மெகபூபா முப்தி

சம்மு காசுமீரின் முதல் பெண் முதல்வர்

மெகபூபா முப்தி (Mehbooba Mufti) (பிறப்பு: 22 மே 1959 ) இந்தியாவின், ஜம்மு காஷ்மீர் மாநிலத்தின் பத்தாவது மற்றும் கடைசி முதலமைச்சராக 4 ஏப்ரல் 2016 அன்று பதவி ஏற்றவர். இவர் அனந்தநாக்கின் அக்ரான் நவ்போரா கிராமத்தில் 1959ம் ஆண்டில் பிறந்தவர். தற்போது ஜம்மு காஷ்மீர் மக்களின் சனநாயக கட்சியின் தலைவரும், காஷ்மீர் மாநில ஒரே பெண் முதல்வரும் ஆவார்.[1][2] முன்னாள் இந்திய நடுவண் அரசின் உள்துறை அமைச்சரும், ஜம்மு காஷ்மீர் மாநில முன்னாள் முதல்வருமான இவரது தந்தை முப்தி முகமது சையத், பாரதிய ஜனதா கட்சியுடன் கூட்டணி அமைத்து மீண்டும் 1 மார்ச்சு 2016 அன்று ஜம்மு காஷ்மீர் மாநில முதல்வராகப் பதவி ஏற்றார்.[3]

மெகபூபா முப்தி
محبوبہ مُفتی
பத்தாவது சம்மு காசுமீர் முதலமைச்சர்
பதவியில்
4 ஏப்ரல் 2016 – 20 சூன் 2018
ஆளுநர் நரீந்தர் நாத் வோரா
முன்னவர் முப்தி முகமது சயீத்
பின்வந்தவர் காலி
நாடளுமன்ற உறுப்பினர், அனந்தநாக் நாடாளுமன்ற தொகுதி, சம்மு காசுமீர்
பதவியில்
2004–09, 2014 – 2018
முன்னவர் மிர்சா மெகபூப் பெக்
பதவியில்
16 May 2004 – 16 May 2009
முன்னவர் மிர்சா மெகபூப் பெக்
பின்வந்தவர் அலி முகமது நாய்க்
தனிநபர் தகவல்
பிறப்பு 22 மே 1959 (1959-05-22) (அகவை 63)
அக்ரான் நவ்போரா அனந்தநாக், சம்மு காசுமீர், இந்தியா
தேசியம் இந்தியன்
அரசியல் கட்சி சம்மு காசுமீர் மக்களின் சனநாயக கட்சி
வாழ்க்கை துணைவர்(கள்) சாவத் இக்பால்
உறவினர் முப்தி முகமது சயீத் (father)
பிள்ளைகள் 2
இருப்பிடம் சோன்வார், ஸ்ரீநகர்
படித்த கல்வி நிறுவனங்கள் சட்டப் படிப்பு, காஷ்மீர் பல்கலைக் கழகம், ஸ்ரீநகர்
பணி அரசியல்வாதி
இணையம் www.jkpdp.org

இவரது சகோதரி ருபையா என்பவர் 1989ம் ஆண்டில் தீவிரவாதிகளால் கடத்தப்பட்டு பின் விடுவிக்கப்பட்டார். மெகபூபா 14வது மக்களவையில் (2004-2009) அனந்தநாக் நாடளுமன்ற தொகுதியிலிருந்து தேர்ந்தெடுக்கப்பட்டவர்.[4] மீண்டும் 2014ம் ஆண்டில் அதே தொகுதியில் நாடாளுமன்ற மக்களவை உறுப்பினராகத் தேர்ந்தெடுக்கப்பட்டார்.

இவருக்கு இல்டிஜா மற்றும் இர்டிகா என்ற இரு பெண் குழந்தைகள் பிறந்த பின் தன் கணவரை திருமணமுறிவு செய்துவிட்டு தனியாக அரசியல் வாழ்க்கை நடத்தி வருகிறார்.

1996ஆம் ஆண்டு சட்டமன்ற தேர்தலில் இந்திய தேசிய காங்கிரஸ் கட்சி சார்பில் பிஜ்பெகரா சட்டமன்ற தொகுதியிலிருந்து ஜம்மு காஷ்மீர் சட்டமன்றத்திற்குத் தேர்ந்தெடுக்கப்பட்டார்.

1999ஆம் ஆண்டில் முப்தி முகமது சையத் இந்திய தேசிய காங்கிரஸ் கட்சியிலிருந்து விலகி, ஜம்மு காஷ்மீர் மக்களின் சனநாயக கட்சியை அமைக்கும் போது, மெகபூபா முப்தி அக்கட்சியின் துணைத் தலைவரானார்.

மேற்கோள்கள்தொகு

  1. முதல் பெண் முதல்வர் ஆகிறார் மெஹபூபா
  2. Profile of Fourteenth Lok Sabha Members, accessed 2008-07-26
  3. http://www.firstpost.com/politics/mufti-mohammed-sayeed-to-take-oath-as-jk-cm-but-kashmiris-furious-with-bjp-deal-2121381.html
  4. "Jammu and Kashmir People's Democratic Party". 24 March 2014 அன்று பார்க்கப்பட்டது.

வெளி இணைப்புகள்தொகு

"https://ta.wikipedia.org/w/index.php?title=மெகபூபா_முப்தி&oldid=3507838" இருந்து மீள்விக்கப்பட்டது