விக்கிப்பீடியா:உங்களுக்குத் தெரியுமா/2021
ஒவ்வொரு வாரமும் காட்சிப்படுத்தப்பட்டவுடன் காட்சிப்படுத்தப்பட்ட தகவல்கள் இங்கு சேர்க்கப்படும்.
- டயமண்ட் சூத்திரா (படம்) நூலின் முகப்பில் அச்சிடப்பட்ட ஓவியம்தான், உலகிலேயே அச்சிடப்பட்ட முதல் ஓவியமும் அட்டைப்படமும் ஆகும்.
- பச்லுர் ரகுமான் கான் 1973 முதல் 1998 வரை உலகின் உயரமான வானளாவியாக இருந்த சியர்சு கோபுரத்தின் கட்டமைப்புப் பொறியாளர்.
- ஜம்மு காஷ்மீர் இணைப்பு ஒப்பந்தம் ஜம்மு காஷ்மீர் இராச்சியத்தை, இந்தியாவுடன் இணைக்கும், 26 அக்டோபர் 1947 ஆம் அண்டின் ஒப்பந்தமாகும்.
- சில்கா ஏரி கடலினின்று மணல் திட்டுகளால் பிரிக்கப்பட்ட உவர் நீர் தன்மை கொண்ட ஏரி போன்ற கடற்காயல் ஆகும். 1,100 சதுர கிலோ மீட்டர் பரப்பளவு கொண்ட சில்கா ஏரி, உலகின் இத்தகைய உவர் நீர் ஏரிகளில் இரண்டாவது பெரிய ஏரியாகும்.
- மெலனியா திரம்ப் (படம்) வெளிநாட்டில் பிறந்த இரண்டாவது அமெரிக்க முதல் பெண்மணியாவார்.
- மார்கரெட் கோர்ட் டென்னிசில் ஓப்பன் காலம் தொடங்கிய பின் ஒரே ஆண்டில் (1970) கிராண்ட் சிலாமின் நான்கு கோப்பைகளையும் வென்ற முதலாம் வீராங்கனை ஆவார்.
- எட்மோனியா லூவிசு பன்னாட்டுப் புகழும் உலக நுண்கலைகளில் பெயரும் பெற்ற ஆப்பிரிக்க-அமெரிக்க, அமெரிக்க தொல்குடியினர் மரபில் முதல் பெண்மணி ஆவார்.
- பண்பாட்டுப் படுகொலை எனும் கருத்தியல் 1944 ஆம் ஆண்டில் ரபேல் லெம்கின் எனும் வழக்கறிஞரால் இனப்படுகொலையிலிருந்து வேறுபடுத்தி காட்டப்பட்டது.
- செரெங்கெட்டி இடப்பெயர்வு (படம்) ஒவ்வோராண்டும் ஒரே நேரத்தில், ஆப்பிரிக்காவின் செரங்கட்டி சரணாலயத்திலிருந்து மசாய் மாரா என்ற இடத்துக்கு லட்சக்கணக்கான விலங்குகள் இடம் பெயரும் ஒரு நிகழ்வு.
- புழுப்பாம்புகள் அனைத்தும் பெண் பாம்புகளாக இருப்பதால், ஆண் துணையின்றி இனப்பெருக்கம் செய்பவையாக உள்ளன.
- 188 மீட்டர் உயரம் உடைய தக்கீசு அணை ஆப்பிரிக்காவிலேயேஉயரமான அணையாகும்.
- என்ஹெடுவானா என்பவர் பதிவு செய்யப்பட்ட வரலாற்றில் கிடைக்கப்பெறும் முதல் எழுத்தாளராகவும், முதல் பெண் கவிஞராகவும் உலக வரலாற்றில் இடம்பெற்றவர் ஆவார்.