2014 சென்னை கட்டிட விபத்து

சென்னை கட்டிட விபத்து என்பது இந்தியாவின் சென்னை புறநகர்ப் பகுதியான மவுலிவாக்கத்தில் ஜூன் 28, 2014 அன்று கட்டுமானப் பணியில் இருந்த 11 அடுக்குமாடி குடியிருப்பு கட்டிடம் இடிந்து விபத்துக்குள்ளானதைக் குறிப்பதாகும்.

2014 சென்னை அடுக்குமாடிக் கட்டிட விபத்து

நாள்	28 சூன் 2014
நேரம்	மாலை 17:00 இந்திய சீர் நேரம்
நிகழிடம்	மவுலிவாக்கம் காஞ்சிபுரம் மாவட்டம் தமிழ்நாடு
Also known as	மவுலிவாக்கம் கட்டிட விபத்து
காயப்பட்டோர்	~27
உயிரிழப்பு	60 (சூலை 3 நிலவரப்படி

மீட்புப் பணி

தேசிய பேரிடர் மீட்புக் குழுவினர் , தீயணைப்புப் படை வீரர்கள் மற்றும் சென்னை காவல்துறையின் கமாண்டோ படையினர் சுமார் 2 ஆயிரம் பேர் 20 மோப்பநாய்களின் உதவியுடன் மீட்புப்பணிகளில் ஈடுபட்டனர். நான்கு நாட்களில் 60 பேர் மீட்கப்பட்டு, 10 தளங்களின் இடிபாடுகள் அகற்றப்பட்டுள்ளன.

மீட்புப் பணிகள் மேற்கொள்ளப்பட்டு, உயிருடன் இடிபாடுகளில் சிக்கியிருந்த 27 பேர் காயங்களுடன் மீட்கப்பட்டனர். இவ் விபத்தில் 61 பேர் உயிழந்தனர்.

விபத்தின் தாக்கம்

விபத்து நடந்த இடத்தை முதலமைச்சர்கள் ஜெயலலிதா, சந்திரபாபு நாயுடு ஆகியோரும் அரசியல் தலைவர்கள் மு. க. இசுடாலின் போன்றவர்களும் பார்வையிட்டு பாதிக்கப்பட்டோருக்கு ஆறுதல் வழங்கினர். இந்திய தேசிய மனித உரிமைகள் ஆணையம் விபத்தில் மனித உரிமைகள் மீறப்பட்டுள்ளதா என ஆராய மாநில அரசின் அறிக்கையை கோரியுள்ளது. இந்த நிகழ்வு நடைபெற்றதற்கான காரணம் குறித்தும், இனிமேல் இதுபோன்ற விபத்துக்கள் நடைபெறாமல் இருப்பதற்கான வழிமுறைகள் குறித்து ஆராயவும், நீதிபதி சு.ரகுபதி தலைமையில் ஒரு நபர் விசாரணை ஆணையம் அமைத்து தமிழ்நாடு அரசு உத்தரவிட்டது. இந்த விசாரணை ஆணையம் தனது அறிக்கையை ஆகஸ்ட் 25, 2014 இல் தமிழ்நாடு அரசிடம் ஒப்படைத்தது.