முகம்மது ஜுமான்
உசுதாத் முகம்மது ஜுமான் (Muhammad Juman) (10 அக்டோபர் 1935 - 24 ஜனவரி 1990) பாகிஸ்தானைச் சேர்ந்த ஒரு சிந்தி இசைக்கலைஞரும் பாரம்பரியப் பாடகரும் ஆவார், சிந்தி இசையில் அவரது தாக்கம் இன்னும் பரவலாக உள்ளது. [1] [2]
ஆரம்ப வாழ்க்கை மற்றும் தொழில் தொகு
முகம்மது ஜுமான் 1935 ஆம் ஆண்டு அக்டோபர் 10 ஆம் தேதி பலுசிஸ்தானின் லாஸ்பேலா மாவட்டத்தில் அமைந்துள்ள சோரா கிராமத்தில் சக்ரானி சமூகத்தைச் சேர்ந்த ஹாஜி அகமது சகிராணி என்ற இசைக்கலைஞருக்கு மகனாகப் பிறந்தார். [3] சிறுவயதிலிருந்தே அவருக்கு இசையில் ஆர்வம் ஏற்பட்டது இயற்கையானது. புகழ்பெற்ற பாடகி நூர்ஜஹானிடம் இசை ஆசிரியராகவும் இருந்த பாகிஸ்தான் தொலைக்காட்சியின் ( லாகூர் மையம்) மதிப்பிற்குரிய பாகிஸ்தானிய இசைக்கலைஞர் உசுதாத் நாசர் உசைனிடம் ஜுமான் முறையான இசைப் பாடங்களைக் கற்றார். [1] [3]
இவர் கராச்சியில் உள்ள பாக்கித்தான் வானொலிக்கு "சுரண்டோ" இசைக்கலைஞராக ( ஃபிட்லர் ) வாழ்க்கையைத் தொடங்குவதற்காகச் சென்றார். [3] [4] இவர் கலைத்திறன் காணல் தேர்வின் போது கோஹ்யாரியின் சிம்பொனியை வாசித்தார். கராச்சியில் உள்ள ரேடியோ பாகிஸ்தானின் அலுவல்ரீதியான இசைக்கலைஞராக பணியாற்றத் தொடங்கினார். இவர் பல கலைஞர்களுடன் குறிப்பாக உசுதாத் முகம்மது இப்ராகிமுடன் இணக்கமாக "சுரண்டோ" வாசித்தார். [5] [3]
1955 ஆம் ஆண்டில், இவர் ஒரு ரேடியோ பாகிஸ்தான் இசைக்கலைஞராக ஹைதராபாத் சென்றார், அங்கு இவர் சிந்துவின் பல்வேறு சூஃபி துறவிகளின் கலாம்களை இயற்றினார். [1]
புல்லாங்குழல் வாசித்தல் தொகு
சிறுவயதிலிருந்தே புல்லாங்குழல் வாசிப்பதில் இவருக்குப் பிரியம் இருந்ததால், ரேடியோ பாகிஸ்தான் கராச்சி நிலையத்துக்கு பலமுறை சென்று வந்தார். இறுதியில், அவர் புல்லாங்குழல் வாசிப்பவராக நிகழ்ச்சியைத் தொடங்கினார். [1]
பாடும் தொழில் தொகு
சக வானொலிக் கலைஞர்கள் சிலர் அவரது குரலில் ஒரு தரம் இருப்பதால் பாடும்படி அறிவுறுத்தினர். குறுகிய காலத்திற்குள், இவர் தொடர்ந்து பாடத் தொடங்கினார் மற்றும் ரேடியோ பாகிஸ்தான் ஹைதராபாத்தில் பாடகராகத் தோன்றினார். இங்கே அவர் உஸ்தாத் நாசர் ஹுசைன் மற்றும் வாஹித் அலி கான் (பெரியவர்) ஆகியோரின் மாணவரானார். பின்னர் இவர் ஷா அப்துல் லத்தீஃப் பிட்டாயின் கவிதைகளின் இசையைக் கற்றுக் கொள்ள கடினமாக உழைத்து வெற்றிகரமான பாடகரானார். [1]
உசுதாத் முகம்மது ஜுமான் சிந்தி இசைக்கு புதிய வண்ணங்களையும், புதிய வழிகளையும், புதுப்பித்தலையும் கொண்டு வந்த ஒரு இசைக்கலைஞர். இவர் கடினமாக உழைத்து எண்ணற்ற மெல்லிசைத் தொகுப்புகளை இயற்றினார். இவர் தனக்கென தனித்துவமான பாடலைக் கொண்டிருந்தார், இது பொதுமக்களால் மட்டுமல்ல, பிற இசைக்கலைஞர்களாலும் பாராட்டப்பட்டது. இவர் மாயக் கவிஞர்களின் கவிதைகளைப் பாடினார். அதிலும் குறிப்பாக ஷா அப்துல் லத்தீஃப் பிட்டையை மிகுந்த ஈடுபாட்டுடன் பாடினார். "முகின்ஜோ முல்க் மாலிர், கோடன் மைன் ஆன் கீன் குஜாரியன்" என்ற புகழ்பெற்ற காஃபி பாடல் ஒன்று உமர்-மார்வி படத்திற்காக பதிவு செய்யப்பட்டது. இவரது புகழ்பெற்ற மற்றும் என்றும் பசுமையான காஃபி "யார் தாதி இசாக் ஆதிஷ் லை ஹை" என்ற பாடல் ஆகும். [6]
மேற்கோள்கள் தொகு
- ↑ 1.0 1.1 1.2 1.3 1.4 Profile of Ustad Muhammad Juman on encyclopediasindhiana.org website (in Sindhi language) Retrieved 5 September 2022
- ↑ Maro Je Malir Ja, by Khadim Hussain Chandio, pp. 609–610.
- ↑ 3.0 3.1 3.2 3.3 29th death anniversary of Ustad Muhammad Juman observed Daily Times (newspaper), Published 27 January 2019, Retrieved 5 September 2022
- ↑ Parvez Jabri (24 January 2013). "Death Anniversary of Ustad Muhammad Juman observed". Business Recorder (newspaper) (Associated Press of Pakistan). https://www.brecorder.com/news/102992.
- ↑ Role of Radio Pakistan (in promoting folk singers) Dawn (newspaper), Published 27 August 2011, Retrieved 5 September 2022
- ↑ The great singing of Sindhi raj: Muhammad Juman on sindhsalamat.com website பரணிடப்பட்டது 2023-02-01 at the வந்தவழி இயந்திரம் Published 24 January 2011. Retrieved 5 September 2022