குரேஸ் பள்ளத்தாக்கு
குரேஸ் (ஆங்கிலம்: Gurez), அல்லது குரைஸ் [1] (உள்ளூர் சினா மொழியில் குர்சாய் ), என்பது உயரமான இமயமலையில் அமைந்துள்ள ஒரு பள்ளத்தாக்கு ஆகும். பந்திபூரிலிருந்து சுமார் 86 கிலோமீட்டர்கள் (53 mi) தூரமும், காஷ்மீரில் உள்ள ஸ்ரீநகரிலிருந்து 146 கிலோமீட்டர்கள் (91 mi) வடக்கிலும், கில்கிட்-பால்டிஸ்தானில் இருந்து தெற்கேயும் அமைந்துள்ளது. கடல் மட்டத்திலிருந்து சுமார் 8,000 அடிகள் (2,400 m) உயரத்தில் அமைந்துள்ள இந்தப் பள்ளத்தாக்கு பனி மூடிய மலைகளால் சூழப்பட்டுள்ளது. இது இமயமலை பழுப்பு கரடி மற்றும் பனி சிறுத்தை உள்ளிட்ட பல்வேறு விலங்குகள் மற்றும் வனவிலங்குகளைக் கொண்டுள்ளது. நீலம் நதி பள்ளத்தாக்கு வழியாக பாய்கிறது. [2] கில்கித் செல்லும் பாதை குரேஸ் வழியாக செல்கிறது.
குரேஸ் மூன்று பகுதிகளாக பிரிக்கப்பட்டுள்ளது. தோபாத் முதல் சாரதா பீடம் வரையிலான பகுதி பாக்கித்தானால் நீலம் மாவட்டமாக நிர்வகிக்கப்படுகிறது. கம்ரி மற்றும் மினிமர்க் இடையே பாக்கித்தானால் ஆசுதோர் மாவட்டம் கில்கிட்-பால்டித்தானாகவும் நிர்வகிக்கப்படுகிறது. தோபாத் முதல் அப்துல்லே துலைல் வரையிலும் குரேஸ் வட்டம் என்று அழைக்கப்படுகிறது. மேலும் இது இந்திய நிர்வாகத்தால் இயக்கப்படும் பாண்டிபோரா மாவட்டத்தின் ஒரு பகுதியாகும்
கில்கிட்-பால்டித்தானின் ஆசுதோர் மாவட்டத்திற்கு செல்லும் பர்ஸில் பாஸுக்கு மிக அருகில் அமைந்துள்ளது. தார்த் / சினா இன மக்கள் இங்கு குடியிருகின்றனர். அவர்கள் சினா மொழியைப் பேசுகிறார்கள். பாக்கித்தானால் நிர்வகிக்கப்படும் வடக்குப் பகுதிகளில் உள்ள இனத்தவரைப் போலவே உடை மற்றும் கலாச்சாரத்தின் அதே பாணியைக் கொண்டுள்ளனர். [3]
தாவர் என்பது இப்பகுதியில் மத்திய நகரமாகும். இப்பகுதியின் மக்கள் தொகை சுமார் 30,000 என மதிப்பிடப்பட்டுள்ளது. இவர்கள் பதினைந்து கிராமங்களில் சிதறிக்கிடக்கினறனர். குளிர்காலத்தில் கடுமையான பனிப்பொழிவு காரணமாகரஸ்தான் பாஸ் மூடப்படுவதால், (தோராயமாக 6-7 அடி) இப்பள்ளத்தாக்கு ஆண்டின் ஆறு மாதங்களுக்கு துண்டிக்கப்படுகின்றது. [4]
வரலாறு
தொகுவரலாற்று ரீதியாக, குரேஸ் பண்டைய தர்திஸ்தானின் ஒரு பகுதியாக இருந்துள்ளது. மேற்கில் சாரதா பீடம், வடக்கில் மினிமர்க், கிழக்கில் திராஸ் மற்றும் தெற்கில் பாக்தோர் இடையே நீண்டுள்ளது. கஷ்கருக்கு மேலும் தொடர்வதற்கு முன் காஷ்மீர் பள்ளத்தாக்கை கில்கித்துடன் இணைத்த பண்டைய பட்டுப் பாதை இந்த பள்ளத்தாக்கு வழியே செல்கிறது. குரேஸுக்கு வடக்கே பள்ளத்தாக்குகளில் உள்ள தொல்பொருள் ஆய்வுகள் கரோஷ்டி, பிராமி மற்றும் திபெத்திய மொழிகளில் செதுக்கப்பட்ட நூற்றுக்கணக்கான கல்வெட்டுகளை கண்டுபிடித்துள்ளன. குறிப்பாக, இந்த சிற்பங்கள் காஷ்மீர் மக்களின் தோற்றம் மற்றும் பௌதத மதத்தின் ஆரம்பகால வரலாறு பற்றிய நுண்ணறிவுகளை வழங்குகின்றன.
தார்ஸின் பண்டைய தலைநகரான தாவர் குரேஸ் பள்ளத்தாக்கில் அமைந்துள்ளது . இது ஒரு முக்கியமான தொல்பொருள் தளமாகும். பள்ளத்தாக்கின் முக்கியத்துவம் வாய்ந்த பிற தொல்பொருள் தளங்கள் கான்சில்வான், அங்கு பௌத்த மதத்தின் கடைசி சபை நடைபெற்றதாக நம்பப்படுகிறது. மேலும் கீழ்நோக்கி, பண்டைய சாரதா பல்கலைக்கழகத்தின் இடிபாடுகள் கிசென்கங்கா / நீலம் ஆற்றின் குறுக்கே மூழ்கியுள்ளன.
"பள்ளத்தாக்கு மிகவும் அழகாக இருக்கிறது, ஏனெனில் நதி ஒரு வளமான புல்வெளியில் ஓடுகிறது, ஓரளவு லிண்டன்கள், வால்நட் மற்றும் வில்லோ மரங்களால் மூடப்பட்டுள்ளது. அதே நேரத்தில் இருபுறமும் உள்ள மலைகள் அமைந்துள்ளது. மிக அதிக அளவிலான திடீர் மழைப்பொழிவுகள் மற்றும் தேவதாரு மரங்களால் சூழப்பட்ட ஆல்பைன் விடுதிகள் ஆகியவற்றைத் தவிர வேறொன்றுமில்லை." [5]
குறிப்புகள்
தொகு- ↑ Spelt گُریز in Kashmiri and گورأى in Shina
- ↑ "A Journey to Kashmir's Gurez Valley".
- ↑ "Gurez an introduction". 4 January 2008. Archived from the original on 10 July 2009.
- ↑ The Outsider’s Curse: A Memoir of the First “Outsider” Lady IAS Officer.
- ↑ Sir Charles Ellison Bates, 1872 AD
வெளி இணைப்புகள்
தொகு