முதுகெலும்பிகளின் தொல்லுயிரியல் (நூல்)
முதுகெலும்பிகளின் தொல்லுயிரியல் (Vertebrate Paleontology) என்பது சிகாகோ பல்கலைக்கழக பதிப்பகத்தால் வெளியிடப்பட்ட ஆல்பிரட் ஷெர்வுட் ரோமர் எழுதிய முதுகெலும்புடைய உயிரிகளின் தொல்லுயிரியல் குறித்த உயர்கல்வி நூலாகும்.[1] இந்நூலின் மூன்று பதிப்புகள் முறையே 1933, 1945, 1966 ஆகிய ஆண்டுகளில் பதிப்பிக்கப்பட்டன. பல ஆண்டுகளாக இந்நூலே முதுகெலும்பிகளின் அதிகாரப்பூர்வ மேற்கோள் நூலாக விளங்கியது.[2] டி.எஸ். பார்சனாலைத் துணை ஆசிரியராகக் கொண்டு ஒப்பீட்டு உடற்கூறியலை மையமாக்கிய சுருக்கத் தொகுப்பானது 1977ஆம் ஆண்டும் 1985ஆம் ஆண்டும் அச்சிடப்பட்டது.[3] 1988 ஆம் ஆண்டு ராபர்ட் எல். கரோல் எழுதிய முதுகெலும்பிகளின் தொல்லுயிரியல் மற்றும் பரிணாமம் (Vertebrate Paleontology and Evolution) என்ற நூல் ரோமரின் புத்தகத்தை அடிப்படையாகக் கொண்டே எழுதப்பட்டுள்ளது.[4] ரோமரின் புத்தகம் அழிந்துபோன மற்றும் தற்போதைய முதுகெலும்பு உயிரிகள் குறித்த விரிவான தகவல்களைக் கொண்டுள்ளது. மேலும் பாலூட்டியினை ஒத்த ஊர்வன குறித்துக் குறிப்பாகக் கூறப்பட்டுள்ளது ரோமரின் முக்கிய ஆர்வத்தினை காட்டுவதாக இருக்கின்றது.[4] புத்தகத்தின் பின்பகுதியில் உள்ள விலங்கின வகைப்பாட்டுப் பட்டியல் சிறப்பிடம் பெறுவதாக உள்ளது. ஏனெனில் இப்புத்தகம் வெளியிடப்பட்ட நேரத்தில் அறியப்பட்ட ஒவ்வொரு விலங்கினத்தினையும் உள்ளடக்கியதோடு, விலங்குகளின் வாழிடம், பாறை அடுக்குகளில் படிந்துள்ள புதைபடிவ விலங்குகளை விவரிப்பதாகவும் உள்ளது.
1947 பதிப்பு | |
| நூலாசிரியர் | ஆல்பிரட் செர்வுட் ரோமர் |
|---|---|
| நாடு | ஐக்கிய அமெரிக்கா |
| மொழி | ஆங்கிலம் |
| பொருண்மை | முதுகெலும்பிகளின் தொல்லுயிரியல் |
| வெளியிடப்பட்டது | 1933, 1945, 1966 |
| வெளியீட்டாளர் | சிக்காகோ பல்கலைக்கழகப் பதிப்பகம் |
| ஊடக வகை | பாடநூல் |
| ISBN | 0-7167-1822-7 (3வது பதிப்பு) |
மேற்கோள்கள்
தொகு- ↑ Romer, A.S. (1966): Vertebrate Paleontology. University of Chicago Press, Chicago; 3rd edition பன்னாட்டுத் தரப்புத்தக எண் 0-7167-1822-7
- ↑ Smith, C.H. (2005): Romer, Alfred Sherwood (United States 1894-1973), homepage from Western Kentucky University
- ↑ Romer, A.S. & T.S. Parsons. 1977. The Vertebrate Body. 5th ed. Saunders, Philadelphia. (6th ed. 1985)
- ↑ 4.0 4.1 Ryan, M.J. "Died This Day: Alfred Sherwood Romer, Dec. 28, 1894 – Nov. 5, 1973". Palaeoblog. பார்க்கப்பட்ட நாள் 14 June 2012.