பிஹைண்ட் ஹேர் ஐஸ்

பிஹைண்ட் ஹேர் ஐஸ் என்பது சாரா பின்பரோவால் எழுதப்பட்டு ஜனவரி 23, 2017 இல் வெளியான ஒரு ஆங்கில திகில் நாவல் தொடராகும். இந்த நாவலை தொலைக்காட்சி தொடராக படமாக்கி பிப்ரவரி 17, 2021 அன்று இயங்கலையில் வெளியிட்டது நெட்ஃப்ளிக்ஸ் நிறுவனம்

பிஹைண்ட் ஹேர் ஐஸ் (நாவல்)

அட்டைப்படம்
நூலாசிரியர்	சாரா பின்பரோ
நாடு	அமெரிக்க ஐக்கிய நாடுகள்
மொழி	ஆங்கிலம்
வகை	திகில்
வெளியிடப்பட்டது	23 ஜனவரி 2017
வெளியீட்டாளர்	ஹேப்பர்காலின்ஸ் மேக்மில்லர்ஸ்
ஊடக வகை	அச்சு நூல் மின்னூல் ஒலிநூல்
பக்கங்கள்	320 (அச்சு)
ISBN	978-1250111173

பிஹைண்ட் ஹேர் ஐஸ் (தொடர்)
வகை	திகில்
உருவாக்கம்	ஸ்ட்டீவ் லைட்ஃபூட்
இயக்கம்	எரிக் ரிட்ச்சர்
நடிப்பு	சிமோனா ப்ரௌன் ஈவ் ஹெவ்ஸன் டாம் பேட்மேன் ராபர்ட் அரமயோ
பிண்ணனி இசை	ரூப்பேர்ட் வில்லியம்ஸ்
நாடு	ஐக்கிய இராச்சியம்
மொழி	ஆங்கிலம்
அத்தியாயங்கள்	6
தயாரிப்பு
நிருவாக தயாரிப்பு	ஸ்ட்டீவ் லைட்ஃபூட் எலிஃஜா மெல்லர் சுஃஜேன் மேக்கி
ஒளிப்பதிவு	ஃபெலிக்ஸ் வீட்மேன்
தொகுப்பு	ஏமி ஹௌன்ஸெல் ப்ரென்னா ரேங்காட்
ஓட்டம்	47–53 நிமிடங்கள்
தயாரிப்பு நிறுவனங்கள்	சோனி பிக்ச்சர்ஸ் டெலிவிஷன்
விநியோகம்	நெட்ஃப்ளிக்ஸ்
ஒளிபரப்பு
படவடிவம்	4கே (மீமிகைத் துல்லியம்)
ஒலிவடிவம்	டால்பி டிஜிட்டல்
ஒளிபரப்பான காலம்	பிப்ரவரி 17, 2021
வெளியிணைப்புகள்
இணையதளம்

கதைக்கரு

தன் மகனுடன் தனியாக வாழ்ந்து வரும் லூயிஸ், ஒரு மருத்துவ மையத்தில் செயலாளராக பணிபுரிந்து வருகிறாள். ஓரிரவு குடித்து விட்டு தெரியாத ஒரு நபரை முத்தமிட்டு விடும் லூயிஸ், அடுத்த நாள், அது அவள் பணிபுரியும் மையத்துக்கு புதிதாக வந்திருக்கும் மருத்துவர் என்று தெரிந்து கொள்கிறாள்.

அவர் பெயர் டேவிட் எனவும் அவர் திருமணமானவர் எனவும் அறியும் லூயிஸ் தான் செய்த காரியத்தை எண்ணி குற்றவுணர்வுடன் இருக்கிறார். அதே நேரத்தில், டேவிட்டின் மனைவி அடேலை தற்செயலாக பார்த்து விடும் லூயிஸ் அவரிடமும் நண்பராகி விடுகிறார்.

