சித்ரா பாரூச்சா
சித்ரா பாருச்சா (Chitra Bharucha பிறப்பு 6 ஏப்ரல் 1945) ஒரு முன்னாள் குருதிவியல் ஆலோசகர் மற்றும் பிபிசி அறக்கட்டளையின் முன்னாள் துணைத் தலைவர் ஆவார். பிபிசிக்கு தலைமை தாங்கிய முதல் பெண் மற்றும் முதல் தெற்காசியர் ஆவார். [1]
இந்தியாவின் மதுரையில் பிறந்த இவர், 1972 முதல் இங்கிலாந்தில் வசித்து வருகிறார். [2] [3] இவர் சென்னை, ஈவார்ட் பள்ளி மற்றும் வேலூரில் உள்ள கிறிஸ்டியன் மருத்துவக் கல்லூரி மற்றும் மருத்துவமனை ஆகியவற்றில் கல்வி பயின்றார், 1972 இல் இங்கிலாந்திற்குச் செல்வதற்கு முன் மருத்துவத் தகுதியைப் பெற்றார். 1981 மற்றும் 2000 க்கு இடையில், அவர் பெல்ஃபாஸ்ட் சிட்டி மருத்துவமனையில் மருத்துவ ஆலோசகராக இருந்தார் மற்றும் வடக்கு அயர்லாந்து இரத்த மாற்று சேவையின் துணை இயக்குநராக இருந்தார். அவர் 1999 இல் பொது மருத்துவ குழுவிற்குத் தேர்ந்தெடுக்கப்பட்டார்.
1996 இல் பாருச்சா ஊடகத் துறைக்குச் சென்றார், 1999 வரை வடக்கு அயர்லாந்திற்கான பிபிசி ஒளிபரப்பு குழுவில் பணியாற்றினார். ஏப்ரல் 2001 இல் வடக்கு அயர்லாந்தின் சுயாதீன தொலைக்காட்சி ஆணையத்தின் உறுப்பினராக நியமிக்கப்பட்டார், அங்கு திசம்பர் 2003 வரை ஐடிசி ஆஃப்காமில் இணைக்கப்படும் வரை பணியாற்றினார், மேலும் ,நவம்பர் 2004 இல் விளம்பர தரநிலைகள் ஆணையத்தின் உறுப்பினரானார்.
பிபிசி
தொகுஅக்டோபர் 2006 இல், பாருச்சா பிபிசி அறக்கட்டளையின் துணைத் தலைவராக நியமிக்கப்பட்டார், இது பிபிசியின் ஆளுனர்கள் குழுவிற்குப் பின் வந்த அமைப்பு. இவர் அப்போதைய பிபிசி தலைவரான மைக்கேல் கிரேடின் துணைப் பொறுப்பாளராக இருந்தார். நவம்பர் 1, 2006 அன்று அறக்கட்டளை உருவானவுடன் கிரேட் பணித் துறப்பு செய்த பின்னர் பாருச்சா பிபிசியின் செயல் தலைவராக ஆனார், சர் மைக்கேல் லியோன்ஸ் 1 மே 2007 அன்று தலைவர் பதவியை ஏற்கும் வரை அவர் அந்த பதவியை வகித்தார்.
31 அக்டோபர் 2010 அன்று அறக்கட்டளையின் துணைத் தலைவர் பதவியிலிருந்து பாருச்சா விலகினார்.
சான்றுகள்
தொகு- ↑ "Archived copy". Archived from the original on 5 March 2016. பார்க்கப்பட்ட நாள் 6 December 2014.
{{cite web}}: CS1 maint: archived copy as title (link) - ↑ http://www.qub.ac.uk/home/Graduation-Archive/HonoraryGraduates2008/Speechupload/Filetoupload,108084,en.pdf பரணிடப்பட்டது 2014-12-10 at the வந்தவழி இயந்திரம்
- ↑ "Archived copy". Archived from the original on 2014-12-10. பார்க்கப்பட்ட நாள் 2014-12-06.
{{cite web}}: CS1 maint: archived copy as title (link)
வெளியிணைப்புகள்
தொகு- BBC Trust. "Chitra Bharucha". Archived from the original on 27 August 2007. பார்க்கப்பட்ட நாள் 2007-01-21.
- BBC (12 October 2006). "Press Release: New BBC Trust to represent the public interest". பார்க்கப்பட்ட நாள் 2007-01-21.
- BBC (28 November 2006). "Press Release: Michael Grade resigns as BBC Chairman". பார்க்கப்பட்ட நாள் 2007-01-21.
- ITC. "Members and Directors - Chitra Bharucha". பார்க்கப்பட்ட நாள் 2007-01-21.
- ASA. "Council Members". Archived from the original on 2 February 2007. பார்க்கப்பட்ட நாள் 2007-01-21.
- GM Science Review. "Members' Interests - Chitra Bharucha". பார்க்கப்பட்ட நாள் 2007-01-21.
- Food Standards Agency. "Advisory Committee On Animal Feedingstuffs". Archived from the original on 2007-06-09. பார்க்கப்பட்ட நாள் 2007-01-21.