ரேவா சமஸ்தானம்

ரேவா இராச்சியம் (Rewa State) , இந்திய விடுதலைக்கு முன்னர் பிரித்தானிய இந்தியாவின் கீழிருந்த 562 சுதேச சமஸ்தானங்களில் ஒன்றாகும். இது தற்கால மத்தியப் பிரதேச மாநிலத்தின் வடகிழக்கில் அமைந்த பகேல்கண்ட் பிரதேசத்தில் உள்ள ரேவா மாவட்டப் பகுதிகளைக் கொண்டிருந்தது. இதன் தலைநகரம் ரேவா நகரம் ஆகும். 1901-ஆம் ஆண்டின் மக்கள் தொகை கணக்கெடுப்பின் படி, ரேவா இராச்சியம் 33,670 சதுர கிலோ மீட்டர் பரப்பளவும், 13,27,385 மக்கள் தொகையும் கொண்டிருந்தது. ரேவா இராச்சிய ஆட்சியாளர்களுக்கு பிரித்தானிய இந்தியாவின் அரசு, 17 துப்பாக்கிக் குண்டுகள் முழுங்கி மரியாதை செய்தனர்.

ரேவா இராச்சியம்
சுதேச சமஸ்தானம் பிரித்தானிய இந்தியா
1790–1947 →
கொடி சின்னம்
Location of ரேவா தி இம்பீரியல் கெசட்டியர் ஆப் இந்தியாவில் ரேவா இராச்சியத்தின் அமைவிடம்
வரலாறு
•	நிறுவப்பட்டது	1790
•	இந்திய விடுதலை	1947
பரப்பு
•	1901	33,670 km2 (13,000 sq mi)
Population
•	1901	13,27,385
	மக்கள்தொகை அடர்த்தி	39.4 /km2  (102.1 /sq mi)
தற்காலத்தில் அங்கம்		ரேவா மாவட்டம், மத்தியப் பிரதேசம், இந்தியா
Columbia-Lippincott Gazetteer. (New York: Columbia University Press, 1952) p. 369

1877-ஆம் ஆண்டில் ரேவா இராச்சிய மன்னர்

ரேவா இராச்சியத்தின் கோவிந்தகர் அரண்மனை, ஆண்டு 1882

19-ஆம் நூற்றான்டில் ரேவா இராச்சியக் கொடி

வரலாறு

மராத்தியப் பேரரசில் சிற்றரசாக இருந்த ரேவா இராச்சியம், மூன்றாம் ஆங்கிலேய மராத்தியப் போருக்குப் பின்னர், பிரித்தானிய இந்தியாவின் ஆட்சியாளர்கள் கொண்டுவந்த துணைப்படைத் திட்டத்தை ஏற்ற ரேவா இராச்சியத்தினர், 1812-ஆம் ஆண்டு முதல் ஆண்டுதோறும் ஆங்கிலேயர்களுக்கு திறை செலுத்தி சுதேச சமஸ்தானமாக ஆட்சி செய்தனர். இது பம்பாய் மாகாணத்தின் ரேவா கந்தா முகமையின் கீழ் செயல்பட்டது. ரேவா இராச்சிய மன்னர்களுக்கு பிரித்தானிய இந்தியா அரசு, 17 துப்பாக்கிக் குண்டுகள் முழுங்கி மரியாதை செய்தனர்.

இது பிரித்தானிய இந்தியாவின் இந்தூர் முகமையின் கீழ் இருந்தது. 1947-இல் இந்திய விடுதலைக்குப் பின்னர், சுதேச சமஸ்தானங்களின் இணைப்பு ஒப்பந்தப்படி ரேவா இராச்சியம் 1948-ஆம் ஆண்டில் விந்தியப் பிரதேசத்துடன் இணைக்கப்பட்டது. 1956-இல் மொழிவாரி மாநில மறுசீரமைப்புச் சட்டத்தின் படி, ரேவா இராச்சியப் பகுதிகளை மத்தியப் பிரதேச மாநிலத்துடன் இணைக்கப்பட்டது.

ரேவா ஆட்சியாளர்கள்

ரேவா ஆட்சியாளர்களை மகாராஜா எனும் பட்டத்துடன் அழைக்கப்பட்டனர்.

• வியாக்கிரா தேவ்
• கரண் தேவ்
• சோஹாக் தேவ்
• சரங் தேவ்
• விலாஸ் தேவ் (பிலாஸ்பூர் நகரத்தை நிறுவியவர்)
• பிமல் தேவ்
• அனிக் தேவ்
• வளன் தேவ்
• தல்கேஷ்வர் தேவ்
• மல்கேஷ்வர் தேவ்
• வாரியார் தேவ்
• புல்லார் தேவ்
• சிங் தேவ்
• பைரம் தேவ்
• நரஹரி தேவ்
• பீர் தேவ்
• சாலிவாகனன் தேவ்
• வீர் சிங் தேவ்
• பீர்பன் சிங் தேவ்
• ராமச்சந்திர சிங் தேவ்
• வீரபத்திர சிங் தேவ்
• துரியோதன் சிங்
• விக்கிரமாதித்தியா தேவ் (1608ல் ரேவா நகரத்தை நிறுவியவர்)
• அமர் சிங்
• அனுப் சிங்
• போவ் சிங் தேவ்
• அனிருத் சிங் தேவ்
• அவதூத் சிங் தேவ்
• அஜித் சிங் தேவ்
• ஜெய் சிங் தேவ்
• விஸ்வநாத் சிங் தேவ்
• ரகுராஜ் சிங் தேவ்
• வெங்கடராமன் ராமானுஜ பிரசாத் சிங் தேவ் பகதூர்
• குலாப் சிங் தேவ்
• சஜ்ஜன் சிங்
• பிலிப் பானர்மேன்
• திவான் பகதூர் பிரிஜ்மோகன் நாத்
• எலியட் ஜேம்ஸ் டோவல் கோலின்
• மார்தாண்ட சிங் தேவ்

இதனையும் காண்க

• பகேல்கண்ட்
• துணைப்படைத் திட்டம்
• சுதேச சமஸ்தானம்
• இந்திய மன்னராட்சி அரசுகளின் பட்டியல்
• சுதேச சமஸ்தானங்களின் இணைப்பு ஒப்பந்தம்
• வணக்கத்திற்குரிய சுதேச சமஸ்தானங்கள்
• சுதேச சமஸ்தானங்களின் இணைப்பு ஒப்பந்தம்
• தி இம்பீரியல் கெசட்டியர் ஆப் இந்தியா