யோகா பாலச்சந்திரன்
யோகா பாலச்சந்திரன் (1938 - 18 மே 2023), ஈழத்துப் பெண் எழுத்தாளரும் பத்திரிகையாளரும், வானொலி ஒலிபரப்பாளரும் ஆவார். ஈழத்து இதழ்களில் சிறுகதை, விமர்சனம், தொடர்கதை முதலியவற்றை எழுதியவர். புலம்பெயர்ந்து கனடாவில் வசித்து வந்தார்.
| யோகா பாலச்சந்திரன் | |
|---|---|
 | |
| பிறப்பு | யோகாம்பிகை வல்லிபுரம் 1938 கரவெட்டி, யாழ்ப்பாணம் |
| இறப்பு | மே 18, 2023 (அகவை 84–85) கால்கரி, கனடா |
| இருப்பிடம் | கனடா |
| பணி | எழுத்தாளர், ஊடகவியலாளர் |
| வாழ்க்கைத் துணை | கே. பாலச்சந்திரன் |
யாழ்ப்பாணம், கரவெட்டியைச்சேர்ந்த எம். வல்லிபுரம் (காவல்துறை அதிகாரி), செல்லம்மா ஆகியோரின் மூத்த மகளான யோகாம்பிகை யாழ்ப்பாணம் கல்வியங்காடு, திருநெல்வேலி கிழக்கைப் பிறப்பிடமாகக் கொண்டவர். யாழ்ப்பாணம் திருக்குடும்பக் கன்னியர் மடப் பாடசாலையில் கல்வி கற்றார்.
வீரகேசரி பத்திரிகையிலும் பின்னர் தினபதியிலும் ஆசிரியர் குழுவில்[1] பணியாற்றி இலங்கை குடும்பத் திட்டச் சங்கத்தில் 31 ஆண்டுகள் பணியாற்றிப் பணிப்பாளராக ஓய்வு பெற்றார்.[2] அத்துடன் இலங்கை வானொலியில் கல்விச்சேவை உட்பட பல நிகழ்ச்சிகளில் பங்காற்றினார். யுகமலர் என்ற இவரது சிறுகதைத் தொகுப்பு நூலாக வெளிவந்தது.
நடிகர் காமினி பொன்சேகாவின் "சருங்கலே" சிங்களத் திரைப்படத்தின் தமிழ் வசனங்களை எழுதியதோடு,[3] அதன் படப்பிடிப்பு கரவெட்டியில் இடம்பெறக் காரணமாக இருந்தவர். Never mind Silva, bye bye Raju, Broken Promise போன்ற ஆங்கில நாடகங்களை எழுதினார்.[4] இவரது கணவரான கே. பாலச்சந்திரன் "ரைம்ஸ்" பத்திரிகையில் பணியாற்றிய காலத்தில், கொழும்புக் கலைச்சங்கத்தின் தலைவராக இருந்து ஏராளமான தமிழ் நாடகங்களை மேடையேற்றியதோடு, கலைஞர்களைக் கெளரவித்து ஆதரவு நல்கியவர்.[4] யோகா எழுதிய நாடகங்களை பாலச்சந்திரன் மேடையேற்றினார்.
எழுதிய நூல்கள்
தொகு- மாவீரன் செண்பகராமன்
- யுகமலர் (சிறுகதைகள்)
மேற்கோள்கள்
தொகு- ↑ Tribute to S. T. Sivanayagam: editor, guru and father
- ↑ Mental health for the millennium, Sunday Times, 29 August 1999
- ↑ The last journey of two good old friends, Sunday Observer, 19 September 2010
- ↑ 4.0 4.1 கொழும்பு கலைச்சங்கத்தின் கே. பாலச்சந்திரன், தெளிவத்தை ஜோசப், தாய் வீடு, நவம்பர் 2012