ஜோனாங்கி
ஜோனாங்கி (Jonangi) அல்லது ஜோனாங்கி ஜாகிலம் [1] அல்லது கொள்ளேட்டி ஜாகிலம் [2] என்றும் அழைக்கப்படுவது இந்திய நாய் இனங்களுள் ஒன்றாகும். இது பெரும்பாலும் பிரிக்கப்பட்ட ஆந்திரப் பிரதேசம், கர்நாடகாவின் சில பகுதிகள் மற்றும் மேற்கு வங்கம் முதல் தமிழ்நாடு வரை கிழக்கு கடற்கரை முழுவதும் காணப்படுகிறது.[3] இது ஒரு காலத்தில் மேற்கு கோதாவரி மற்றும் ஆந்திரப் பிரதேசத்தின் கிருஷ்ணா மாவட்டங்களில் உள்ள கொல்லேறு ஏரி மற்றும் ஏரியினைச் சுற்றியுள்ள பகுதிகளில் அதிகமாகக் காணப்பட்டது. இந்த நாய் மிகவும் குறுகிய, மென்மையான உரோமங்களைக் கொண்டது. இந்த இனம் வேட்டையாடுதல் மற்றும் பணையினை கால்நடைகளை மேய்க்கும் நாயாகப் பயன்படுத்தப்படுகிறது.[4][5][6]
| |||||||||||||||||||||||||
| தோன்றிய நாடு | தென்னிந்தியா | ||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||||||
| |||||||||||||||||||||||||
| நாய் (கேனிஸ் லூபிஸ் பெமிலியாரிஸ்) | |||||||||||||||||||||||||
ஜோனாங்கி இந்தியாவில் உள்ள பெரிய நாய் மன்றங்களால் அங்கீகரிக்கப்படவில்லை. ஆனால் இந்த இனமானது ஆந்திரப் பிரதேசத்தில் உள்ள கடற்கரை திருவிழாக்களில் பங்கேற்கின்றது.
குணம்
தொகுஜோனாங்கி தனி நபர் அல்லது குடும்ப நாயாக உள்ளது.[7] இது ஒரு சுறுசுறுப்பான நாய், மிக நீண்ட தூரத்தை விரைவாகக் கடக்கும். ஒரு சில நாய்கள் பதட்டத்தை வெளிப்படுத்தும் வேளையில், பெரும்பாலான ஜோனாங்கிகள் பெரிய பண்ணைகள் மற்றும் வீடுகளைக் காத்து, சிறந்த உழைக்கும் கூட்டாளிகளாக உள்ளன. இவை கோழி, ஆடுகள், செம்மறி ஆடுகள் மற்றும் கால்நடைகள் போன்ற பண்ணை விலங்குகளுடன் இணைந்து வாழக்கூடியது. ஜொனாங்கிள் தனது கழிவினை சிறிய அளவு பள்ளம் அமைத்து இடுகின்றன. சரியான முறையில் நாய்க்குட்டியிலிருந்து சமூக மயமாக்கப்பட்டு, நேர்மறை வலுவூட்டலுடன் பயிற்சி பெறும், ஜோனாங்கிகள் நம்பிக்கையான நாய்களாக வளர்கின்றன. இவற்றைச் சிறந்த குடும்ப தோழர்களாக உருவாக்க முடியும் மற்றும் குழந்தைகளுடன் நன்றாக பழகக்கூடியனவாக இருக்கும்.
இனப்பெருக்கம்
தொகுபெண் நாய்கள், தங்கள் ஆரோக்கியத்தைப் பொறுத்து ஒவ்வொரு ஆறு மாதங்களுக்கும் இனப்பெருக்க தூண்டலுக்கு வருகின்றன. வழக்கமான குப்பை அளவு 3-5 நாய்க்குட்டிகள்.
ஜோனங்கி நாய்கள் சிறந்த பெற்றோர் பேணும் பண்பினைக் கொண்டவை. இவை குட்டிகளை நன்றாகக் கவனித்துக் கொள்கின்றன. இவற்றின் கருவுறுதல் விகிதம் மற்ற இந்திய நாய் இனங்களைப் போன்றது.
