பெரா

பெரா (மலாய்: Bandar Bera; ஆங்கிலம்: Bera Town) என்பது மலேசியா, பகாங் மாநிலத்தில், பெரா மாவட்டத்தில் (Bera District) உள்ள ஒரு நகரம். அந்த மாவட்டத்தின் தலைப்பட்டணம். பகாங் மாநிலத்தில் தென் மேற்கில் உள்ளது.

பெரா
Bera
பகாங்
பெரா       பெரா
ஆள்கூறுகள்: 3°15′54″N 102°26′28″E
நாடு	மலேசியா
மாநிலம்	பகாங்
மாவட்டம்	பெரா மாவட்டம்
அரசு
• நிர்வாகம்	பெரா மாவட்ட மன்றம்
நேர வலயம்	ஒசநே+8 (மலேசிய நேரம்)
• கோடை (பசேநே)	கண்காணிப்பு இல்லை
மலேசிய அஞ்சல் குறியீடு	28000
மலேசியத் தொலைபேசி எண்	+609
மலேசியப் போக்குவரத்துப் பதிவெண்	C

இந்த நகரம் முன்பு தெமர்லோ மாவட்டத்தில் இருந்தது. 1992-ஆம் ஆண்டு பெரா மாவட்டம் உருவாக்கப் பட்டது. அதன் பின்னர் இந்தப் பெரா நகரம் அந்த மாவட்டத்தின் தலைப் பட்டணம் ஆனது.

சொற்பிறப்பியல்

மலேசியாவின் மிகப் பெரிய நன்னீர் ஏரியான பெரா ஏரி (Lake Bera) இந்த நகரத்தில்தான் உள்ளது. 1994 நவம்பர் மாதம் முதல் ராம்சர் உடன்படிக்கையின் கீழ் அந்த ஏரி பாதுகாக்கப் படுகிறது.

அந்த ஏரியின் பெயரே இந்த நகரத்திற்கும் வைக்கப்பட்டது. பெரா ஏரிப் பகுதியில் செமலை (Semelai) எனும் ஒராங் அஸ்லி பழங்குடியினர் வாழ்கிறார்கள். அவர்களின் கூற்றுப்படி, பெரா அதன் பெயரை ரெபா (Reba) எனப்படும் ஒரு வகை கடல் பாசியில் இருந்து பெறப்பட்டது.

மக்கள்தொகையியல்

பின்வருபவை 2010-ஆம் ஆண்டு மலேசிய புள்ளியியல் துறையின் மக்கள் தொகை கணக்கெடுப்பின் புள்ளி விவரங்கள்.

பெராவில் உள்ள இனக் குழுக்கள்: 2010 மக்கள் தொகை கணக்கெடுப்பு
இனம்	மக்கள் தொகை	விழுக்காடு
மலாய்க்காரர்கள்	60,696	67.2%
சீனர்கள்	24,511	27.1%
இந்தியர்கள்	4,739	5.2%
இதர மக்கள்	358	0.4%
மொத்தம்	90,304	100%

வெளி இணைப்புகள்

• Official website of Bera District Council

• பொதுவகத்தில் Bandar Bera தொடர்பாக ஊடகக் கோப்புகள் உள்ளன.