சுபுண்டு

சுபுண்டு (ஆங்கிலம்:Xubuntu) (/zuːˈbuːntuː/ zoo-BOON-too) என்ற இயக்குதளம், சுதந்திர, திறநிலை மென்பொருள் இயக்குதளங்களில் ஒன்றாகும். இது உபுண்டு என்ற இயக்குதளத்தினை அடிப்படையாகக் கொண்டு உருவாக்கப்பட்டது. இது எக்செப்சியி (XFCE) என்ற திரைப்புலச் சூழலை அடிப்படையாகக் கொண்டதாகும். இந்த இயக்கு தளம், குறைவான திறன் கொண்ட கணினிகளையும், குறைவான மின்னாற்றலை எடுத்துக்கொண்டு, திறம்பட, வேகமாக இயக்கும் ஆற்றல் உடையது ஆகும்.

சுபுண்டு
விருத்தியாளர்	கனோனிக்கல் நிறுவனம்
இயங்குதளக் குடும்பம்	யுனிக்சு போன்றவை
மூலநிரல் வடிவம்	கட்டற்ற மற்றும் திறமூல மென்பொருள்கள்
முதல் வெளியீடு	23 சூன் 2006
பிந்தைய நிலையான பதிப்பு	13.10 (Saucy Salamander) / 17 அக்டோபர் 2013 (2013-10-17)
கருனி வகை	ஒற்றைப்பாளக் கருனி (லினக்சு கருனி)
இயல்பிருப்பு இடைமுகம்	Xfce
அனுமதி	குனூ பொதுமக்கள் உரிமம் / பிறவும்
தற்போதைய நிலை	உயிர்ப்பு
வலைத்தளம்	சுபுண்டுவின் இணையப்பக்கம்

திரைப்புலம்

இருப்பினும், இயல்பிருப்பு நிலையில் சுபுண்டு[Xubuntu] திரைப்புல அமைவாகவே(session) இருக்கும். முழு 'எக்செப்சியி' திரைப்புல அமைவு வேண்டுமெனில், இருக்கும் திரைச்சூழலை விட்டு வெளியேறி(logout), படத்தில் காட்டியபடி, தெரிவுப்பட்டியலில் தேர்ந்தெடுத்து, மீண்டும் உட்புகுந்தால், முழுமையான 'எக்செப்சியி' திரைப்புலச் சூழலுக்கு வந்து கணினியை பயன்படுத்தலாம். இரண்டிற்கும் உள்ள வேறுபாடு யாதெனில், இயல்பான சுபுண்டு கணித்திரைப்புலச் சூழலில் நிறுவப்பட்டிருக்கும் மென்பொருள்கள் அனைத்தும் பட்டியலில் இணைக்கப் பட்டிருக்காது. 'எக்செப்சியி' சூழலில், நமக்குப் பயனாகும் அனைத்து மென்பொருள்களும் பட்டியலாகப் பார்க்கலாம். மேலும், ஒப்பிட்டளவில் 'எக்செப்சியி' சூழல், குறைந்த அளவு மின்சாரத்தையே, தனது இயக்கத்திற்கு எடுத்துக் கொள்கிறது. அதனால், மடிக்கணினிகளுக்கு மிகவும் ஏற்றதாகும்.

இதிலுள்ள நிறுவப்பட்டுள்ள செயலிகளின், இயக்க ஆழிகளை (GUI_buttons) உருவாக்குதல் எளிது. அங்ஙனம் உருவாக்கப்பட்ட ஆழிகளை, திரைப்புலத்தில் வேண்டிய இடத்தில், ஒரு இயக்கப் பட்டையில் (panel of launchers)அமைத்தலும் எளிதான செயலாகும். அவ்வாறு ஒரு பயனர், தான் அடிக்கடிப் பயன்படுத்தும் ஆழிகளை, தனக்கேற்ற இடத்தில், ஏற்ற அளவில், அமைத்துள்ள திரைப்புலத்தைப் படத்தில் காணலாம்.

திரைப்புல ஊடகங்கள்

• 
  திரைப்புலப் பட்டியல்
• 
  சுபுண்டு திரைப்புலச் சூழல்
• 
  செயலிப் பட்டியல்
• 
  'எக்செப்சியி' திரைப்புலம்
• 
  செயலிப்பட்டியல்
• 
  தேவைக்கேற்ப மாற்றப்பட்ட திரைப்புலம்
• 
  தானியக்க அறிவுப்புகள்

சுபுண்டு வெளியீடுகள்

முதற்பதிப்பு2006 ஆம் ஆண்டு வெளியானது. உபுண்டு வெளியீடுகளில் பின்பற்றப்படும் அதே பெயரிடல் முறைமை பின்பற்றப்படுகிறது. பிறகு ஆண்டுக்கு இருமுறை வெளியிடப்படுகிறது. ஒவ்வொரு வருடத்தின் 4வது,10வது மாதங்களில், இது வழமையாக வெளியாகிறது.