பயன்பாடு
தொகுஜோனாங்கி சிறிய விளையாட்டு நாயாகவும், வேட்டை நாயாகவும், கண்காணிப்பு நாயாகவும், வாத்துகளை மேய்க்கவும் பயன்படுத்தப்படுகிறது.[8]
அழிவுக்கு அருகில்
தொகுஉள்ளூர் வாத்து விவசாயிகளுக்கு தங்கள் வாத்துகளை மேய்க்க உதவும் ஜோனாங்கி ஒரு காலத்தில் கொல்லேரு ஏரியைச் சுற்றிக் காணப்பட்டது. கொல்லேருவைச் சுற்றியுள்ள விவசாயிகள் அதிக லாபம் தரும் மீன் வளர்ப்பின் பக்கம் திரும்பியுள்ளனர். மேலும் ஒரு காலத்தில் வாத்துகளை மேய்ப்பதற்கு உதவிய ஜோனாங்கி இப்போது வேலை செய்யாது, தங்களைத் தாங்களே உயிர்வாழ அரை காட்டு நிலையில் விடப்பட்டுள்ளது.
ஜோனாங்கி உயிர்வாழ்வதற்கான தனித்துவமான மீன்பிடி நுட்பங்களை உருவாக்கியுள்ளது. மேலும் இப்போது உள்ளூர் விவசாயிகளால் ஒரு தொந்தரவாகக் கருதப்படுகிறது. இவர்கள் இந்த நாய்களைக் கொல்வதால், இன்று அழியும் நிலைக்குச் சென்றுள்ளது.
இன மறுமலர்ச்சி
தொகுஒரு காலத்தில் இந்தியாவின் ஜோனாங்கி கடலோரப் பகுதியிலும் காணப்பட்ட இந்த இனம். இப்போது ஆந்திரா, கர்நாடகா, தமிழ்நாடு, மகாராட்டிரா மற்றும் கோவாவில் அதிகமாகக் காணப்படுகிறது. சமீபகாலமாக ஆந்திராவில் உள்ள முக்கிய அசில் கோழி வளர்ப்பவர்கள் மற்றும் பண்ணை உரிமையாளர்கள் தங்கள் அசில் கோழி மற்றும் கால்நடைகளை வேட்டையாடுபவர்களிடமிருந்து பாதுகாக்க இந்த ஜோனாங்கி இனத்தை வளர்ப்பதில் ஆர்வம் காட்டுகின்றனர்.[9]
மேலும் பார்க்கவும்
தொகுமேற்கோள்கள்
தொகு- ↑ "Breed Stewards: Part 2 - The Jonangi's Great Revival by Koteswara Rao Garu | DesiHounds.in" இம் மூலத்தில் இருந்து 2017-03-05 அன்று. பரணிடப்பட்டது.. https://web.archive.org/web/20170305134752/http://www.desihounds.in/the-jonangis-great-revival/.
- ↑ "Jonangi /Kolleti Jagila". Indiandogs.web.com. பார்க்கப்பட்ட நாள் 2017-01-11.
- ↑ "11 Excellent but Endangered Indian Dog Breeds". PetHelpful.com. பார்க்கப்பட்ட நாள் 13 March 2019.
- ↑ Strolling through the Jungles. பார்க்கப்பட்ட நாள் 14 March 2019.
- ↑ "Breeds of dog in India". Bihartimes.in. பார்க்கப்பட்ட நாள் 14 March 2019.
- ↑ "Jonangi". The Times of India. April 18, 2020.
- ↑ "Inspired Discussions: The Intrigue of the Jonangi by Monica Cassels | DesiHounds.in" இம் மூலத்தில் இருந்து 2017-02-16 அன்று. பரணிடப்பட்டது.. https://web.archive.org/web/20170216061842/http://www.desihounds.in/inspired-discussions-jonangi/.
- ↑ "Woof woof brigade set to wow Bangalore". தி டைம்ஸ் ஆஃப் இந்தியா. https://timesofindia.indiatimes.com/city/bengaluru/Woof-woof-brigade-set-to-wow-Bangalore/articleshow/18083567.cms. பார்த்த நாள்: 14 March 2019.
- ↑ Rao, Soumya. "The Indian dogs that are dying out because everyone wants a Labrador". Quartz India. பார்க்கப்பட்ட நாள் 13 March 2019.