பண்பாட்டுப் படுகொலை
பண்பாட்டுப் படுகொலை அல்லது கலாச்சார சுத்திகரிப்பு (Cultural genocide / cultural cleansing) எனும் கருத்தியல் 1944 ஆம் ஆண்டில் ரபேல் லெம்கின் எனும் வழக்கறிஞரால் இனப்படுகொலையிலிருந்து வேறுபடுத்தி காட்டப்பட்டது.[1]கலாச்சார இனப்படுகொலையை துல்லியமான வரையறை செய்யப்படாவிட்டாலும், ஆர்மீனிய இனப்படுகொலை அருங்காட்சியகம் இதை "ஆன்மீக, தேசிய மற்றும் கலாச்சார அழிவின் மூலம் நாடுகளின் அல்லது இனக்குழுக்களின் கலாச்சாரத்தை அழிக்க மேற்கொள்ளப்பட்ட நடவடிக்கைகள்" என்று வரையறுக்கிறது.[2]
இராபர்ட் ஜௌலியன் போன்ற இன ஒப்பாய்வியல் அறிஞர்கள், பண்பாட்டுப் படுகொலை எனும் சொல்லிற்கு இணையாக இனப்படுகொலை எனும் சொல்லாடலை பயன்படுத்தினர்.[3] இந்த பயன்பாடு இனக் குழு மற்றும் பண்பாடு இடையே குழப்பத்தை ஏற்படுத்தும் என்று விமர்சிக்கப்பட்டுள்ளது.[4] 2007-ஆம் ஆண்டின் ஐக்கிய நாடுகள் அவை வெளியிட்ட பூர்வ குடிகளின் உரிமைகள தொடர்பான பிரகடனத்தில்[5] இனப்படுகொலை, பண்பாட்டுப் படுகொலை எனும் சொற்கள் நீக்கப்பட்டு சுருக்கமாக இனப்படுகொலை என மாற்றப்பட்டது.
விளக்கம் தொகு
இனப்படுகொலை தொடர்பான சரியான சட்ட வரையறை மற்றும் சரியான வழி வகைகள் குறிப்பிடப்படவில்லை. பண்பாட்டுப் படுகொலை என்பது இனம், மதம், மொழி அல்லது அல்லது தேசிய இனைக் குழுவை அழிக்கும் நோக்கத்துடன் செயல்படுவதாகும். எனவே கலாச்சாரப் படுகொலை அல்லது பண்பாட்டுப் படுகொலையில் மொழி, வழிபாட்டு முறைகள், தொன்மையான நூல்கள், கலைப்படைப்புகள் மற்றும் கட்டமைப்புகள் போன்ற கலாச்சார கலைப்பொருட்களை அழிக்கப்படுவதும் அழிப்பதும் அடங்கும், அத்துடன் பொருத்தமானவற்றை அழிப்பவரின் கருத்துக்கு இணங்காத கலாச்சார நடவடிக்கைகளை அடக்குவதும் அடங்கும்.[6]
சாத்தியமான பல காரணங்களுக்கிடையில், பண்பாட்டு இனப்படுகொலை மத நோக்கங்களுக்காக செய்யப்படலாம். மேலும் ஒரு குறிப்பிட்ட இடத்திலிருந்தோ அல்லது வரலாற்றிலிருந்தோ மக்களின் ஆதாரங்களை அகற்றுவதற்காக இன அழிப்பு பிரச்சாரத்தின் ஒரு பகுதியாகவும் இருக்கலாம்.