நிறம்	பொருள்
சிவப்பு	ஆதரவு நிறுத்தப்பட்டு வெளியீடு
மஞ்சள்	ஆதரவுள்ள வெளியீடுகள்
பச்சை	தற்போதைய பதிப்பு
நீலம்	எதிர்கால வெளியீடு

பதிப்பு	பதிப்பின் பெயர்	வெளியீட்டுத் தேதி	ஆதரவு காலம்	குறிப்புகள்
5.10	Breezy Badger	13 அக்டோபர் 2005	13 ஏப்ரல் 2007	சுபுண்டு-மேசைக்கணினி பொதி மட்டும் கிடைக்கப்பெற்றது.
6.06 | (LTS)	Dapper Drake	1 சூன் 2006	சூன் 2009	முதல் சுபுண்டு நிறுவன வெளியீடு ( நீண்ட கால ஆதரவு(LTS))
6.10	Edgy Eft	26 அக்டோபர் 2006	25 ஏப்ரல் 2008
7.04	Feisty Fawn	19 ஏப்ரல் 2007	19 அக்டோபர் 2008
7.10	Gutsy Gibbon	18 அக்டோபர் 2007	18 ஏப்ரல் 2009
8.04	Hardy Heron	24 ஏப்ரல் 2008	ஏப்ரல் 2011	நீண்ட கால ஆதரவு (LTS)
8.10	Intrepid Ibex	30 அக்டோபர் 2008	ஏப்ரல் 2010
9.04	Jaunty Jackalope	23 ஏப்ரல் 2009	அக்டோபர் 2010	PowerPC உரிய இயக்குதளமும் கிடைக்கிறது
9.10	Karmic Koala	29 அக்டோபர் 2009	ஏப்ரல் 2011
10.04 (LTS)	Lucid Lynx	29 ஏப்ரல் 2010	ஏப்ரல் 2013	நீண்ட கால ஆதரவு(LTS)
10.10	Maverick Meerkat	10 அக்டோபர் 2010	ஏப்ரல் 2012
11.04	Natty Narwhal	28 ஏப்ரல் 2011	அக்டோபர் 2012
11.10	Oneiric Ocelot	13 அக்டோபர் 2011	ஏப்ரல் 2013
12.04 (LTS)	Precise Pangolin	26 ஏப்ரல் 2012	ஏப்ரல் 2015	நீண்ட கால ஆதரவு(LTS)
12.10	Quantal Quetzal	18 அக்டோபர் 2012	ஏப்ரல் 2014
13.04	Raring Ringtail	25 ஏப்ரல் 2013	திசம்பர் 2013
13.10	Saucy Salamander	17 அக்டோபர் 2013	சூன் 2014
14.04 (LTS)	Trusty Tahr	17 ஏப்ரல் 2014	TBA	நீண்ட கால ஆதரவு(LTS)

வெளியீட்டு ஊடகங்கள்

• 
  6.06
• 
  6.10
• 
  7.10
• 
  8.10
• 
  9.04
• 
  10.04
• 
  11.04
• 
  13.10
• 
  14.04(LTS)

இயல்பிருப்பான செயலிகள்

ஒரு சராசரி பயனாளருக்குப் பயன்படும் வகையில், பின்வரும் செயலிகள் இயல்பிருப்பாகக் கட்டமைக்கப் பட்டுள்ளன.

ஜீபார்ட்டெடு வகிர்வுத் தொகுப்பான்

GParted Icon

ஜீபார்ட்டெடு வகிர்வுத் தொகுப்பான்(Gparted partition editor) : இது நிகழ்நிலை இயக்குதளமாகச் செயற்படும் போது மட்டும் இயல்பிருப்பாக இருக்கிறது. கணினியின் இயக்குதளத்தை நிறுவிய பிறகு, இத்தொகுப்பானை, உபுண்டு மென்பொருள் நடுவத்தில் இருந்தே நிறுவ வேண்டியுள்ளது. இச்செயலியைக் கொண்டு, நிறுவப்பட்ட கணினியின், முதன்மை நினைவகமான நிலைவட்டைப் பாதுகாப்பான முறையில் வகிர்ந்து(தேவைக்கேற்ப பிரித்தல்) கொள்ளலாம். பிற வகிர்வு தொகுப்பான்களை(எ.கா. fdisk) விட இது மிகவும் எளியதும், பாதுகாப்பானதாகும்.

சுபுண்டு வழி இயக்குதளங்கள்

சுபுண்டு இயக்குதளத்தை அடைப்படையாகக் கொண்டு, கனோனிக்கல் நிறுவனம் அல்லாத, வெளி உருவாக்குநர்கள், சற்று வேறுபட்ட இயக்குதளங்களை உருவாக்கியுள்ளனர். அவற்றுள் குறிப்பிடதக்கன வருமாறு;-

• எலிமென்ட்டு ஓஎஸ்(Element OS)
• எம்மாபன்டசு(Emmabuntüs)
• ஓஇசட்ஓஎஸ்(OzOS)
• ஓஎஸ்4(OS4 (முற்பெயர் PC/OS))
• யூசர்ஓஎஸ்அலட்ரா (UserOS Ultra)
• ஓயஜெர் (Voyager)

புற இணைப்புகள்

விக்கிமீடியா பொதுவகத்தில்,
Xubuntu
என்பதில் ஊடகங்கள் உள்ளன.

• சுபுண்டுவின் அலுவலக இணையம்
• சுபுண்டு சமூக அலுவலகமல்லா இணையம் பரணிடப்பட்டது 2007-01-06 at the வந்தவழி இயந்திரம்
• உபுண்டுவிக்கியில் சுபுண்டு பக்கம்
• சுபுண்டுவின் நெளிவு, சுளிவுகளை அறிந்துணரச் செய்யும் 'வோர்டுஃபிரசு' வலைப்பூ