திருவெண்ணெய்நல்லூர்

திருவெண்ணெய்நல்லூர் (ஆங்கிலம்:Thiruvennainallur), இந்தியாவின் தமிழ்நாடு மாநிலத்தில் அமைந்துள்ள விழுப்புரம் மாவட்டத்தில் உள்ள திருவெண்ணெய்நல்லூர் வட்டம் மற்றும் திருவெண்ணெய்நல்லூர் ஊராட்சி ஒன்றியத்தின் நிர்வாகத் தலைமையிடமும், ஒரு பேரூராட்சியும் ஆகும்.

திருவெண்ணெய்நல்லூர்
திருவெண்ணெய்நல்லூர் இருப்பிடம்: திருவெண்ணெய்நல்லூர் ,
அமைவிடம்	11°18′46″N 78°07′58″E
நாடு	இந்தியா
மாவட்டம்	விழுப்புரம்
வட்டம்	திருவெண்ணெய்நல்லூர்
மக்களவைத் தொகுதி	திருவெண்ணெய்நல்லூர்
மக்கள் தொகை • அடர்த்தி	9,623 (2011) • 1,485/km2 (3,846/sq mi)
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு	6.48 சதுர கிலோமீட்டர்கள் (2.50 sq mi)
இணையதளம்	www.townpanchayat.in/t-v-nallur

இப்பேரூராட்சிப் பகுதியில் கிருபாபுரீஸ்வரர் கோயில் மற்றும் மெய்கண்டதேவர் கோயில் அமையப்பெற்றுள்ளது.

அமைவிடம்

விழுப்புரத்திலிருந்து 22 கிமீ தொலைவில் அமைந்துள்ள திருவெண்ணெய்நல்லூர் பேரூராட்சிக்கு 6 கிமீ தொலைவில் திருவெண்ணெய்நல்லூர் ரோடு தொடருந்து நிலையம் உள்ளது. இதன் கிழக்கில் பண்ருட்டி 22 கிமீ; மேற்கில் திருக்கோயிலூர் 23 கிமீ; வடக்கில் விழுப்புரம் 22 கிமீ; தெற்கில் உளுந்தூர்பேட்டை 23 கிமீ தொலைவில் உள்ளது.

பேரூராட்சியின் அமைப்பு

6.48 சகிமீ பரப்பும், 15 பேரூராட்சி மன்ற உறுப்பினர்களையும், 70 தெருக்களையும் கொண்ட இப்பேரூராட்சி, திருக்கோயிலூர் (சட்டமன்றத் தொகுதி)க்கும் மற்றும் விழுப்புரம் மக்களவைத் தொகுதிக்கும் உட்பட்டது.

மக்கள்தொகை பரம்பல்

2011-ஆம் ஆண்டு மக்கள் தொகை கணக்கெடுப்பின்படி இப்பேரூராட்சி 2,121 வீடுகளும், 9,623 மக்கள்தொகையும் கொண்டது. இப்பேரூராட்சியின் எழுத்தறிவு 82% மற்றும் பாலின விகிதம் 1,000 ஆண்களுக்கு, 979 பெண்கள் வீதம் உள்ளனர். 6 வயதிற்குட்பட்ட குழந்தைகளின் பாலின விகிதம் 1000 ஆண் குழந்தைகளுக்கு, 887 பெண் குழந்தைகள் வீதம் உள்ளனர். பட்டியல் சாதியினரும் பட்டியல் பழங்குடியினரும் முறையே 2,623 மற்றும் 46 ஆகவுள்ளனர்.