வென்னா ஏரி
வென்னா ஏரி (Venna Lake), இந்திய மாநிலங்களில் ஒன்றான மகாராட்டிர மாநிலத்தின் மகாபலேசுவர் என்ற இடத்தில் உள்ள ஓர் ஏரி. இந்த ஏரியை, சாத்தாரா மன்னரான அப்பா சாகிப் (Appa Sahib, Raja Shahaji of Satara) பொ. ஆ. 1842-ல் கட்டினார்.[1]
| வென்னா ஏரி Venna Lake | |
|---|---|
 வென்னா ஏரியில் படகுகள் | |
  வென்னா ஏரி Venna Lake | |
| அமைவிடம் | மகாபலேசுவர், மகாராட்டிரம் |
| ஆள்கூறுகள் | 17°56′02″N 73°39′54″E / 17.934009°N 73.665026°E |
| வடிநில நாடுகள் |  இந்தியா இந்தியா |
| அதிகபட்ச நீளம் | 4 km (2.5 mi) |
| அதிகபட்ச அகலம் | 1.5 km (0.93 mi) |
| மேற்பரப்பளவு | 11 எக்டேர்கள் (27 ஏக்கர்கள்) |
| சராசரி ஆழம் | 80 அடி (24 m) |
| அதிகபட்ச ஆழம் | 120 அடி (37 m) (மையத்தில்) |
| கடல்மட்டத்திலிருந்து உயரம் | 1,400 m (4,600 அடி) |
| குடியேற்றங்கள் | மகாபலேசுவர் |
மகாபலேசுவரின் முக்கியமான சுற்றுலாத் தளங்களில் ஒன்றாகத் திகழும் இந்த ஏரியைச் சுற்றிலும் மரங்களும் குன்றுகளும் காணப்படுகின்றன. ஆண்டின் பெருமளவில் இந்தப் பகுதி ஈரமும் குளுமையும் நிறைந்ததாக உள்ளது. ஏப்ரலும் மேயும் வெப்பம் மிகுந்த மாதங்கள். இந்தப் பகுதியின் ஆண்டுச் சராசரி மழைப்பொழிவு 5620 மி.மீ.
இந்த ஏரியின் முதன்மையான சுற்றுலா ஈர்ப்பு படகோட்டம். சுற்றுலா பயணிகள் ஏரியில் இழுவைப் படகிலோ மிதிப்புப் படகிலோ பயணிக்கலாம். மேலும் ஏரிக்கு அருகில் குதிரையோட்டம், ஒட்டகவோட்டம், இராட்டினம், பொம்மைத் தொடருந்து போன்றவற்றை மேற்கொள்ளவும் இயலும். ஏரியின் கரையில் சிறு சிறு உணவகங்களும் உள்ளன.[2]
வென்னா ஏரியில் இருந்து இரண்டு கிலோ மீட்டர் தொலைவில் மகாபலேசுவர் நகரச் சந்தையும் மகாராட்டிர மாநிலப் பேருந்து நிலையமும் அமைந்துள்ளன.
மேற்கோள்கள்
தொகு- ↑ "Venna Lake". Venna Lake. www.mahabaleshwarinfo.com (ஆங்கிலம்). 2016. பார்க்கப்பட்ட நாள் 2017-07-18.
- ↑ "Venna Lake". maharashtratourism.gov.in. பார்க்கப்பட்ட நாள் 2022-11-22.