சாவித்ரி ஜிண்டால்
சாவித்ரி தேவி ஜிண்டால் (அசாமிய மொழி: সাৱিত্ৰী দেৱী জিন্দাল; பிறப்பு 20 மார்ச் 1950) ஒரு இந்திய தொழிலதிபர் மற்றும் இந்திய அரசியல்வாதி ஆவார். அவர் O.P. ஜிண்டால் குழுமத்தின் தலைவராவார். அவர் அக்ரோஹா மகாராஜா அக்ரசென் மருத்துவக் கல்லூரியின் தலைவரும் ஆவார்.
சாவித்திரி ஜிண்டால் | |
|---|---|
| பிறப்பு | 20 மார்ச்சு 1950[1] தின்சுகியா, அசாம், இந்தியா[1] |
| தேசியம் | இந்தியர் |
| கல்வி | திப்புளோமா |
| பணி | ஜிண்டால் குழுமத்தின் தலைவர் |
| சொத்து மதிப்பு | ▼ அமெரிக்க டாலர்14.8 பில்.(july 2021)[2] |
| அரசியல் கட்சி | இந்திய தேசிய காங்கிரசு |
| வாழ்க்கைத் துணை | ஓம் பிரகாஷ் ஜிண்டால் (1970–2005) |
| பிள்ளைகள் | 4 (நவீன் உட்பட) |
வாழ்க்கைக் குறிப்பு
தொகுஜிண்டால் அசாமில், தின்சூக்கியா நகரில் பிறந்தார். இவர் 1970களில் ஓம் பிரகாஷ் ஜிண்டலை மணந்தார், இவர் எஃகு மற்றும் சக்தி கூட்டு நிறுவனமான ஜிண்டால் குழுமத்தை நிறுவினார். ஜிண்டால் அரியானா அரசாங்கத்தில் அமைச்சராகவும், ஹிசார் தொகுதி சட்டமன்ற உறுப்பினராகவும் இருந்தார். அரியானா சட்டமன்ற 2014 தேர்தலில் அவர் அந்த இடத்தை இழந்தார். 2005-ஆம் ஆண்டில் ஓ.பி. ஜிண்டால் உலங்குவானூர்தி விபத்தில் இறந்த பின்னர் இவர் தலைவரானார். இவர் இந்திய தேசிய காங்கிரசு கட்சியின் உறுப்பினர்.
சாவித்திரி ஜிண்டால் இந்தியாவின் பணக்காரப் பெண், 2016-இல் 16 வது பணக்கார இந்தியர், 4.0 பில்லியன் டாலர் சொத்து மதிப்புடையவர்; இவர் 2016 ஆம் ஆண்டில் உலகின் 453-வது பணக்காரர் ஆவார். 2008 ஆம் ஆண்டில் ஆச்சார்ய துளசி கிருத்ரிவா புராஸ்கருடன் அகில் பாரத தேரபந்த் மகிளா மண்டலத்தால் அவருக்கு வழங்கப்பட்டது.
அரசியல் வாழ்க்கை
தொகு2005 ஆம் ஆண்டில், ஹிசார் தொகுதியில் இருந்து ஹரியானா சட்டசபைக்கு ஜிண்டால் தேர்ந்தெடுக்கப்பட்டார். இத்தொகுதியானது, முன்னர் அவரது மறைந்த கணவர் ஓம் பிரகாஷ் ஜிண்டால் நீண்ட காலமாக பிரதிநிதித்துவப்படுத்திய தொகுதியாகும். 2009 ஆம் ஆண்டில் இவர் மீண்டும் இத்தொகுதியிலிருந்து சட்டசபைக்குத் தேர்ந்தெடுக்கப்பட்டார் 2013 ஆம் ஆண்டு அக்டோபரில் ஹரியானா அரசாங்கத்தில் அமைச்சராக நியமிக்கப்பட்டார்.
முந்தைய அமைச்சரவையில், இவர் வருவாய் மற்றும் பேரிடர் மேலாண்மை, ஒருங்கிணைப்பு, புனர்வாழ்வு மற்றும் வீட்டுவசதி அமைச்சராகவும், நகர்ப்புற உள்ளாட்சி அமைப்புகள் மற்றும் வீட்டுவசதி அமைச்சராகவும் பணியாற்றினார்.
இவர் நிறுவனத்தின் பொறுப்பை ஏற்றுக்கொண்ட பிறகு நிறுவனத்தின் வருவாய் நான்கு மடங்காக அதிகரித்தது. ஹரியானா மாநிலத்தில் இருந்து ஒரு பின்னணி மற்றும் வரலாற்றைக் கொண்ட இவர், ஹரியானா சட்டமன்ற உறுப்பினராக பணியாற்றினார் மற்றும் 2010 வரை மின்சக்தி அமைச்சர் பதவியில் இருந்தார். ஓபி ஜிண்டால் குழு 1952 ஆம் ஆண்டில் தொழில் ரீதியாக ஒரு பொறியியலாளர் ஓம் பிரகாஷ் ஜிண்டால் அவர்களால் தொடங்கப்பட்டது. இது எஃகு, மின்சாரம், சுரங்கம், எண்ணெய் மற்றும் எரிவாயு ஆகியவற்றின் கூட்டு நிறுவனமாக மாறியது. அவரது வியாபாரத்தின் இந்த நான்கு பிரிவுகளில் ஒவ்வொன்றும் இவரது நான்கு மகன்களான பிருத்விராஜ், சஜ்ஜன் , ரத்தன் மற்றும் நவீன் ஜின்டால் ஆகியோரால் நடத்தப்படுகின்றன .ஜிண்டால் ஸ்டீல்ஸ் இந்தியாவில் எஃகு உற்பத்தியில் மூன்றாவது இடத்தில் உள்ளது.
மேற்கோள்கள்
தொகு- ↑ 1.0 1.1 "Haryana Vidhan Sabha MLA". Archived from the original on 2016-03-03. பார்க்கப்பட்ட நாள் 2021-07-23.
- ↑ "Savitri Jindal". பார்க்கப்பட்ட நாள் 13 April 2021.