நீர்நிலை

நீர்நிலை (body of water) என்பது எல்லா வகையான நீரின் தொகுப்புகளையும் குறிக்கும். பொதுவாக இது புவிப்பரப்பின் மீது காணப்படும். நீர்நிலை என்ற சொல் சமுத்திரங்கள், கடல்கள், ஆறுகள், நீரோடைகள், சுனைகள், மடுக்கள் போன்ற இயற்கையான நீர்நிலைகளையும், ஏரிகள், குளங்கள், அணைகள் போன்ற மனிதனால் செயற்கையாக உருவாக்கப்பட்ட நீர்நிலைகளையும் குறிக்கும்.

நார்வே நாட்டில் உள்ள ஒரு நீர்நிலை

நீர்த்தேக்க வகைகள்

தேங்கி நிற்கும் அல்லது தேக்கி வைக்கப்பட்ட நீர் நிலைகளை நீர்த்தேக்கம் என்கிறோம்.

♦ பள்ளத்தாக்கு அணை நீர்த்தேக்கம்
♦ கரையோர நீர்த்தேக்கம்
♦ சேவை நீர்த்தேக்கம்

பட்டியல்

	தமிழ்	ஆங்கிலம்	வேறு	விளக்கம்
1	அருவி	water fall Stream	நீர்வீழ்ச்சி	மலை, குன்று போன்றவற்றில் இருந்து வேகத்துடன் விழும் நீர்
2	ஆறு	river	நதி	இயற்கையாகச் செல்லும் நன்னீரைக் கொண்ட ஒரு பெரிய நீரோட்டம்
	சிற்றாறு	Rivulet
	காட்டாறு	jungle stream/river
	ஓடை	brook		அடியிலிருந்து ஊற்று எடுக்கும் நீர் - எப்பொழுதும் வாய்க்கால் வழி ஓடும் நீர்
	சிற்றோடை	Brooklet
3	நீரோட்டம், நீர்த்தாரை	Stream (current)	ஆற்றொழுக்கு
	நீரோடை	A water-course
	விசை நீரோடை	torrent
	கீழாறு	Undergroundstream		பூமியினுள்ளோடும் ஆறு
	நீரூற்று	fountain, spring		தண்ணீர் நிலத்துக்கடியே இருந்து வெளியே தோன்றும் பகுதி (இயல்பாயமைந்த நீர் ஊற்று நிலை)
	நீர்ச்சுனை, . சுனை	Mountain Pool; a spring or fountain on a mountain		மலையிடத்து இயல்பாயமைந்த நீர் ஊற்று நிலை
	நீர்த்தாரை	fountain
	ஊறணி, ஊற்று	A fountain, a spring of water		(பூமிக்கடியிலிருந்து நீர் ஊறுவது)
	ஊருணி (1)	Drinking water tank	ஊரார் அனைவரும் உண்பதற்குரிய நீர்நிலை	உண்பதற்கு, பருகுவதற்குப் பயன்படும் நீர்நிலை
	இலஞ்சி (இலைஞ்சி)	A natural or artificial reservoir, tank for drinking and other purposes
	கிணறு	Well
	உறை கிணறு	Ring Well		மணற்பாங்கான இடத்தில் தோண்டி சுடுமண் வலையமிட்ட கிணறு
	நடைகிணறு (நடை கேணி)	(Large well with steps on one side)		இறங்கிச் செல்லும் படிக்கட்டமைந்த பெருங் கிணறு
