நண்டு தின்னி
| நண்டு தின்னி Crab-plover | |
|---|---|
| |
| உயிரியல் வகைப்பாடு | |
| திணை: | விலங்கு |
| தொகுதி: | முதுகுநாணி |
| வகுப்பு: | பறவை |
| வரிசை: | சரத்ரீபார்மசு |
| குடும்பம்: | டுரோமாடிடே கிரே, 1840 |
| பேரினம்: | துரோமாசு பாய்குல், 1805 |
| இனம்: | து. ஆர்டியோலா |
| இருசொற் பெயரீடு | |
| துரோமாசு ஆர்டியோலா பாய்குல், 1805 | |
| |
| நண்டு தின்னி பரம்பல் | |
நண்டு தின்னி (Crab-plover) அல்லது நண்டு உழவு (துரோமாசு ஆர்டியோலா) என்பது ஓர் நீர்ப் பறவை ஆகும். ஆனால் இதன் சொந்த குடும்பமான துரோமாடிடேவிலிருந்து போதுமான தனித்துவமானது பண்புகளுடையன. சரத்ரிபார்ம்களுடனான இதன் உறவு தெளிவாக இல்லை. சிலர் இதனை தடிமனான முழங்கால்களுடைய அல்லது ப்ராடின்கோல்களுடன் நெருங்கிய தொடர்புடையதாகக் கருதுகின்றனர். மற்றவர்கள் இதை ஆக் மற்றும் கடல் புறாக்களுடன் நெருக்கமானதாக கருதுகின்றனர். இது துரோமாசு பேரினத்தின் ஒரே சிற்றினமாகும். மேலும் முட்டைகளை அடைகாக்க உதவுவதற்காக தரையில் உள்ள வெப்பத்தை பயன்படுத்துவதில் நீர்ப்பறவைகளிலிருந்து தனித்துவமானது.
பெயர்தொகு
[2] ஆங்கிலப்பெயர் :Crab-Plover
விலங்கியல் பெயர் : துரோமாசு ஆர்டியோலா Dromas ardeola
உடலமைப்புதொகு
இதன் உடல் நீளம் 41 செ.மீ. ஆகும். பருத்த தலையுடன் உடலும் கழுத்தும் வாலும் வெள்ளை நிறத்துடன் காணப்படும். கருப்பான உடலைக் கொண்ட இதன் அலகு தடித்ததாகக் கருத்துக் குறுகியதாக இருக்கும். நீண்ட கால்களையுடையது.
காணப்படும் பகுதிகள்தொகு
தமிழகத்திற்கு குறைந்த எண்ணிக்கையில் வலசை வரும் இதனைக் கடற்கரைப் படுகைகள், உப்பங்கழிகள், பவழத் திட்டுகள் ஆகியவற்றைச் சார்ந்து திரியக் காணலாம். சிறுகூட்டமாகவும் 50 வரையான குழுவாகவும் காணப்படும்.
உணவுதொகு
காலை மாலை அந்திகளில் தாவித்தாவி விரைந்து ஓடிக் கடற்கரையில் வாழும் நண்டுகளை இரையாகத் தேடித் தின்னும். அச்சம் கொள்ளும் இயல்புடையது என்பதால் எளிதில் நெருங்கிக் காண முடியாது. இதன் பழக்க வழக்கங்கள் அடுத்த கண் கிலேடியின் பழக்க வழக்கங்களை ஒத்தது. பறக்கும்போது தாமரைக் கோழி பறப்பதை நினைவூட்டும் வகையில் பறக்கும். வலசை வரும் போது இங்கு குரல் கொடுப்பதில்லை.
இனப்பெருக்கம்தொகு
இனப்பெருக்கம் பெர்சியன் வளைகுடாவில் பவளப் பாறைகளைக் ஆழமாகக் குடைந்து அளவில் பெரியதாக ஒரே ஒரு முட்டையிடும் விசித்திரப் பழக்கம் உடையது.[3]
வெளி இணைப்புகள்தொகு
Crab Plover videos, photos & sounds on the Internet Bird Collection
மேற்கோள்கள்தொகு
- ↑ "Dromas ardeola". பன்னாட்டு இயற்கைப் பாதுகாப்புச் சங்கத்தின் செம்பட்டியல் பதிப்பு 2013.2. பன்னாட்டு இயற்கைப் பாதுகாப்புச் சங்கம். 2012. 26 November 2013 அன்று பார்க்கப்பட்டது.
- ↑ "Crab-plover நண்டு தின்னி". 28 செப்டம்பர் 2017 அன்று பார்க்கப்பட்டது.
- ↑ தமிழ்நாட்டுப் பறவைகள் முனைவர் க.ரத்னம்-மெய்யப்பன் பதிப்பகம்,பக்கம் எண்:55