காற்று உணர்திறன்

காற்று உணர்திறன் (Air sensitivity) என்ற சொல் பொதுவாக வேதியியலில் காற்றின் பகுதிப் பொருள்களுடன் வேதிச் சேர்மங்களின் வினைதிறன் பற்றி கூறுவதற்காகப் பயன்படுத்தப்படுகிறது. பெரும்பாலும் வினைகள் வளிமண்டலத்திலுள்ள ஆக்சிசன் (O₂) அல்லது நீராவியுடன் (H₂O)^[1] நடைபெறுகின்றன. மேலும் காற்றின் மற்ற பகுதிப்பொருள்களான கார்பன் மோனாக்சைடு (CO), கார்பன் டையாக்சைடு (CO₂), நைட்ரசன் (N2) ஆகியவற்றுடனும் வினைகள் நிகழ வாய்ப்புள்ளது.^[2]

காற்றில்லா தொழில்நுட்பங்கள்

காற்று உணர்திறன் கொண்ட சேர்மங்களை கையாளுவதற்காக பல்வேறு காற்று இல்லாத நுட்பங்கள் உருவாக்கப்பட்டுள்ளன. கையுறைப்பெட்டி மற்றும் வெற்றிட வாயுப் பன்மடியம் என்ற இரண்டு முக்கிய காற்றில்லா தொழில்நுட்பக் கருவிகள் உள்ளன.^[3] கையுறைப்பெட்டி என்பது ஆர்கான் அல்லது நைட்ரசன் போன்ற மந்த வாயுக்களால் நிரப்பப்பட்ட ஒரு பெட்டியாகும்.^[4] சாதாரண ஆய்வக உபகரணங்களை கையுறைப்பெட்டிகளில் அமைத்து கையாளலாம். வெற்றிட வாயுப் பன்மடியம் என்பது வெற்றிடம் மற்றும் மந்தவாயு இரண்டையும் பயன்படுத்தும் ஓர் அமைப்பாகும். தேவைக்கேற்றவாறு இக்கருவியில் உள்ள கண்ணாடியைப் பயன்படுத்தி வெற்றிடத்தை உருவாக்கவோ அல்லது மந்த வாயுவை நிரப்பிக்கொள்ளவோ முடியும்.^[5]

படத் தொகுப்பு

வெடிப்பு அல்லது வெடிப்புக்கு எதிராக கூடுதல் பாதுகாப்புடன் வெற்றிடத்தில் ஆபத்தான பொருட்களைக் கையாளும் உலோக கையுறை பெட்டி
ஒரு சாதாரண கையுறை பெட்டி, கையாளுதலுக்கான இரண்டு கையுறைகளைக் காட்டுகிறது, வலதுபுறத்தில் காற்றுத்தடுப்பி உள்ளது.
நான்கு பகுதிகளுடன் வெற்றிட வாயுப் பன்மடியம். வலதுபுறம் குளிர்விப்புக் குழாய் உள்ளது.
நெருக்கப் படம், இரட்டைச் சாய்வு அடைப்பான்கள். வெற்றிடம் அல்லது மந்த வாயுவை தெரிவு செய்து கொள்ள பயனாகும்.