குயூலெக்சு
| குயூலெக்சு | |
|---|---|
| |
| குயூலெக்சு பைப்பியன்சு பெண் கொசு | |
| |
| குயூலெக்சு சிற்றினம். ஆண் | |
| உயிரியல் வகைப்பாடு | |
| உலகம்: | |
| திணை: | விலங்கு
|
| தொகுதி: | |
| வகுப்பு: | |
| வரிசை: | |
| குடும்பம்: | |
| பேரினம்: | குயூலெக்சு
|
| மாதிரி இனம் | |
| குயூலெக்சு பைப்பியன்சு லின்னேயஸ், 1758 | |
| உயிரியற் பல்வகைமை | |
| 1,000க்கும் மேற்பட்ட சிற்றினங்கள் | |
குயூலெக்சு அல்லது கொசுக்கள் எனப்படுவது கொசுக்களின் ஒரு பேரினம் ஆகும். இவற்றில் பல சிற்றினங்கள் பறவைகள், மனிதர்கள் மற்றும் பிற விலங்குகளின் ஒன்று அல்லது ஒன்றிற்கு மேற்பட்ட முக்கியமான நோய்களின் நோய்க்காவிகளாகச் செயல்படுகின்றன. மேற்கு நைல் வைரசு, சப்பானிய மூளையழற்சி, அல்லது புனித லூயிஸ் மூளையழற்சி போன்ற ஆர்போவைரசு நோய்த்தொற்றுகள், பைலேரியாசிசு மற்றும் பறவை மலேரியா போன்ற நோய்களையும் பரப்புகின்றன. மிதவெப்ப மண்டலத்தின் தீவிர வடக்குப் பகுதிகளைத் தவிர உலகம் முழுவதும் இவை காணப்படுகின்றன. மேலும் லாஸ் ஏஞ்சல்ஸ் போன்ற சில முக்கிய அமெரிக்க நகரங்களில் காணப்படும் கொசுவின் மிகவும் பொதுவானது குயூலெக்சு ஆகும்.
சொற்பிறப்பியல்
தொகுஇந்த பேரினத்திற்குப் பெயரிடுவதில், கார்ல் லின்னேயஸ் ஒரு கொசுவினப் பூச்சி அல்லது க்னாட் என்பதைக் குறிக்க culex என்பதற்கான இலத்தீன் சொல்லைப் பயன்படுத்தினார்.
விளக்கம்
தொகுசிற்றினத்தைப் பொறுத்து, முதிர்ச்சியடைந்த குயூலெக்சு கொசு 4–10 mm (0.2–0.4 அங்) வரை வளரக்கூடியது. நெமடோசெரா துணைவகுப்பின் ஈக்கள் போன்று இவற்றின் தலை, மார்பு மற்றும் வயிறு ஆகியவை தெளிவாக வரையறுக்கப்பட்டுக் காணப்படும். ஓய்வில் இருக்கும் போது இதன் இரண்டு முன் இறக்கைகள் அடிவயிற்றின் மேல் கிடைமட்டமாக வைக்கப்பட்டிருக்கும். பறக்கும் திறன் கொண்ட அனைத்து இருசிறகிப் பூச்சிகளைப் போலவே, இரண்டாவது இணை இறக்கைகள் குறுக்கப்பட்டு, சிறிய, தெளிவற்ற சமநிலைப்படுத்திகளாக மாற்றப்பட்டுள்ளன.
கொசுக்களைக் கட்டுப்படுத்துவதில் முறையான அடையாளம் காண்பது முக்கியமானது, ஆனால் அது சற்றுக் கடினமானது. உடல் விகிதாச்சாரத்தின் கவனமாக அளவீடுகள் தேவைப்படுகிறது மற்றும் பல்வேறு முட்கள் அல்லது பிற உடல் அம்சங்களைக் கொண்டு இனங்கள் குறிப்பிடுகிறது.