	கேணி	large well, A square or oblong walled tank		அகலமும், ஆழமும் உள்ள ஒரு பெருங் கிணறு
	குட்டை	small pond, small pool	சிறிய குட்டம்	மழை நீரின் சிறிய தேக்கம், மாடு முதலியன குளிப்பாட்டும் நீர் நிலை
	குளம்	A tank, a pond		செயற்கையான நீர்த் தேக்கம், குளிக்கப்பயன்படும் நீர் நிலை.
	பொய்கை	natural pool or natural pond or natural tank Spring Pond		இயற்கையிலுண்டான நீர்நிலை, நீரூற்று உடையது
	மடு	deep pool in a river		ஆற்றிடையுடைய ஆழமான பகுதி.
	குட்டம்	(Large Pond)	பெருங் குட்டை
	குண்டம்	-(Small Pool)		சிறியதாக அமைந்த குளிக்கும் நீர் நிலை
	குண்டு	A pool, a basin of water		குளிப்பதற்கேற்ற ஒரு சிறு குளம்.
	தடாகம்	Pond, lake		தடாகத்தில் தாமரைச் செடிகள் வளரும்.
	வாவி	Tank	தடாகம்
	கயம்	tank, lake, Moat		வற்றாத குளம், அகழி
	ஏரி	lake, A large tank or reservoir for irrigation	குளம்	வேளாண்மைத் தொழிலுக்குப் பயன்படும் இயற்கையான நீர் நிலை
	பண்ணை
	ஏல்வை
4	கழிமுகம்	Estuary, firth		ஆறு கடலொடு கலக்கும் சங்கமுகம்
	கயவாய், முகத்துவாரம்	Estuary		பகுதி மூடியதும், ஒன்று அல்லது அதற்கு மேற்பட்ட ஆறுகள் அல்லது சிற்றாறுகள் கலப்பதும், கடலுடன் தொடர்புடையதுமான, கரையோர நீர்ப்பரப்பு
	கடற்கழி	firth	நீண்ட, குறுகிய கழிமுகம்	கழிமுகத்தின் இசுக்கொட்லாந்தியச் சொல்
	முகத்துவாரம்	Mouth of a firth or Estuary		நீண்ட, குறுகிய கழிமுகத்தின் வாய்
	காயல், களப்பு	lagoon	உப்பங்கழி (2)
	கடல்
	உப்பங்கழி	Backwater, Salt-pan
	காயல்	Backwater
	உப்பளம்	Salt-pan
	கடல்வாய்க்கால்	Lagoon	உப்பங்கழி
	அல்குகழி			சிறிய உப்பங் கழிநிலம்
	அகழி	Moat		கோட்டையின் புறத்தே அகழ்ந்தமைக்கப்பட்ட நீர் அரண்
	ஆழிக்கிணறு	Well in Sea-shore		கடலுக்கு அருகே தோண்டி கட்டிய கிணறு
	காரானை (2)	Waterspout (3)		கடலின்மீதுகுவிந்து கீழிறங்கி நீரைமுகந்து பெருந்தூண் போல நிற்கும் மேகம்
	நீர்த்தம்பம்	Water spout	நீர்த்தாரை?	நீரை வெளியேற்றும் குழாய்

