கண்கிலேடி

கண்கிலேடி
காப்பு நிலை
தீவாய்ப்புக் கவலை குறைந்த இனம்  (IUCN 3.1)
உயிரியல் வகைப்பாடு
திணை:	இயங்குதிணை(விலங்கு)
தொகுதி:	முதுகுநாணி
வகுப்பு:	பறவை
வரிசை:	சரத்ரிபார்மெசு
குடும்பம்:	புர்கினிடே
பேரினம்:	புர்கினசு
இனம்:	பு. ஓயெடிக்நெமசு
இருசொற் பெயரீடு
புர்கினசு ஓயெடிக்நெமசு (Linnaeus, 1758)
பு. ஓயெடிக்நெமசு பரவல்      Breeding range     Year-round range     Wintering range

கண்கிலேடி (stone-curlews) (Burhinus oedicnemus0) , திக்கோபு அல்லது தடித்த கணுக்காலி நத்தைக் குத்தி என்பது புர்கினிடே குடும்பத்தில் உள்ள 10 இனங்களைக் கொண்டுள்ளது. இது உலகின் வெப்பமண்டல, மித வெப்பமண்டலங்களில் பரவியுள்ளது. ஆப்பிரிக்காவிலும் ஆசியாவிலும் ஆத்திரேலியாவிலும் இரண்டு அல்லது மூன்று இனங்கள் காணப்படுகின்றன. இவை நீர்ப்பறவைகளாக வகைபடுத்தப்பட்டாலும், பெரும்பாலும் இவை வறள்பகுதிகளிலும் மித வறள்பகுதிகளிலும் காணப்படுகின்றன.

உடலமைப்பு

இவை இடைநிலை முதல் பெரிய அளவு வரையுள்ள வலிய கருப்பு அல்லது மஞ்சட் கருப்பு அலகுகளோடு பெரிய மஞ்சள் கண்களைக் கொண்டு ஊர்வன தோற்றத்துடன் இனத்தெளிவில்லாத சிறகமைவுடன் அமைகின்றன. இவை தடித்த கணுக்காலி, கண்கிலேடி ஆகிய பெயர்களில் அழைக்கப்படுகின்றன. கணுக்கால் என்பது இதன்நீண்ட அல்லது பசுங்கால்களின் மூட்டுகளைக் குறிக்கிறது.

காணப்படும் பகுதிகள்

மலைப்பகுதிகளைச் சார்ந்த வறள்காடுகள், முட்புதர்களோடு கூடிய தரிசுநிலங்கள், ஊர்ப்புறத்தில் அமைந்த மா முதலான மரங்கள் நிறைந்த காடுகள், நீர்வற்றிய ஆற்றுப் பரப்பு ஆகியவற்றிடையே இணையாகவும் சிறு குழுவாகவும் திரியும்.

உணவு

காலை மாலை நேரங்களில், புழு பூச்சிகள், எலி முதலிய சிற்றுயிர்களை இரையாகத் தேடும். பகலில் மரநிழல், புதர்கள் ஆகியவற்றிடையே ஓய்வுகொள்ளும். வேட்டைக்காரர்கள் தேடித் திரியும் போது மிக அருகில் வரும் வரை சத்தமின்றிப் பதுங்கியபடி படுத்துக் கிடந்து பின் எழுந்து பறக்கும். பிக். பிக். பிக் எனக் குரல் கொடுப்பதை அந்தி நெருங்கும் போதும் அதிகாலையிலும் கேட்கலாம்.

கண்கிலேடி

இனப்பெருக்கம்

பிப்ரவரி முதல் ஆகத்து வரை கல்லாந்தரையில் புதர் ஓரமாகவும் புல்மேடுகளிலும் தரையில் சிறு குழியில் 2 முட்டைகள் இடும்.

படம்	பெயர்	இருசொற் பெயரீடு
	ஐரோப்பாசியக் கண்கிலேடி	Burhinus oedicnemus
	இந்தியக் கண்கிலேடி	Burhinus indicus
	செனிகல் தடி கணுக்காலி	Burhinus senegalensis
	நீர்த் தடி கணுக்காலி	Burhinus vermiculatus
	புகர்த் தடி கணுக்காலி	Burhinus capensis
	இருபட்டைத் தடி கணுக்காலி	Burhinus bistriatus
	பெரூவியத் தடி கணுக்காலி	Burhinus superciliaris
	புதர்க் கண்கிலேடி	Burhinus grallarius (formerly B. magnirostris, the bush thick-knee).
	பெருங்கண்கிலேடி	Esacus recurvirostris
	கடற்கரை கண்கிலேடி	Esacus magnirostris

வெளி இணைப்புகள்

விக்கிமீடியா பொதுவகத்தில்,
Burhinus oedicnemus
என்பதில் ஊடகங்கள் உள்ளன.

விக்கியினங்கள் தளத்தில் பின்வரும் தலைப்பில் தகவல்கள் உள்ளன:

Burhinus oedicnemus

• Ageing and sexing (PDF; 4.7 MB) by Javier Blasco-Zumeta & Gerd-Michael Heinze பரணிடப்பட்டது 2016-03-05 at the வந்தவழி இயந்திரம்
• BirdLife species factsheet for Burhinus oedicnemus
• {{{2}}} on Avibase
• Stone-curlew videos, photos, and sounds at the Internet Bird Collection
• கண்கிலேடி photo gallery at VIREO (Drexel University)
• Audio recordings of Eurasian stone-curlew on Xeno-canto.