நட்புக்கும் காதலுக்கும் காமத்திற்கும் இடையே சிக்குண்டு கிடக்கும் லூயிஸ், விரைவில், இது அவற்றை எல்லாம் தாண்டி, அவளையும் அவள் மகனின் உயிரையுமே அச்சுறுத்தும் வகையில் மிகவும் திகிலான சங்கதி என்று தெரிந்து கொள்வார்.

பாத்திரங்களும் நடிகர்களும்

• அடேல் கேம்ப்பெல்

என்னும் கதாப்பாத்திரத்தில் நடித்தார் ஈவ் ஹெவ்ஸன்.

டேவிட்டின் மனைவியான அடேல் லூயிசின் தோழியும் கூட.

• டேவிட் ஃபெர்கூசன்

என்னும் கதாப்பாத்திரத்தில் நடித்தார் டாம் பேட்மேன்.

மருத்துவரான டேவிட் அடேலிடமும் லூயிசுடனும் இருமுனை உறவு கொண்டிருக்கிறார்.

• லூயிஸ் பார்ட்ஸ்லே

என்னும் கதாப்பாத்திரத்தில் நடித்தார் சிமோனா ப்ரௌன்.

தன் மகனுடன் தனியாக வாழ்ந்து வரும் லூயிசின் வாழ்வு டேவிட் அடேலின் வருகையால் மாறுகிறது.

• ராப் ஹாய்ல்

என்னும் கதாப்பாத்திரத்தில் நடித்தார் ராபர்ட் அரமயோ.

அடேலின் ஒரே நண்பனான ராபுக்கு என்ன ஆனது என்பது மர்மமாகவே இருக்கிறது.

வெளியீடு மற்றும் விமர்சனம்

பிஹைண்ட் ஹேர் ஐஸ் நாவல் ஜனவரி 23, 2017 அன்றும் தொடர் பிப்ரவரி 17, 2021 அன்றும் வெளியானது.

நாவலை விமர்சனம் செய்த தி கார்டியன் பத்திரிக்கையைச் சேர்ந்த அலிசன் ஃப்ளட் “பிஹைண்ட் ஹேர் ஐஸ் சாரா பின்பரோவிடம் இருந்து வந்த ஒரு புத்திசாலித்தனமான நகர்வு" இறுதியில் திருப்பங்கள் நேரிடும் போது "அவை எதிர்ப்பார்த்தவை தான் என்று கருதிக் கொள்ளுகிற போதிலும் மிகவும் திகிலூட்டக்கூடியது" என்று கூறினார்.

தொடருக்கு கலவையான விமர்சனங்கள் கிடைத்தன. ரோட்டன் டொமேட்டோஸ் திரைப்பட வலைத்தளத்தில் இந்த தொடருக்கு 61 சதவீதம் ஒப்புதல் கிடைத்தது. மெட்டாக் கிரிட்டிக்கில் 100 க்கு 51 மதிப்பெண்கள் கிடைத்தன. தி கார்டியன் பத்திரிக்கை தொடருக்கு 2 மதிப்பெண்கள் மட்டுமே அளித்து, "முக்கோணங்கள் இவ்வளவு சலிப்பூட்டும் என்று யார் கண்டது?" என்று விமர்சித்தது.

ரோலிங் ஸ்ட்டோன் வலைத்தளம் "நெட்ஃப்ளிக்ஸின் கவர்ச்சியான திகில் தொடர் அடுத்தடுத்து நிகழும் தேவையில்லாத கிறுக்குத்தனமான திருப்பங்களால் தன்னைத் தானே அழித்து கொள்கிறது" என்றும் தி இண்டிப்பெண்டண்ட் "ஒரு விசித்திரமான திருப்பம் அலுப்பு கொட்டாவிகளை ஈடு செய்யாது" என்றும் தி ஐரிஷ் டைம்ஸ் "நீங்கள் கவரப்பட்டிருக்கலாம் அல்லது உங்கள் வாழ்க்கையில் ஆறு மணி நேரம் வீணானதை எண்ணி கவலைக் கொண்டிருக்கலாம்" என்றும் விமர்சித்தன.