சொல்லும் பொருளும்

நீர்நிலை

நீர் நிலைகளின் தமிழ்ப்பெயர்கள்

நீர் நிலைகளை அவற்றின் அளவுக்கு ஏற்பவும் பயன்பாட்டுக்கு ஏற்பவும் பல்வேறு பெயர்களால் தமிழர்கள் அழைத்து வந்துள்ளனர்.

1. குளம் (குளிப்பதற்காக அமைக்கப்பட்டவை)
2. ஏரி (ஏர் தொழிலுக்காக {பயிர்ச் செய்கை) அமைக்கப்பட்டவை)
3. ஊருணி (ஊரார் உண்ணுவதற்காக {சுத்தமான குடிநீர்த் தேவைக்காக)
4. பொய்கை (மலர் நிறைந்த நீர் நிலை)
5. மடு
6. கேணி (ஆலயங்களுக்கு அருகாமையில் அமைந்த நீர் நிலை)
7. மோட்டை
8. அள்ளல்
9. கிணறு
10. துரவு (தோட்டஞ் செய்வதற்காககத் தோண்டப்பட்டவை)
11. தடாகம் அல்லது வாவி
12. ஓடை
13. அளக்கர் (அளக்க முடியாத நீர் நிலை- கடல்)
14. அசம்பு (உள்நாட்டில் காணப்படும் கழிமுகம் அல்லாத நீர்கோர்த்த களிமண் நிறைந்த சேற்று நிலம் )
15. அள்ளல் (சேறு பொருந்திய நீர் பள்ளம்)
16. அகழி - கோட்டைக்கு வெளியே அகழ்ந்து அமைக்கப்பட்ட நீர் அரண்.(ஆழமான நீர் கொண்ட பாதுகாப்பான இடம்)
17. அயம் - அருவி கொட்டுமிடத்தில் பொங்கிக்கொண்டிருக்கும் நீர்நிலை.
18. ஆழிக்கிணறு (தற்போது இது நாழிக்கிணறு என்று அறியப்படுகிறது) - கடலருகே தோண்டி கட்டிய கிணறு. தமிழகத்தின் திருசெந்தூரில் இவ்வாறான நீர் நிலை தற்போதும் உள்ளது.
19. இலஞ்சி - பலவகையான பயன்பாட்டிற்காக தேக்கப்படும் நீர்.
20. கயம் - சமவெளியில் ஆறு பாய்ந்து நிரம்பும் நீர்நிலை.
21. கழி - உப்பங்கழி, கடல்நீர் பாய்ந்து தேங்கிய நீர்நிலை.
22. சுனை - மலைப்பகுதியில் பாறைகளுக்கிடையே தேங்கும் நீர்நிலை.(சிறிதளவு நீருள்ள பள்ளம்)
23. மடு - சமநிலத்தில் ஆறு பாயும்போது ஒதுங்கும் அதிமெல்லோட்ட நீர்நிலை.
24. குட்டை - குடிநீருக்காக இன்றி வளர்ப்பு விலங்குகளைக் குளிப்பாட்டுவதற்காகத் தேக்கப்படும் நீர்.
25. கூவல் - கிணறுபோன்ற நீர் தேக்கம். ஆனால் ஆழமற்றது.
26. தருவை - பெரிய ஏரி

நிகண்டு காட்டும் சொற்கள்

இலஞ்சி, பண்ணை, ஏல்வை, குண்டம், அலந்தை, பொய்கை, வலயம், சுனை, சிறை, பட்டம், உடுவை, பயம்பு, படுகர், குட்டம், தாங்கல், கோட்டகம், ஏரி, உவளகம், மடு, ஓடை, படு, தடம், வாவி, தடாகம், ஆவி, சூழி, கிடங்கு, சலதரம், கேணி, பணை, கயம், பல்வலம், நளினி, இலந்தை, மூழி, குழி, குளம்.

வகைகள்

சுனை, கயம், பொய்கை, ஊற்று என்பன தானே நீர் கசிந்த நிலப்பகுதிகளாகும். குட்டை, மழை நீரின் சிறிய தேக்கமாகும். குளி(ர்)ப்பதற்குப் பயன்படும் நீர்நிலை 'குளம் ' என்பதாகவும் உண்பதற்குப் பயன்படும் நீர்நிலை 'ஊருணி ' எனவும் ஏர்த் தொழிலுக்குப் பயன்படும் நீர்நிலை 'ஏரி ' என்றும், வேறு வகையாலன்றி மழை நீரை மட்டும் ஏந்தி நிற்கும் நிலையினை 'ஏந்தல் ' என்றும், கண்ணாறுகளை உடையது 'கண்மாய் ' என்றும் தமிழர்கள் பெயரிட்டு அழைத்தனர்.

உசாத்துணைகள்

• http://www.badriseshadri.in/2012/01/2_23.html.
• http://dsal.uchicago.edu/cgi-bin/philologic/search3dsal?dbname=tamillex&query=Waterspout&matchtype=exact&display=utf8.
• http://www.srmuniv.ac.in/tamil_perayam/tamil_courses/Lessons/MA_Tamil/I_Year/matt03/html/mat03009ep5b.htm.