தால்மியா குழு

தால்மியா குழு (Dalmia Group) 'என்பது இந்திய நிறுவனங்களின் குழுவைக் குறிக்கிறது. அவை இராமகிருட்டிண தால்மியா, ஜெய்தயால் தால்மியா ஆகியோரால் நிறுவப்பட்ட வணிகங்களுக்கு அவற்றின் தோற்றத்தைக் கண்டறிகிறது. தால்மியா சகோதரர்கள் 20 ஆம் நூற்றாண்டின் முதல் பாதியில் கிழக்கு இந்தியாவில் ஒரு வணிக நிறுவனத்தை நிறுவினர். 1930 களில், இந்த குழு சாகு ஜெயின் குடும்பத்தின் வணிகங்களுடன் ஒன்றிணைந்து தால்மியா-ஜெயின் குழுவை உருவாக்கியது. 1948 ஆம் ஆண்டில், இரு குடும்பங்களும் தொழில்களைப் பிரிக்க முடிவு செய்தன. தால்மியா வணிகங்கள் இராமகிருட்டிணாவிற்கும் ஜெய்தயாலுக்கும் இடையில் மேலும் பிரிக்கப்பட்டன. இன்று, பல நிறுவனங்கள் அவற்றின் தோற்றத்தை அசல் தால்மியா வணிகங்களைக் கொண்டுள்ளன. இவற்றில் தால்மியா சகோதரர்கள் என்பதும் அடங்கும், இது இப்போது விஷ்ணு அரி தால்மியாவின் மகன்களான சஞ்சய் தால்மியா, அனுராக் தால்மியா ஆகியோரால் நிர்வகிக்கப்படுகிறது. கௌதம் தால்மியா, புனீத் தால்மியா ஆகியோரால் நிர்வகிக்கப்படும் தால்மியா பாரத் குழு; ஒரிசா சிமென்ட்; மறுமலர்ச்சி குழு; அவற்றின் துணை நிறுவனங்கள் போன்றவை.

தால்மியா குழு

வகை	தனியார் நிறுவனம்
நிறுவுகை	1930 (1930)
தலைமையகம்	மும்பை, இந்தியா
முதன்மை நபர்கள்	சஞ்சய் தால்மியா (தலைவர்)
தொழில்துறை	குழுமம்
உற்பத்திகள்	பல் சர்ர்க்கரை ஆலைகள், சீமைக்காரை தொழிற்சாலைகள், இரசாயனத் தொழிற்சாலைகள்,பொறியியல் ஆலைகள், காகித ஆலை
வருமானம்	$83 பில்லியன் (2020)
நிகர வருமானம்	$30.44 பில்லியன் (2020)
பணியாளர்	99,545
இணையத்தளம்	http://www.dalmiaocl.com/

வரலாறு

தால்மியா குழும நிறுவனங்கள் அதன் தோற்றத்தை இராம்கிருட்டிண தால்மியா, ஜெய்தயால் தால்மியா ஆகியவர்களிடமிருந்து தொடங்கியது. இந்த இரண்டு மார்வாடி சகோதரர்களும் இன்றைய ராஜஸ்தானில் பிறந்தவர்கள். தால்மியா என்ற பெயர் இன்றைய அரியானாவில் உள்ள அவர்களின் மூதாதையர் கிராமத்தின் பெயரிலிருந்து வந்தது. தால்மியாக்கள் 20 ஆம் நூற்றாண்டின் முதல் பாதியில் கிழக்கு இந்தியாவில் ஒரு வணிகக் குழுவை நிறுவினர். இந்த வணிகங்களில் தானாபூரில் ஒரு சர்க்கரை ஆலையும், கொல்கத்தாவில் ஒரு பொருட்கள் வர்த்த நிறுவனமும் அடங்கும் . 1932 ஆம் ஆண்டில், இராமகிருட்டிண தால்மியாவின் மகள் பணக்கார சாகு ஜெயின் குடும்பத்தைச் சேர்ந்த சாந்தி பிரசாத் ஜெயின் என்பவரை மணந்தார். அதைத் தொடர்ந்து, சாந்தி பிரசாத்த்தும், தால்மியா சகோதரர்களும் இணைந்து வணிகத்தை விரிவுபடுத்தினர். இதன் விளைவாக தால்மியா-ஜெயின் குழு உருவானது. 1940 ஆம் ஆண்டின் இறுதியில், இந்த குழு பல சர்க்கரை ஆலைகள், சீமைக்காரைஆலைகள், இரசாயனத் தொழிற்சாலைகள், பொறியியல் ஆலைகள், ஒரு காகித ஆலை ஆகியவற்றை இயக்கி வந்தது.

தால்மியா-ஜெயின் குழுமம் இந்திய சீமைக்காரைத் துறையில் ஏ.சி.சி நிறுவனத்தின் ஏகபோகத்தை சவால் செய்தது. இந்தியா முழுவதும் சீமைக்காரைத் தொழிற்சாலைகளை அமைத்து (இன்றைய பாக்கித்தான் உட்பட). குழு மற்ற தொழில்களிலும் இறங்கியது; அதன் துணை நிறுவனங்களில் பாரத் வங்கி, பாரத் ஆயுள் காப்பீடு, லாகூர் மின்சாதனம், கோவன் குழும நிறுவனங்கள், இரண்டு பருத்தி ஆலைகள், ஒரு பால் மற்றும் மூன்று ஆண்ட்ரூ யூல் சணல் ஆலைகள் அடங்கும். 1946 ஆம் ஆண்டில், டைம்ஸ் ஆப் இந்தியாவின் வெளியீட்டாளரான பென்னட், கோல்மன் & கோ லிமிடெட் நிறுவனத்தை இராமகிருட்டிண தால்மியா வாங்கினார். இது பின்னர் தால்மியா-ஜெயின் குழுவில் பிரிந்த பின்னர் சமணர்களுக்கு விற்கப்பட்டது.