஸ் VII பல்கலைக்கழகத்தில் படித்தார். அங்கு கலையில் இளங்கலை பட்டமும், உளவியலில் முதுகலை பட்டமும் பெற்றார். மொரிசியசு பல்கலைக்கழகத்தில் சமூகப் பணிக்கான சான்றிதழ் பட்டத்தையும் பெற்றுள்ளார். [3]
குடும்ப வாழ்க்கை
தொகுஇவரது மூதாதையர்கள் 1800களில் இந்தியாவின் உத்தரப் பிரதேசத்தின் வரலாற்று நகரமான அசாம்கரில் இருந்து குடிபெயர்ந்தனர். இவர் ஜோக்ரா உதீம் என்பவரை மணந்தார். இவர்களுக்கு ரெசா உதீம் , ஓமர் உதீம் என்ற இரண்டு குழந்தைகள் உள்ளனர்.
அரசியல் வாழ்க்கை
தொகு1960 களில் ஒரு இளைஞர் தலைவராகவும், சமூக சேவகராகவும் இருந்தார். இவர் 1968 மொரிசியசு சுதந்திரத்திற்கு முந்தைய காலனித்துவ காலங்களில் உள்ளூர் சமூகத்தில் தீவிரமாக ஈடுபட்டார். இடதுசாரி அரசியல் கட்சியான மொரிசியசின் போராளி இயக்கத்தின் இன் முன்னணி உறுப்பினராக இருந்தார். 1969 ஆம் ஆண்டில் இவர் நகராட்சித் தேர்தலில் போர்ட் லூயிஸ் நகரத்தின் உறுப்பினராகத் தேர்ந்தெடுக்கப்பட்டார். 1986 ஆம் ஆண்டில் நகரத்தந்தையாக ஆனார். [4]
இவர் 1976 இல் மொரிசிய சட்டமன்ற உறுப்பினராக தேர்ந்தெடுக்கப்பட்டார். 1982, 1983, 1987, 1991 ஆம் ஆண்டுகளில் நாடாளுமன்ற உறுப்பினராக மீண்டும் தேர்ந்தெடுக்கப்பட்டார். 1982 , 1983 ஆம் ஆண்டுகளில் இவர் வேலைவாய்ப்பு, சமூக பாதுகாப்பு , தேசிய ஒற்றுமை அமைச்சக பதவிகளை வகித்தார். 1990 இல் இவர் துணைப் பிரதமராகவும், தொழில்துறையும், தொழில்நுட்பத்துறை அமைச்சராகவும் ஆனார். இவர் பாராளுமன்றத்தில் எதிர்க்கட்சித் தலைவராகவும், பொது கணக்குக் குழுவின் தலைவராகவும் இருந்தார். [5]
2002 பிப்ரவரி 15 அன்று, சர்ச்சைக்குரிய பயங்கரவாத எதிர்ப்பு மசோதாவில் கையெழுத்திட மறுத்தார். [6] இவரது பதவிக்காலம் 2002 சூனில் முடிவடைந்து, [7] அங்கிடி செட்டியார் குடியரசுத் தலைவராக நியமிக்கப்பட்டார். [8]
2014 நவம்பர் 10 அன்று, இவர் ஐக்கிய நாடுகள் அவைப் பொதுச்செயலாளரின் சிறப்புத் தூதராகவும், புருண்டியிலுள்ள ஐக்கிய நாடுகளின் தேர்தல் கண்காணிப்பு திட்டத்தின் தலைவராகவும் நியமிக்கப்பட்டார் [9] நவம்பர் 2014 இல் திரு. கஸ்ஸாம் சர்வதேச இயக்கத்தின் ஏடிடி நான்காம் உலகின் தலைவராக தேர்ந்தெடுக்கப்பட்டார். [10]
குறிப்புகள்
தொகு- ↑ "Archived copy". Archived from the original on 2008-05-26. பார்க்கப்பட்ட நாள் 2009-02-22.
{{cite web}}: CS1 maint: archived copy as title (link) - ↑ "Cassam Uteem Former President of Mauritius". Global Commission on Drugs. பார்க்கப்பட்ட நாள் 2020-06-02.
- ↑ "Cassam Uteem Former President of Mauritius". Global Commission on Drugs. பார்க்கப்பட்ட நாள் 2020-06-02.
- ↑ "Cassam Uteem Former President of Mauritius". Global Commission on Drugs. பார்க்கப்பட்ட நாள் 2020-06-02.
- ↑ "Cassam Uteem Former President of Mauritius". Global Commission on Drugs. பார்க்கப்பட்ட நாள் 2020-06-02.
- ↑ "Archived copy" (PDF). Archived from the original (PDF) on 2014-07-14. பார்க்கப்பட்ட நாள் 2014-06-07.
{{cite web}}: CS1 maint: archived copy as title (link) - ↑ "Mauritius president resigns". http://news.bbc.co.uk/2/hi/africa/1823076.stm. பார்த்த நாள்: 2007-06-26.
- ↑ "Terror law 'signed' in Mauritius". http://news.bbc.co.uk/2/hi/africa/1829355.stm. பார்த்த நாள்: 2007-06-26.
- ↑ "Secretary-General Appoints Cassam Uteem of Mauritius as Special Envoy". ஐக்கிய நாடுகள் அவை.
- ↑ "Mr. Cassam Uteem Named President of ATD Fourth World International". ATD Fourth World. Archived from the original on 2020-05-13. பார்க்கப்பட்ட நாள் 2020-09-07.