புது தில்லி காளி பரி
புது தில்லி காளி பரி (New Delhi Kali Bari) என்பது காளி தேவிக்கு அர்ப்பணிக்கப்பட்ட ஒரு இந்துக் கோயிலாகும். மேலும் இது இந்தியாவின் புது தில்லியில் வங்காள கலாச்சாரத்திற்கான மையமாகத் திகழ்கிறது. 1930களில் நிறுவப்பட்ட இது தில்லியில் உள்ள இலட்சுமிநாராயணன் கோயிலுக்கு (பிர்லா மந்திர்) அருகில் உள்ள மந்திர் மார்க்கில் அமைந்துள்ளது.
வரலாறு
தொகுவளர்ந்து வரும் வெளிநாட்டிலுள்ள பெங்காலி மக்களின் பல ஆண்டு கோரிக்கைகளுக்குப் பிறகு, இலட்சுமிநாராயணன் கோயிலுக்கு அடுத்துள்ள புதிய கோயில் சாலையில் ஒரு ஏக்கர் நிலம் ஒதுக்கப்பட்டது. கொல்கத்தாவின் காளிகாட் காளி கோவிலில் உள்ளதைப் போன்ற ஒரு சிலையுடன் சிறிது காலத்த்திற்குப் பிறகு காளி தேவியின் சிறிய ஆலயம் வந்தது. 1935 ஆம் ஆண்டில் முதல் தலைவராக இருந்த சுபாஷ் சந்திரபோஸுடன் இதன் குழு முறைப்படுத்தப்பட்டது.[1] மேலும், முதல் இதனை சர் நீதிபதி மன்மத நாத் முகர்ஜி என்பவர் திறந்து வைத்தார். அதன் பிறகு பார்வையாளர்களுக்கும், விருந்தினர்களுக்கும் ஒரு கட்டிடம் எழுப்பப்பட்டது. பெங்காலி சுற்றுலாப் பயணிகள் அங்கு தங்குவதற்கு அறைகள் அல்லது தங்குமிடங்களை முன்பதிவு செய்யலாம். தில்லி காளிபரியில் ஒரு பழைய மற்றும் வளமான நூலகமும் உள்ளது.
துர்கா பூசை
தொகுகாளி பரியில் கொண்டாடப்படும் துர்கா பூசை, நகரின் பழமையான துர்கா பூசைகளில் ஒன்றாகும். இது முதலில் 1925 இல் தொடங்கியது. காளி பரியின் அசல் கோயில் பெயர்ட் சாலையில் (இன்றைய பங்களா சாகிப் சாலை) அமைந்துள்ளது. அங்கு உள்ளூர் வங்காள சமூகம் ஆண்டு துர்கா பூசைக்காக கூடியது. 1931 க்குப் பிறகு தற்போதைய கோயில் வந்த பிறகு, அது இங்கே மாற்றப்பட்டது. இன்று வரை, இது தில்லியில் உள்ள நூற்றுக்கணக்கான பூசைக் குழுக்களுக்கான முக்கிய புள்ளியாகத் தொடர்கிறது. மேலும் இது தில்லி வங்காளர்களிடையே பரவலாக மதிக்கப்படுகிறது.[2] [3] தில்லியில் பழைய பூசைகள் மட்டுமே 1910 இல் தொடங்கப்பட்ட தில்லி துர்கா பூஜா சமிதி ஏற்பாடு செய்த காஷ்மீர் வாயிலிலும், திமர்பூர் மற்றும் சிவில் லைன்ஸ் பூஜா சமிதி ஏற்பாடு செய்த திமர்பூர் பூசையிலும் உள்ளன. 1914.[4]
காளி பரியில் நடந்த பூசைக் கொண்டாட்டம் பாரம்பரிய பாணியைப் பின்பற்றியது. 1936 முதல் பூசை சடங்குகள் கூட மாறாமல் உள்ளன. ரவீந்திர இசையில் பாரம்பரிய போட்டிகள் இன்னும் ஏற்பாடு செய்யப்பட்டுள்ளன. திரு சுவாபன் குமார் சக்ரவர்த்தி இதன் தற்போதையத் தலைவராக இருக்கிறார். பூசை பந்தல் கட்டுவதற்காக கொல்கத்தாவிலிருந்து கைவினைஞர்கள் அழைத்து வரப்படுகிறார்கள்.[5][6]
இடம்
தொகுபுதுடில்லியில் கன்னாட்டு பிளேசுக்கு மேற்கே அமைந்துள்ள மந்திர் மார்க்கில் இந்த கோயில் அமைந்துள்ளது. உள்ளூர் பேருந்துகள், டாக்சிகள் மற்றும் ஆட்டோ ரிக்சாக்கள் மூலம் இந்த கோவிலை நகரத்திலிருந்து எளிதாக அணுக முடியும். அருகிலுள்ள தில்லி மெட்ரோ நிலையம் ஆர்.கே.ஆசிரமம் மார்க், சுமார் 2 கி.மீ. தொலைவில் அமைந்துள்ளது
குறிப்புகள்
தொகு- ↑ "Archived copy". Archived from the original on 1 November 2011. பார்க்கப்பட்ட நாள் 4 October 2011.
{{cite web}}: CS1 maint: archived copy as title (link) - ↑ "Kali Bari website to help old bond with the new" இம் மூலத்தில் இருந்து 2013-01-25 அன்று. பரணிடப்பட்டது.. https://archive.today/20130125132111/http://www.hindustantimes.com/Kali-Bari-website-to-help-old-bond-with-the-new/Article1-664922.aspx.
- ↑ "Delhi's old timers remember as another Durga Puja dawns". http://www.monstersandcritics.com/news/india/news/article_1365768.php/Delhis_old_timers_remember_as_another_Durga_Puja_dawns.[தொடர்பிழந்த இணைப்பு]
- ↑ "How community pujas came about". http://indiatoday.intoday.in/story/How+community+pujas+came+about/1/63510.html.
- ↑ "Tradition fuses with modernity". தி டைம்ஸ் ஆஃப் இந்தியா. 3 October 2011 இம் மூலத்தில் இருந்து 2013-12-14 அன்று. பரணிடப்பட்டது.. https://web.archive.org/web/20131214155029/http://articles.timesofindia.indiatimes.com/2011-10-03/delhi/30238103_1_durga-puja-pandals-puja-committees.
- ↑ "Festive spirit pervades the Capital". தி இந்து. 15 October 2007 இம் மூலத்தில் இருந்து 17 அக்டோபர் 2007 அன்று. பரணிடப்பட்டது.. https://web.archive.org/web/20071017024435/http://www.hindu.com/2007/10/15/stories/2007101565010200.htm.