இவை வாழும் பகுதிகளில் முறைசாரா அடையாளம் மிகவும் முக்கியமானது. மேலும் ஒரு விதியாக முதல் கேள்வி கொசு அனோபிலிசு அல்லது குலிசினா என்பதுதான் முதன்மையாக அடையாளங் காணப்படும். நல்ல நிலையில் மாதிரி எடுக்கப்பட்ட கொசு ஒன்றில் முதலில் கவனிக்க வேண்டிய விடயங்களில் ஒன்று துருவு தாடையின் நீளம்; குறிப்பாகப் பெண் கொசுக்களில், உறிஞ்சு குழல் அனோபிலுசு கொசுக்கள் மங்கலான அல்லது புள்ளிகள் கொண்ட இறக்கைகளைக் கொண்டிருக்கும். அதே சமயம் குயூலெக்சு கொசுவின் இறக்கைகள் தெளிவாக இருக்கும். அனோபிலிசு கொசுக்கள் தங்கள் தலையைத் தாழ்வாகவும், பின்புற முனைகள் உயரமாகவும் அமர்ந்திருக்கும், குறிப்பாக உணவுண்ணும் போது குயூலெக்சு பெண் கொசு தங்கள் உடலைக் கிடைமட்டமாக வைத்திருக்கும். அனோபிலிசு இளம் உயிரிகள் தண்ணீரில் நீந்தாதபோது நீரின் மேற்பரப்பில் கிடைமட்டமாக மிதக்கின்றன. அதேசமயம் குயூலெக்சு இளம் உயிரிகள் தலை தாழ்வாகவும், வால் பகுதியில் உள்ள நீரிறக்கி மட்டுமே மேற்பரப்பில் வைத்திருக்கும்.
வாழ்க்கை சுழற்சி
தொகுபெரும்பாலான உயிரினங்களின் வாழ்க்கைச் சுழற்சி முடிய வெப்பமான காலநிலையில் சுமார் இரண்டு வாரங்கள் ஆகும். உருமாற்றமானது ஒரு பூச்சியின் முழுமையான உருமாற்றமாக உள்ளது. பெண் கொசுவானது நீரின் மேற்பரப்பில் 300 வரையிலான மிதவைகளாக முட்டைகளை இடுகிறது. முட்டையிடுவதற்குப் பொருத்தமான வாழ்விடங்கள் சிறிய நீர் நிலைகள், குட்டைகள், குளங்கள், பள்ளங்கள், குடுவை, வாளிகள், புட்டி மற்றும் நீர் சேமிப்பு தொட்டிகள் (மரக் கிளைடைப் பகுதி சில இனங்களுக்கு மட்டுமே பொருத்தமானவை). சிறிய, சுருட்டு வடிவ, கரும் பழுப்பு நிற முட்டைகள் ஒட்டுதல் சக்திகள் மூலம் ஒன்றுடன் ஒன்று ஒட்டிக்கொள்கின்றன. எந்த வகையான இணைப்பு பசையும் இல்லாமல் இவை ஒட்டிக்கொள்கின்றன. மேலும் இவை எளிதில் பிரிக்கப்படுகின்றன. முட்டைகள் தண்ணீரில் மட்டுமே குஞ்சு பொரிக்கின்றன. மேலும் இளம் உயிரிகள் கண்டிப்பாக நீர்வாழ்வன. நீந்துவதற்காக, இவை தங்கள் உடலைத் தண்ணீருக்குள் முன்னும் பின்னுமாக அடித்துக்கொள்கிறார்கள்.[1][2]
இளம் உயிரி நிலையில் தண்ணீரில் மூழ்கி வாழ்கிறது மற்றும் கரிமப் பொருட்கள், நுண்ணிய உயிரினங்கள் அல்லது தாவரப் பொருட்களின் துகள்களை உண்ணும். பல நிலைகளுக்குப் பிறகு இவை, கூட்டுப்புழுவாக உருமாறுகிறது. இளம் உயிரிகளைப் போலல்லாமல், கூட்டுப்புழு, காற்புள்ளி வடிவமானது. இந்நிலையில் இவை உணவினை உண்பதில்லை. ஆனால் சாத்தியமான வேட்டையாடுபவர்களைத் தவிர்க்க விரைவான நீந்தக் கூடியவை. சுவாசிக்க மேற்பரப்புடன் வழக்கமான தொடர்பில் இருக்கும். 24-48 மணி நேரத்திற்குப் பிறகு, கூட்டுப்புழு கொசுவாக மாறி பறந்து செல்லும்.
நோயின் திசையன்
தொகுஒன்று அல்லது அதற்கு மேற்பட்ட குயூலெக்சு கொசுக்களால் பரவும் நோய்கள் கொசு கடத்தியின் வகையைச் சார்ந்து வேறுபடுகின்றன. சில அரிதாக மற்றும் தற்செயலாக மட்டுமே குயூலெக்சு சிற்றினங்கள் மூலம் பரவுகிறது. ஆனால் குயூலெக்சு மற்றும் நெருங்கிய தொடர்புடைய குளுசின் கொசுக்கள் ஒரு குறிப்பிட்ட பிராந்தியத்தில் சில முக்கிய நோய்களின் கடத்திகளாக உள்ளன.
