வெளியன்

வெளியன் என்னும் பெயர் வானவெளி போல் உயர்ந்த உள்ளம் கொண்டவன் என்னும் பொருள்படுகையில் பொதுச்சொல்; ஒருவன் பெயரை உணர்த்தும்போது குறிச்சொல்.

• வெளியனூர் திண்டிவனம் சட்டமன்றத் தொகுதியில் உள்ள ஓர் ஊர்.
• வெளியம் என்னும் ஊர் சேரமன்னன் வானவரம்பன் ஆட்சிக்கு உட்பட்டிருந்தது.
• வெளியன் என்னும் பெயருடன் விளங்கியதாகத் தெரியவரும் மூன்று அரசர்களும் வேளிர் குடியைச் சேர்ந்தவர்கள். இவர்களது பெயரில் ‘வேண்மான்’ (வேள் மகன்) என்னும் அடைமொழி உள்ளதால் இதனை உணரமுடிகிறது.
• பதிற்றுப்பத்து இரண்டாம் பத்து பாடல்களில் போற்றப்பட்டவன் இமயவரம்பன் நெடுஞ்சேரலாதன். இவனது தாயார் வெளியனின் மகள். வெளியன் வேண்மான் நல்லினி
• வெளியன் வேண்மான் ஆய்எயினன் மிஞிலி தாக்கிய பாழிப்பறந்தலைப் போரில் மாண்டபோது உருவினை நன்னன் அருள் காட்டாமல் ஒதுங்கிக்கொண்டான்
• (சேலம் மாவட்ட வீரகனூர் அரசன் வெளியன் தித்தன் (வெளியன் மகன் தித்தன்) முரசில் விளக்கேற்றி வைத்தான். வரலாற்றுப் பார்வையில் இந்த விளக்குதான் திருவண்ணாமலைத் தீபம் எனக் கொள்ள இடமுண்டு.
• பள்ளி வேளான் என அழைக்கப்படும் கலிங்க நாட்டு அடிமைகள் இவன் வம்சத்தினர் என கருதப்படுகிறார்கள்.

மேலும் காண்க

• தித்தன், தித்தன் வெளியன் – சோழ அரசர்கள்