லோப்சங் சங்கை
லோப்சங் சங்கை (Lobsang Sangay, பிறப்பு: 5 செப்டம்பர் 1968) திபெத்திய அகதியும், சட்ட வல்லுநரும், அரசியல்வாதியும் ஆவார். இவர் திபெத்திய நாடு கடந்த அரசின் பிரதமராக (திபெத்திய மொழியில்: கலோன் ட்ரைப்பா) 2011, ஏப்ரல் 27 இல் தேர்தல் மூலம் தேர்ந்தெடுக்கப்பட்டார். இவர் திபெத்திய சட்ட ஆலோசகரும், பன்னாட்டு மனித உரிமைச் சட்ட வல்லுநரும் ஆவார்.
லோப்சங் சங்கை Lobsang Sangay | |
|---|---|
| བློ་བཟང་སེང་གེ་ | |
 | |
| திபெத்தியர்களின் மைய நிர்வாகத்தின் 1-ஆவது தலைவர் | |
| பதவியில் 20 செப்டம்பர் 2012 – 27 மே 2021 | |
| பின்னவர் | பென்பா சேரிங்கு |
| 13-ஆவது பிரதமர் | |
| பதவியில் 8 ஆகத்து 2011 – 20 செப்டம்பர் 2012 | |
| முன்னையவர் | லோப்சாங் தென்சின் |
| பின்னவர் | எவருமில்லை |
| நாடுகடந்த திபெத்திய அரசின் வெளியுறவுத்துறை அமைச்சர் | |
பதவியில் உள்ளார் | |
| பதவியில் 28 பெப்ரவரி 2016 | |
| முன்னையவர் | டிக்கி சோயாங் |
| தனிப்பட்ட விவரங்கள் | |
| பிறப்பு | 5 செப்டம்பர் 1968 டார்ஜீலிங், மேற்கு வங்காளம், இந்தியா |
| குடியுரிமை | அமெரிக்கர் |
| அரசியல் கட்சி | திபெத்து தேசிய சனநாயகக் கட்சி |
| பிள்ளைகள் | 1 |
| முன்னாள் கல்லூரி | தில்லி பல்கலைக்கழகம் (இளங்கலை, இளங்கலைச் சட்டம்) ஆர்வர்டு பல்கலைக்கழகம் (முதுகலை, முனைவர்) |
வாழ்க்கைக் குறிப்பு
தொகுஇந்தியாவில் டார்ஜீலிங்கில் பிறந்த இவர் திபெத்துக்கு என்றும் சென்றதில்லை. இவரது தந்தை 1959 ஆம் ஆண்டில் தலாய் லாமாவுடன் சேர்ந்து திபெத்தை விட்டு வெளியேறினார். திபெத்து அகதிகள் உயர் பள்ளியில் கல்வி பயின்ற சங்கை தில்லிப் பல்கலைக்கழகத்தில் சட்டம், மற்றும் கலைமாணிப் பட்டம் பெற்றார். 2004 ஆம் ஆண்டில் ஹார்வர்ட் பல்கலைக்கழகத்துக்கு புலமைப் பரிசில் பெற்று சட்டத் துறையில் முனைவர் பட்டம் பெற்றார்.[1]
பிரதமர்
தொகு2011 ஏப்ரல் 26 இல் இவர் திபெத்திய நாடுகடந்த அரசின் பிரதமராகத் தேர்ந்தெடுக்கப்பட்டார்.[2] திபெத்தின் ஆன்மிகத் தலைவர் தலாய் லாமா நாடு கடந்த திபெத்து அரசின் அரசியல் தலைமையில் இருந்து ஒதுங்குவதற்கு முடிவு செய்ததை அடுத்து லோப்சங் சங்கை அப்பதவிக்குத் தெரிவானார். உலகெங்கும் உள்ள திபெத்தியர்களுக்கிடையில் இடம்பெற்ற வாக்கெடுப்பில் லோப்சங் சங்கை 55% வாக்குகள் பெற்று வெற்றி பெற்றார். தலாய் லாமா திபெத்தின் ஆன்மிகத் தலைவராக தொடர்ந்து பதவியில் இருப்பார் என அறிவிக்கப்பட்டது. கடந்த மார்ச் மாதத்தில் தேர்தல்கள் இடம்பெற்றன. முடிவுகள் திபெத்தின் நாடு கடந்த அரசு செயல்படும் இந்திய நகரமான தரம்சாலாவில் அறிவிக்கப்பட்டன.[3]
மேற்கோள்கள்
தொகு- ↑ Lobsang Sangay LL.M. '96 S.J.D. '04 named prime minister of the Tibetan government in exile
- ↑ Staff (2009). "Lobsang Sangay - Candidate". Kalon Tripa 2011. Archived from the original on 2010-03-05. பார்க்கப்பட்ட நாள் 2010-02-04.
- ↑ Lobsang Sangay elected Tibetan exile leader, பிபிசி, ஏப்ரல் 27, 2011