- பூனை க்யூ தீநுண்மி (CQV) சீனாவில் உள்ள குயூலெக்சு கொசுக்களிலும், வியட்நாமில் உள்ள பன்றிகளிலும் அதிகமாகப் பதிவாகியுள்ளது.வீட்டுப் பன்றிகள் முதன்மை பாலூட்டிகளின் புரவலர்களாகக் கருதப்படுகின்றன. சீனாவில் உள்நாட்டில் வளர்க்கப்படும் பன்றிகளில் இந்த தீநுண்மிகலுக்கு எதிரான ஆன்டிபாடிகள் பதிவாகியுள்ளன.
- மேற்கு நைல் தீநுண்மி, சப்பானிய மூளையழற்சி, தூய லூயிசு மூளையழற்சி மற்றும் மேற்கத்திய மற்றும் கிழக்கு குதிரை மூளையழற்சி ஆகியவை பல்வேறு வகையான குயூலெக்சா பரவும் ஆர்போவைரஸ் தொற்றுகளில் அடங்கும். குயூலெக்சு சிற்றினங்கள் இசீக்கா தீநுண்மம் பரப்புமா எனப் பிரேசில் விஞ்ஞானிகள் ஆய்வு செய்து வருகின்றனர்.[3]
- நூற்புழு நோய்த்தொற்றுகள், முக்கியமாக யானைக்கால் நோய் குயூலெக்சு சிற்றினங்கள் மற்றும் பிற கொசுக்கள் மற்றும் இரத்தம் உறிஞ்சும் ஈக்களால் பரவக்கூடும்.
- பறவை மலேரியாவின் பல்வேறு வடிவங்கள் அபிகோம்ப்ளெக்சா தொகுதியில் உள்ள அதிநுண்ணுயிரி ஒட்டுண்ணிகளால் ஏற்படுகிறது.
நோனானல் என்பது குயூலெக்சு கொசுக்களை ஈர்க்கும் ஒரு சேர்மமாக அடையாளம் காணப்பட்டுள்ளது. ஒருவேளை இவை இயக்குநீராக இருக்கலாம்.[4][5][6] நோனானல் கார்பன் டை ஆக்சைடுடன் இணைந்து இது செயல்படுகிறது.[7]
பன்முகத்தன்மை
தொகு
குயூலெக்சு ஒரு மாறுபட்ட பேரினமாகும். இது 20க்கும் மேற்பட்ட துணைப் பேரினங்களை உள்ளடக்கியது. இதில் 1,000க்கும் மேற்பட்ட சிற்றினங்கள் உள்ளன. புதிதாக விவரிக்கப்பட்ட சிற்றினங்களின் வெளியீடுகள் அடிக்கடி வெளியிடப்படுகின்றன.
மேற்கோள்கள்
தொகு- ↑ "Mosquito Ecology and Surveillance Laboratory". பார்க்கப்பட்ட நாள் 7 August 2014.
- ↑ Medical Entomology for Students.
- ↑ Moraes, Priscilla (March 27, 2016). "Brazilian experts investigate if 'common mosquito' is transmitting zika virus". https://www.telegraph.co.uk/news/worldnews/southamerica/brazil/12125647/Brazilian-experts-investigate-if-common-mosquito-is-transmitting-zika-virus.html.
- ↑ "UC Davis Researchers Identify Dominant Chemical That Attracts Mosquitoes to Humans". பார்க்கப்பட்ட நாள் 2011-07-06.
- ↑ Syed, Z.; Leal, W. S. (2009). "Acute olfactory response of Culex mosquitoes to a human- and bird-derived attractant". Proceedings of the National Academy of Sciences 106 (44): 18803–18808. doi:10.1073/pnas.0906932106. பப்மெட்:19858490. Bibcode: 2009PNAS..10618803S.
- ↑ Hill, Sharon R.; Hansson, Bill S.; Ignell, Rickard (January 15, 2009). "Characterization of Antennal Trichoid Sensilla from Female Southern House Mosquito, Culex quinquefasciatus Say". Chemical Senses 34 (3): 231–252. doi:10.1093/chemse/bjn080. பப்மெட்:19153252.
- ↑ "Scientists Identify Key Smell that Attracts Mosquitoes to Humans". பார்க்கப்பட்ட நாள் 2011-07-06.
வெளி இணைப்புகள்
தொகு- UF / IFAS Featured Creatures இணையதளத்தில்
- MetaPathogen இல் Culex pipiens : உண்மைகள், வாழ்க்கைச் சுழற்சி
- தேசிய பொது சுகாதார பூச்சிக்கொல்லி மருந்தைப் பயன்படுத்துபவர் பயிற்சி கையேட்டில் கொசு அத்தியாயம்