நிகோலாய் நாசனோவ்
நிகோலாய் விக்டோரோவிச் நாசனோவ் (ஆங்கிலம்: Nikolai Viktorovich Nasonov; உருசியா: Николай Викторович Насонов)14 பிப்ரவரி 1855 - 11 பிப்ரவரி 1939) என்பவர் உருசிய விலங்கியல் நிபுணர் ஆவார். இவர் 1879-ல் மாஸ்கோ அரசுப் பல்கலைக்கழகத்தில் பட்டம் பெற்றார். பின்னர் இப்பல்கலைக்கழக விலங்கியல் அருங்காட்சியகத்தில் உதவியாளரானார். 1887-ல் தனது முனைவர் பட்டத்தினை முடித்த பின்னர், மாஸ்கோ அரசுப் பல்கலைக்கழகத்தில் விரிவுரையாளராகச் சேர்ந்தார். பின்னர் ட்ரைஸ்டே, மர்சேய் மற்றும் வார்சாவாவில் பணியாற்றினார். 1890ஆம் ஆண்டில் இவர் எறும்புகளின் பரிணாம வளர்ச்சியினை விவரித்தார்.[1] திசம்பர் 1897-ல் இவர் தொடர்பாளராகவும், மார்ச் 1906-ல் உருசியா அறிவியல் கழகத்தின் உறுப்பினராகவும் தேர்ந்தெடுக்கப்பட்டார்.[2] விலங்கியல் பற்றிய தனது ஆய்வுகளுக்கு மேலதிகமாக, நசோனோவ் மார்க்சியத்தின் அடிப்படையிலான இனப் பிரச்சனையைக் கையாண்டார். கிழக்கின் உழைப்பாளர்களின் பொதுவுடைமை பல்கலைக்கழகத்தால் வெளியிடப்படும் மாதாந்திர இதழான ரெவூலூசினோய் வோசுதாக் (Revolutsionnyi vostok) இதழில் கட்டுரைகளை வெளியிட்டார்.[3] இனவாதம் குறித்த எண்ட்ரே சிக்கின் அணுகுமுறையை இவரது கட்டுரைகள் விமர்சித்தன.[3]
| நிகோலாய் நாசனோவ் | |
|---|---|
 | |
| பிறப்பு | 14 பெப்ரவரி 1855 மாஸ்கோ, உருசியப் பேரரசு |
| இறப்பு | 11 பெப்ரவரி 1939 (அகவை 83) மாஸ்கோ, சோவியத் ஒன்றியம் |
| கல்வி கற்ற இடங்கள் | மாஸ்கோ அரசுப் பல்கலைக்கழகம் |
| அறியப்படுவது | நாசனோவ் இயக்குநீர், நாசனோவ் சுரப்பி |
நசோனோவிற்கு நான்கு குழந்தைகள் இருந்தனர். மூன்று மகன்களில் ஆர்சனி வரலாறு, டிமிட்ரி உயிரியல் மற்றும் வெசெவோலோட் பொறியியல் துறைகளிலும் மகள் அன்டோனினா வரலாற்றுத் துறையிலும் ஆய்வில் சிறந்து விளங்கினர்.
மேற்கோள்கள் தொகு
- ↑ "Насонов, Николай Викторович" in Brockhaus and Efron Encyclopedic Dictionary
- ↑ Насонов Николай Викторович. Russian Academy of Sciences
- ↑ 3.0 3.1 Irina Filatova (2007). "Anti-Colonialism in Soviet African Studies (1920s–1960)". in Paul Tiyambe Zeleza. The Study of Africa. 2. Dakar: Codesria. பக். 216. பன்னாட்டுத் தரப்புத்தக எண்:978-2-86978-198-6. https://books.google.com/books?id=JK8Q0zdTynwC&pg=PA216.