பாதாளகங்கை

பாதாளகங்கை (Patalganga) மகாராட்டிரா தொழில் வளர்ச்சிக் கழகத்தின் (எம்ஐடிசி) கர்ஜத் மற்றும் பன்வேல் அருகே உள்ள ஒரு பெரிய தொழில்துறை பகுதியாகும். இது பாதாள கங்கை ஆற்றிலிருந்து இதன் பெயரைப் பெற்றது. இதனுடைய அருகிலுள்ள நகரம் மற்றும் சந்திப்பு கர்ஜத் ஆகும். இந்நகரின் அருகிலுள்ள மருத்துவமனை திருபாய் அம்பானி மருத்துவமனை.

மோகோபாடா கிராமத்திற்கு அருகில் உள்ள பாதளகங்கை தொழில்துறை பகுதி மகாராட்டிரம் தொழில் மேம்பாட்டுக் கழகத்தினால் உருவாக்கப்பட்ட 13 இரசாயன தொழில்துறை பகுதிகளில் ஒன்றாகும். இராசேசுவர் கடவுளின் வரலாற்றுச் சிறப்புமிக்க கோயில், பாதள கங்கை ஆற்றின் வலது கரையில் அமைந்துள்ளது. பாதாளகங்கை தொழில்துறை பகுதி கலபூர் வட்டத்தின் (22 கி.மி. தொலைவில்) அதிகார வரம்பில் இராய்காட் மாவட்டத்தில் (60 கி.மீ. தொலைவில்) உள்ளது. இப்பகுதி உயரமான மலைத் தொடர்களால் சூழப்பட்டுள்ளது.

அமைவிடம்

• பாதாளகங்கை தொழில்துறை பகுதி, மும்பை - புனே தேசிய நெடுஞ்சாலை 4இலிருந்து 10 கிமீ தொலைவிலும், மும்பை-புனே விரைவுச் சாலையிலிருந்து 7 கிமீ தொலைவிலும் உள்ள பாதளகங்கை ஆற்றின் இடது கரையில் அமைந்துள்ளது. இது மும்பை - கோவா தேசிய நெடுஞ்சாலை 66-லிருந்து 12 கிமீ தொலைவில் உள்ளது.
• அருகிலுள்ள இரயில் நிலையம் கொங்கண் இருப்புப்பாதையில் உள்ள இரசாயனி/ஆப்தே ஆகும். இது இப்பகுதியிலிருந்து சுமார் 3 கிமீ தொலைவில் உள்ளது.
• பாதளகங்கை தொழில்துறை பகுதி சாந்தகுருஸில் உள்ள உள்நாட்டு விமான நிலையத்திலிருந்து 75 கிமீ தொலைவில் உள்ளது & அந்தேரியில் உள்ள சத்திரபதி சிவாஜி பன்னாட்டு வானூர்தி நிலையத்திலிருந்து உள்ளது.