அந்துவன்

அந்துவன் கரூவூரைத் தலைநகராகக் கொண்டு ஆட்சி செய்த சேர அரசன். இவரே பதிற்றுப்பத்து 7-ஆம் பத்தின் பாட்டுடைத் தலைவனான செல்வக்கடுங்கோ வாழியாதனின் தந்தை அந்துவன் பொறையன். இவர் மனைவி 'பொறையன் பெருந்தேவி'. இவள் 'ஒருதந்தை' என்பவனின் மகள்.

பதிற்றுப்பத்து பதிகத்தில் குறிப்பிடப்பட்டுள்ள இந்தக் குறிப்புகளை ஒன்று சேர்த்துப் பார்க்கும்போது அந்துவன் என்பவனும், அந்துவன் சேரல் இரும்பொறை என்பவனும் ஒருவனே என்று தெளிவாகிறது.

இவனது செவிலித்தாய் அந்துவன் செள்ளை. மையூர் கிழானின் மகளாகிய இவள் குட்டுவன் இரும்பொறையை மணந்து பெற்ற மகனே பதிற்றுப்பத்து ஒன்பதாம் பத்தின் தலைவனான இளஞ்சேரல் இரும்பொறை.

"மடியா உள்ளமொடு மாற்றோர்ப் பிணித்த நெடுநுண் கேள்வி அந்துவன்" எனப் பதிகத்தில் வரும் குறிப்பால் இவன் அரசன் என்பதும், நன்கு கற்றவன் என்பதும் தெளிவாகிறது.

ஒப்பிட்டுக்கொள்க

• அந்துவஞ்சாத்தன்
• அந்துவன் கீரன்
• அந்துவன் செள்ளை
• நல்லந்துவனார்