பூர்வ குடிகளின் பண்பாட்டு உரிமைகள் குறித்தான ஐக்கிய நாடுகள் அவையின் பிரகடனம் தொகு
மனித உரிமைகளுக்கான ஐக்கிய நாடுகள் மன்றம் 27 மார்ச் 2008 அன்று பூர்வ குடிமக்களின் பண்பாட்டை காத்திடவும், இனப்படுகொலைகளை தடுத்திடவும் சில விதிகளை வகுத்தது.[7] 1994-ஆம் ஆண்டில் ஐக்கிய நாடுகள் அவையின் பிரகடனத்தின் பிரிவு 7-இன் படி பண்பாட்டுப் படுகொலை குறித்தான் விளக்கம் தரவில்லை. பிரகடனத்தின் சில விதிகள்:
- பழங்குடி மக்களை இனப்படுகொலை மற்றும் கலாச்சார இனப்படுகொலைக்கு உட்படுத்தப்படக்கூடாது என்பதற்கான கூட்டு மற்றும் தனிப்பட்ட உரிமை உள்ளது, இதில் தடுப்பு மற்றும் நிவாரணம் உட்பட:
- (அ) தனித்துவமான மக்கள், அல்லது அவர்களின் கலாச்சார விழுமியங்கள் அல்லது இன அடையாளங்கள் போன்ற அவர்களின் ஒருமைப்பாட்டை இழக்கும் நோக்கம் அல்லது விளைவைக் கொண்ட எந்தவொரு செயலும்;
- ( ஆ) அவர்களின் நிலங்கள், பிரதேசங்கள் அல்லது வளங்களை அகற்றுவதற்கான நோக்கம் அல்லது விளைவைக் கொண்ட எந்தவொரு செயலும்;
- (இ) எந்தவொரு உரிமைகளையும் மீறுவது அல்லது குறைத்து மதிப்பிடும் நோக்கம் அல்லது விளைவைக் கொண்ட மக்களை புலம் பெயரச் செய்தல்[8];
- (ஈ) சட்டமன்றம், நிர்வாக அல்லது பிற நடவடிக்கைகளால் பிற பூர்வ குடிகளின் பண்பாடு அல்லது பழக்கவழக்கங்களை ஒருங்கிணைத்தல்;
- (உ) பூர்வ குடிகளுக்கு எதிரான எந்தவொரு பிரச்சாரமும்.
பண்பாட்டுப் படுகொலைகளின் பட்டியல் தொகு
- சீனாவின் சிஞ்சியாங் மாகாணத்தில் வாழும் உய்குர் இசுலாமியப் பழங்குடி மக்கள் பொது இடங்களில் அவர்களது தாய் மொழியான உய்குர் மொழியில் பேசவும், மசூதிகளில் வழிபடவும், பெண்கள் அதிக குழந்தைகளைப் பெறுவதை தடுக்க குடும்பக் கட்டுப்பாடு செய்தல், குழந்தைகளை சீனப் பண்பாட்டின் கீழ் வளர்க்க அரசின் கல்வி நிலையங்களில் கட்டாயக் கல்வி படிக்கச் செய்தல் போன்ற நடவடிக்கைகளை சீன அரசு செய்து வருகிறது. இதனை மீறுபவர்களை தடுப்பு முகாம்களில் அடைத்து, மூளைச்சலவை செய்தும், மறுகல்வி வழங்கியும் சீனப் பண்பாட்டிற்கும், பழக்க வழக்கங்களுக்கும் மாற்றச் செய்கின்றனர்.[9][10]
- கனடா உறைவிடப் பள்ளிகளில் பயின்ற பழங்குடி குழந்தைகளின் ஆயிரக்கணக்கான எலும்புக் கூடுகள் 2021-ஆம் ஆண்டில் உறைவிடப் பள்ளிகளின் வளாகங்களின் கல்லறைகளில் கண்டுபிடிக்கப்பட்டது. தற்போது வரை கண்டுபிடிக்கப்பட்ட 751 கல்லறைகளில், 1882-ஆம் ஆண்டு முதல் 1996-ஆம் ஆண்டு முடிய காலத்தில் 1.5 இலட்சம் பூர்வ குடிகளின் குழந்தைகள் கொல்லப்பட்டிருக்கலாம் என மதிப்பிடப்பட்டுள்ளது.[11]
இதனையும் காண்க தொகு
மேற்கோள்கள் தொகு
- ↑ Bilsky, Leora; Klagsbrun, Rachel (23 July 2018). "The Return of Cultural Genocide?" (in en). European Journal of International Law 29 (2): 373–396. doi:10.1093/ejil/chy025. பன்னாட்டுத் தர தொடர் எண்:0938-5428. https://academic.oup.com/ejil/article/29/2/373/5057075. பார்த்த நாள்: 2 May 2020.
- ↑ "Genocide Museum | The Armenian Genocide Museum-institute". http://www.genocide-museum.am/eng/cultural_genocide.php.
- ↑ Robert Jaulin (1970) (in fr). La paix blanche : introduction à l'ethnocide. Éditions du Seuil.
- ↑ Ethnocide
- ↑ en:Declaration on the Rights of Indigenous Peoples Declaration on the Rights of Indigenous Peoples]
- ↑ Facing History and Ourselves
- ↑ Rule of Law - Prevention of Genocide
- ↑ Population transfer
- ↑ Cronin-Furman, Kate. "China Has Chosen Cultural Genocide in Xinjiang—For Now" (in en). https://foreignpolicy.com/2018/09/19/china-has-chosen-cultural-genocide-in-xinjiang-for-now/.
- ↑ Uyghur genocide
- ↑ Cultural genocide: On discovery of hundreds of graves in Canada