கானமூர்த்தி இராகம் கருநாடக இசையின் 3வது மேளகர்த்தா இராகம் ஆகும். இந்த இராகம் கருணைச் சுவையை வெளிப்படுத்துகிறது. அசம்பூர்ண பத்ததியில் 3வது இராகத்திற்கு கானஸாமவராளி என்ற பெயர் கொடுக்கப்பட்டுள்ளது. [1][2]
இந்து என்றழைக்கப்படும் முதல் வட்டத்தில் (சக்கரத்தில்) 3 வது மேளம்.
இந்த இராகத்தில் ஷட்ஜம், சுத்த ரிஷபம் (ரி1), சுத்த காந்தாரம்(க1), சுத்த மத்திமம்(ம1), பஞ்சமம், சுத்த தைவதம்(த1), காகலி நிஷாதம் (நி3) ஆகிய சுரங்கள் வருகின்றன.
பிரத்தியாகத கமகம் இந்த இராகத்திற்கு அழகைக் கொடுக்கிறது.
இதன் மத்திமத்தை பிரதி மத்திமமாக மாற்றினால் இராகம் ஜாலவராளி (39) ஆகும்.
கிரக பேதத்தின் வழியாக இந்த மேளத்தின் ரிஷப, மத்திம ஆகிய சுரங்கள் முறையே விஷ்வம்பரி (54), சியாமளாங்கி (55) ஆகிய மேளங்களைத் தோற்றுவிக்கின்றன. (மூர்ச்சனாகாரக மேளம்).
