விவான் சுந்தரம்
விவன் சுந்தரம் (Vivan Sundaram, 28 மே 1943 – 29 மார்ச் 2023) என்பவர் இந்தியாவைச் சேர்ந்த சமகால ஓவியக் கலைஞராவார். இவரது தந்தை கல்யாண் சுந்தரம் 1968 முதல் 1971 வரை இந்திய சட்ட ஆணையத்தின் தலைவராக இருந்தார். இவரது தாயார் இந்திரா சேர்கில் பிரபல இந்திய நவீன ஓவியக் கலைஞரான அம்ரிதா சேர்கில் என்பவரின் சகோதரியாவார். விவன் பிரபல ஓவிய வரலாற்றாசிரியரும் விமர்சகருமான கீதா கபூரை மணந்தார்.
| விவான் சுந்தரம் | |
|---|---|
| பிறப்பு | 28 மே 1943 சிம்லா, சிம்லா மலை வாழிடம், பிரித்தானிய இந்தியா |
| இறப்பு | 29 மார்ச்சு 2023 (அகவை 79) புது தில்லி, இந்தியா |
| தேசியம் | Indian |
| படித்த கல்வி நிறுவனங்கள் | டூன் பள்ளி மகாராஜா சாயாஜிராவ் பல்கலைக்கழகம் ஸ்லேடு ஸ்கூல் ஆஃப் ஃபைன் ஆர்ட், லண்டன் |
| வாழ்க்கைத் துணை | கீதா கபூர் |
கல்வி
தொகுஇவர், தூன் பள்ளியிலும், வடோதரா, மகாராஜா சயாஜிராவ் பல்கலைக்கழகத்திலும், இலண்டன் ஸ்லேடு ஸ்கூல் ஆஃப் ஃபைன் ஆர்ட் பள்ளியிலும் நுண்கலையைப் பயின்றார்.[1][2][3] இலண்டனில் இவர் பிரிட்டிசு-அமெரிக்க ஓவியர் ஆர்.பி. கிட்டாஜை சந்தித்து,[4] அவரின் கீழ் சில காலம் பயிற்சி பெற்றார்.
பணிகள்
தொகு
சுந்தரம் ஓவியம், சிற்பம், அச்சுருவாக்கம், ஒளிப்படம் எடுத்தல், நிர்மாணக் கலை, நிகழ்படக் கலை உள்ளிட்ட பல்வேறு ஊடகங்களில் பணியாற்றானார். 1980களில் இவரது படைப்புகள் அடையாள பிரதிநிதித்துவங்களை நோக்கிய போக்கைக் காட்டின. மேலும் அடையாள சிக்கல்களைக் கையாண்டன. இவரது படைப்புகள் தொடர்ந்து சமூகப் பிரச்சினைகள், பரவலர் பண்பாடு, உணர்வின் சிக்கல்கள், வரலாறு ஆகியவற்றைக் குறிக்கின்றன. நிர்மாணக் கலையுடன் பணிபுரிந்த முதல் இந்திய கலைஞர்களில் இவரும் ஒருவர்.[5] இவரது சமீபத்திய நிறுவல்கள் மற்றும் நிகழ் படங்கள் பெரும்பாலும் இவரது கலை தாக்கங்களைக் குறிக்கின்றன. அவற்றில் ஆடுகுதிரைவாதம், அடிமன வெளிப்பாட்டியம், அத்துடன் சமீபத்திய பிளக்சஸ் [4] மற்றும் ஜோசப் பியூஸின் படைப்புகள் ஆகியவை அடங்கும்.
இறப்பு
தொகு29 மார்ச் 2023 அன்று சுந்தரம் மூளை இரத்த நாளச் சேதாரம் காரணமாக தன் 79வது வயதில் புது தில்லியில் இறந்தார்.[6][7]
மேற்கோள்கள்
தொகு- ↑ "The Skoda Prize 2012". Archived from the original on 2016-03-04. பார்க்கப்பட்ட நாள் 2021-04-17.
- ↑ "'Amrita comes across as an opinionated, precocious, driven young woman; a talented artist clearly in a hurry'". The Telegraph (Calcutta, India). 2010-02-21. http://www.telegraphindia.com/1100221/jsp/7days/story_12131346.jsp.
- ↑ Vivan Sundaram[தொடர்பிழந்த இணைப்பு]
- ↑ 4.0 4.1 "Vivan Sundaram". Archived from the original on 2012-02-05. பார்க்கப்பட்ட நாள் 2021-04-17.
- ↑ Amrita Jhaveri: A Guide to 101 Modern & Contemporary Indian Artists. India Book House: Mumbai 2005, p. 90. பன்னாட்டுத் தரப்புத்தக எண் 81-7508-423-5.
- ↑ "Artist Vivan Sundaram dies at 79". Scroll. 29 March 2023. https://scroll.in/latest/1046459/artist-vivan-sundaram-dies-at-79.
- ↑ Vivan Sundaram, one of India’s most prolific artists, passes away
வெளி இணைப்புகள்
தொகு- at Indian Art Circle பரணிடப்பட்டது 2009-03-10 at the வந்தவழி இயந்திரம்
- at Contemporary Indian Art பரணிடப்பட்டது 2012-02-05 at the வந்தவழி இயந்திரம்
- at Culturebase, International Artists' Database
- at Artists.org பரணிடப்பட்டது 2018-05-06 at the வந்தவழி இயந்திரம்
- at Frontline/Hindu On Net பரணிடப்பட்டது 2008-10-18 at the வந்தவழி இயந்திரம்