சத்யவதி தேவி (பி. 1905)
சத்யவதி தேவி (Satyavati Devi-28 பிப்ரவரி 1905 - 26 அக்டோபர் 2010) ஓர் இந்தியச் சுதந்திரப் போராட்ட வீரரும் காந்தியவாதியும் ஆவார். அக்டோபர் 26, 2010 அன்று தேவி இறக்கும் போது, இவர் இந்தியாவின் மிக வயதான சுதந்திரப் போராட்ட வீரராக இருந்தார்.[1]
| சத்யவதி தேவி | |
|---|---|
,_in_New_Delhi_on_August_09,_2009.jpg) சத்யவதி தேவி (இடது) இந்தியக் குடியரசுத் தலைவர் பிரதிபா பாட்டிலுடன், 2009-இல். | |
| பிறப்பு | 28 பெப்ரவரி 1905 |
| இறப்பு | 26 அக்டோபர் 2010 (அகவை 105) தில்லி, இந்தியா |
| தேசியம் | இந்திய மக்கள் |
| அறியப்படுவது | இந்திய விடுதலை இயக்கம் |
| வாழ்க்கைத் துணை | லாலா அச்சிந்த் ராம் (இற. 1961) |
இவர் தரண் தரண் மாவட்டத்தில் ஒரு பஞ்சாபி இந்து குடும்பத்தில் பிறந்தார். ஜலந்தரின் கன்யா மகா வித்யாலயத்தில் பள்ளிப்படிப்பை முடித்தார். தேவி 1925-இல் லாலா அச்சிந்த் ராம் என்பவரை மணந்தார். இவரது திருமணம் வரதட்சணை இல்லாத திருமணமாகும். மேலும் இவர் முக்காடு அணியவில்லை. இது திருமணத்திற்கு முன் அச்சிந்த் ராம் விதித்த நிபந்தனையாகும்.[1] இவர் பிஜ்ஜி அல்லது மாதாஜி என்று பிரபலமாக அறியப்பட்டார். இவர் இந்தியாவின் முன்னாள் துணைக் குடியரசுத் தலைவர் கிரிஷண் காந்த் அவர்களின் தாயார் ஆவார்.[2] இவருக்கு நிர்மலா மற்றும் சுபத்ரா என்ற இரு மகள்களும் இருந்தனர்.
ஆகத்து 26, 1942 அன்று, இந்தியச் சுதந்திரப் போராட்டத்தில் பங்கேற்றதற்காக இவர் தனது குழந்தைகளுடன் கைது செய்யப்பட்டார். மற்ற பெண் கைதிகளுடன் சேர்ந்து இவர் ஆங்கிலேயர்களால் சிறையில் அடைக்கப்பட்ட லாகூர் சிறையில் இந்திய மூவர்ணக் கொடியை ஏற்றினார்.[2][3] சிறையில் அரசியல் கைதிகளின் முகாம்களின் நிலைமைக்கு எதிர்ப்பு தெரிவித்து சத்தியாகிரகம் செய்தார்.[1] இந்தியச் சுதந்திரத்திற்குப் பிறகு, "பஞ்சாபின் காந்தி" என்று பிரபலமாக அழைக்கப்பட்ட தனது கணவர் லாலா அச்சிந்த் ராம் (1961 இல் இறந்தார்) உடன் வினோபா பாவேயின் நிலக்கொடை இயக்கத்தில் தீவிரமாகப் பங்கேற்றார். இரண்டு முறை மக்களவை உறுப்பினராக இருந்தவர். இவர்கள் இருவரும் தங்கள் நிலத்தை நிலமற்ற தொழிலாளர்களுக்கு வழங்குமாறு நில உரிமையாளர்களை வலியுறுத்தினர். புரட்சித் தலைவரான சந்திரசேகர ஆசாத் லாகூருக்குத் தப்பிச் செல்வதற்கு முன் இவரது வீட்டில் மூன்று நாட்கள் தங்கியிருந்தார்.[1] தேசபக்தர் பகத்சிங்குக்கு தன் கைகளால் அடிக்கடி உணவளித்தார்.[1] இவரது மகள் சுபத்ரா, கைது செய்யப்பட்டபோது 13 வயதுதான். மேலும் கைது செய்யப்பட்ட இளைய சுதந்திரப் போராட்ட வீரர் ஆவார்.[4] 1965-இல், இவர் தனது அனைத்து நகைகளையும் பிரதமரின் தேசிய நிவாரண நிதிக்கு வழங்கினார்.[1]
இவர் வீட்டிற்கு வரும் வீட்டிலுள்ள அனைவராலும் எப்போதும் மதிக்கப்பட்டார். இவரது மகன் கிருஷ்ண காந்த் 1989ஆம் ஆண்டு ஆந்திரப் பிரதேசத்தின் ஆளுநரானார். மேலும் 1997ஆம் ஆண்டு வரை இவர் துணைக் குடியரசுத் தலைவர் பதவிக்கு உயர்த்தப்பட்டார். இரண்டு சந்தர்ப்பங்களிலும் கிருஷ்ண காந்த் தனது தாயைத் தனது வீட்டிற்கு அழைத்துச் சென்றார். 2002-இல் இவரது மகன் இறந்தபோது, அவரது உடலைத் தகனம் செய்வதற்கு எடுத்துச் செல்லும் வரை அவர் அருகில் அமர்ந்திருந்தார். இவர் எட்டு ஆண்டுகள் அவரை விட அதிகமாக வாழ்ந்தார். 26 அக்டோபர் 2010 அன்று தனது 105 வயதில் இறந்தார். பல இளைய சக ஊழியர்களை விட அதிகமாக வாழ்ந்தார். மறுநாள் இவரது சொந்த கிராமத்தில் அனைத்து அரசு மரியாதைகளுடன் தகனம் செய்யப்பட்டது. 9 ஆகத்து 2009 அன்று இறப்பதற்கு ஒரு வருடம் முன்பு, வெள்ளையனே வெளியேறு இயக்கத்தின் 67வது ஆண்டு நினைவுக் கொண்டாட்டத்தின் ஒரு பகுதியாக, அப்போதைய குடியரசுத் தலைவர் பிரதீபா பாட்டீலால் இவர் கௌரவிக்கப்பட்டார்.
மேற்கோள்கள் தொகு
- ↑ 1.0 1.1 1.2 1.3 1.4 1.5 "India's oldest freedom fighter dies at 105". Times of India. 27 October 2010. Archived from the original on 31 October 2010. பார்க்கப்பட்ட நாள் 13 June 2014.
- ↑ 2.0 2.1 Bajpayee, Nitika. "A patriot Speaks". harmonyindia.org. Archived from the original on 27 May 2014. பார்க்கப்பட்ட நாள் 13 June 2014.
- ↑ Chowdhury, Neerja (1 March 2005). "India's oldest freedom fighter turns 100". gulfnews.com. Archived from the original on 7 July 2014. பார்க்கப்பட்ட நாள் 15 June 2014.
- ↑ "Oldest freedom fighter recalls memories of struggle". New Delhi: ibnlive.in.com. Archived from the original on 28 May 2014. பார்க்கப்பட்ட நாள் 15 June 2014.