ஜீவகராம விகாரை
ஜீவகராம விகாரை (இந்தி: जीवकर्म विहार; ஆங்கிலம்: Jivakarama vihara), மேலும் ஜீவக அமரவண விஹாரா (அம்ர - வன என்றால் "மாம்பழ தோட்டம்"), [1] ஜீவகம்ரவண, ஜீவகம்ரபனா அல்லது ஜீவகவனராமம், என்பது புத்தர் காலத்தில் அரச மருத்துவருமான சீவகன் என்பவரால் நிறுவப்பட்ட ஒரு பண்டைய புத்த மடாலயம் அல்லது விகாரை ஆகும். [2] [3] [4]
இந்தியவின் பீகார் மாநிலத்தில், நாளந்தா மாவட்டத்தில், உள்ள ராஜகிருஹத்தின் வெளிப்புறத்தில், கிஜ்ஜகுடா மலைக்குக் கீழே, ஒரு மாம்பழத்தோட்டம் இருந்தது. இது மன்னர் பிம்பிசாரரிடம் அரச மருத்துவரான ஜீவகன்என்பவரால் பௌத்த சங்கத்திற்கு நன்கொடையாக வழங்கப்பட்டது.[2] ஜீவகர் அந்த இடத்தில் ஒரு மடத்தை கட்டி, அதனை சங்கத்திற்கு நன்கொடையாக வழங்கினார். [5] புத்தர், தேவதத்தனால் காயமுற்ற போது இந்த மடாலயத்தில் ஒருமுறை சிகிச்சை பெற்றதாகக் கூறப்படுகிறது.[2][6]
சங்கத்தின் விதிமுறைகளுக்கு இணங்க, தொடக்கத்தில் இந்த மடாலயம், தனியறைகள் (ஆங்கிலம்: Cells) இல்லாமல், இரண்டு நீண்ட, இணையான நீள்சதுர மண்டபங்களுடனும், துறவிகள் உண்ணவும் உறங்கவும் பல படுக்கைகளுடன் கூடிய துயில்கூடம் (ஆங்கிலம்: Dormitories) ஆகியவற்றுடன் உருவாக்கப்பட்டது.[2] மற்ற கூடங்கள் (ஆங்கிலம்: Hall) பின்னர் கட்டப்பட்டன. பெரும்பாலும் நீளமான, நீள்சதுர கட்டிடங்கள், பராபர் குகைகளின் நீளமான கட்டுமானத்தை நினைவூட்டுகின்றன.[2] [7]
இந்த விகாரைக்கான தொடக்ககால கட்டுமானம் அனேகமாக கி.மு. 530-400 ஆம் ஆண்டுகளுக்கு இடைப்பட்ட காலத்தைச் சேர்ந்ததாகலாம் என்று தொல்பொருள் சான்றுகள் சுட்டுகின்றன.[2][3] ஒன்றாம் நூற்றாண்டில் காந்தாராவில் கட்டப்பட்ட பிற்கால நாற்கர விகாரையைவிட இந்த விகாரை மிகவும் வித்தியாசமானது. [2] பிற்காலத்தில் தூபிகளைக் கொண்டு கட்டப்பட்ட விகாரைகளுக்கு மாறாக, தூபி இல்லாதது இங்கு நோக்கத்தக்கது. [2] கட்டுமான முறை (இடிந்த அடித்தளம்) மற்றும் அந்த இடத்தில் கண்டுபிடிக்கப்பட்ட கலைப்பொருட்கள், இரும்பு ஆணிகள், சுட்டகளிமண் (ஆங்கிலம்: Terracota) பந்துகள் அல்லது கரடுமுரடான சிவப்பு மட்பாண்டங்கள் போன்றவை அனைத்தும் கி.மு. ஐந்தாம் நூற்றாண்டிற்குப் பிற்பட்ட காலத்தைச் சுட்டிக்காட்டுகின்றன. [2]
காட்சியகம்
தொகு-
இடிபாடுகள். -
இடிபாடுகள். -
நீள்வட்ட பொது மண்டபம் (எச்சம்). -
இந்திய தொல்லியல் துறை அறிவிப்பு.
இதனையும் காண்க
தொகுமேற்கோள்கள்
தொகு- ↑ Ahir, D. C. (1986). Buddhist Shrines in India (in ஆங்கிலம்). B.R. Publishing Corporation. p. 67. பன்னாட்டுத் தரப்புத்தக எண் 9788170183266.
- ↑ 2.0 2.1 2.2 2.3 2.4 2.5 2.6 2.7 2.8 Le, Huu Phuoc (2010). Buddhist Architecture (in ஆங்கிலம்). Grafikol. பன்னாட்டுத் தரப்புத்தக எண் 9780984404308.
- ↑ 3.0 3.1 "The rubble-built building complex of Jivakamravana at Rajgir probably represents one of the earliest monasteries of India dating from the Buddha's time." in Mishra, Phanikanta (1995). Researches in Indian archaeology, art, architecture, culture and religion: Vijayakanta Mishra commemoration volume (in ஆங்கிலம்). Sundeep Prakashan. p. 178. பன்னாட்டுத் தரப்புத்தக எண் 9788185067803.
- ↑ Tadgell, Christopher (2015). The East: Buddhists, Hindus and the Sons of Heaven (in ஆங்கிலம்). Routledge. p. 498. பன்னாட்டுத் தரப்புத்தக எண் 9781136753831.
- ↑ Archaeological Survey of India on-site notice
- ↑ Monuments of Bihar (in ஆங்கிலம்). Department of Art, Culture & Youth, Government of Bihar. 2011. pp. Jivakarama vihara entry.
- ↑ Handa, O. C. (1994). Buddhist Art & Antiquities of Himachal Pradesh, Upto 8th Century A.D. (in ஆங்கிலம்). Indus Publishing. பன்னாட்டுத் தரப்புத்தக எண் 9788185182995.
