பெரும்பாலை தொல்லியல் களம்
பெரும்பாலை தொல்லியல் களம், தமிழ்நாட்டின் தர்மபுரி மாவட்டம், பென்னாகரம் வட்டம், ஏரியூர் ஊராட்சி ஒன்றியம், பெரும்பாலை ஊராட்சியில் அமைந்துள்ளது.
பெரும்பாலை தொல்லியல் களம் பென்னாகரம்-மோளையானூர் செல்லும் சாலையில், பென்னாகரத்திலிருந்து 20 கிலோ மீட்டர் தொலைவிலும், தர்மபுரியிலிருந்து 35 கிலோ மீட்டர் தொலைவில் பாலாற்றின் இடது கரையில் உள்ளது. இத்தொல்லியல் களத்தில் முதல் கட்ட அகழாய்வு மேற்கொள்ள தமிழக முதல்வர் ஆணையிட்டுள்ளார்.[1]
75 ஏக்கர் பரப்பளவு கொண்ட பெரும்பாலை தொல்லியல் மேடு தரை மட்டத்திலிருந்து 3 மீட்டர் முதல் 4 மீட்டர் வரை உயரம் கொண்டது. இத்தொல்லியல் களத்தின் மேற்பரப்பில் கருப்பு சிவப்பு மட்பாண்ட ஓடுகள், சிவப்பு பானை ஓடுகள் கிடைத்துள்ளன.செம்மனூர் சிவன் கோயில் எதிரே ஈமக்காடுகள் கண்டறியப்பட்டுள்ளன. இப்பகுதியில் கால்வாய் வெட்டும் போது 50 கல் வட்டங்கள் கிடைத்துள்ளன.